لو انا جيت قلتلك إن عدد اليهود اللي عايشين في أوروبا و تركيا و روسيا حالياً و إنت بتقرأ المقالة دي وصلوا 1.3 مليون بني أدم فهل الرقم ده كبير ولا قليل؟ .. المعلومة دي لوحدها مش حينفع تديك صورة كاملة و دي أهمية السياق .. لو انا زودتلك معلومة إن سنة 1970 عدد اليهود في نفس الحتة اللي هي أوروبا و تركيا و روسيا كانوا 3.2 مليون بني أدم .. بمعني أخر .. خلال 50 سنة بس عدد اليهود قل بنسبة 60% .. ده حضرتك ملخص تقرير طلع من معهد دراسات السياسات اليهودية Institute for Jewish Policy Research و اللي مقره العاصمة البريطانية لندن .. بس قبل ما تفرح أوي لازم يتحط قدامك حقيقتين .. الحقيقة الأولانية إن الخمسين سنة اللي انا بتكلم عنهم دول داخل فيهم الحرب العالمية الثانية و ده معناه إنك لازم تحط في إعتبارك ال6 مليون يهودي اللي ماتوا في المحرقة أو الهولوكوست ده إذا إنت صدقت الرقم اللي بيتقال إنهم فعلاً 6 مليون يهودي اللي ماتوا .. الحقيقة الثانية و هي إن بعد إنهيار الإتحاد السوفيتي سنة 1989 فيه حنفية هجرة يهودية لإسرائيل إتكسرت و غرقت الدنيا لإن فيه 1.5 مليون بني أدم سابوا روسيا و راحوا إسرائيل.
في نفس الوقت لو بصيت علي أوروبا الغربية حتلاقي إن نفس التريند مكمل .. سنة 1970 عدد اليهود اللي كانوا عايشين في أوروبا الغربية وصلوا 1,112,000 .. دلوقتي بقوا فوق المليون بحاجة بسيطة .. يعني في الخمسين سنة دول عدد اليهود اللي عايشين في غرب أوروبا قل بنسبة 8.5% .. بس ده مش المشكلة الوحيدة في نظر اليهود .. المشكلة الأكبر إن اليهود اللي لسه عايشين في أوروبا و روسيا حالياً عواجيز .. ألمانيا دلوقتي عايش فيها 118,000 يهودي .. 40% منهم فوق ال65 سنة في حين إن أقل من 10% هم اللي أعمارهم تحت 15 سنة .. بس خلي بالك .. الأرقام دي طالعة من تقرير عمله معهد مستقل .. لو جيت تشوف الأرقام اللي بتطلع من كيانات يهودية زي المؤتمر اليهودي الأوروبي مثلاً تلاقيهم بيقولوا إن عدد اليهود في أوروبا دلوقتي 1,929,650 و ده تقريباً أكبر بنسبة 33% من الرقم اللي قاله التقرير بتاع معهد الدراسات اليهودية اللي بنتكلم عنه.
الظاهرة دي الحقيقة ليها سببين مهمين .. أول سبب هو إن في أوروبا سهل تلاقي واحد يهودي إتجوز واحدة مش يهودية و العكس و يخلفوا عيال قرروا إنهم يبقوا ملحدين .. انت عارف إن الدنيا في أوروبا سداح مداح .. ثاني سبب هو إن حتي لو يهودي إتجوز يهودية فتلاقيهم يا بيخلفوا عيل أو عيلين بالكتير أو مش بيخلفوا خالص .. الحقيقة إن اليهود واحدة من الحاجات اللي بتميزهم عن باقي الخلق هي إنهم دايماً بيدوروا علي حد يلوموه علي مشاكلهم .. هم مثلاً شايفين إن فرنسا بلد مسئولة بشكل كبير عن الكارثة دي .. تيجي تسألهم ليه كفا الله الشر؟ يقولك أصل فرنسا هي ثاني بلد في العالم عايش فيها يهود بعد أميركا .. جميل .. يقولك سنة 1970 عدد اليهود في فرنسا كان 530,000 بس دلوقتي وصلوا 449,000 بس .. طب إيه رأيك إن بداية من سنة 2000 لحد دلوقتي عدد اليهود اللي هاجروا إسرائيل من فرنسا وصلوا 51,455 بني أدم .. اليهود تلاقيهم مستنيينك تسأل هو معلش إشمعني فرنسا يعني اللي اليهود بيهربوا منها بالشكل ده؟ .. تلاقي اليهود ساعتها يقولولك جميل .. إنت كده جتلنا في ملعبنا.
معاداة السامية .. دي الإجابة اللي اليهود حافظينها للسؤال بتاع إنتوا عددكوا بيقل في أوروبا ليه؟ .. يقولك أصل فرنسا بلد لو إنت مدرس تاريخ قلت في حصة حاجة ضد الإسلام ممكن تتقتل .. يقولك أصل عشان حكومة تركيا حكومة إسلامية فعدد اليهود في تركيا قل من 39,000 سنة 1970 لحد ما بقوا 14,600 دلوقتي .. لكن إنهم يقفوا قدام المراية و يشوفوا الحقيقة بعنيهم لا مش حيحصل .. دايماً فيه شماعة و دايماً الشماعة بتكون حد غيرهم.
المصدر:
مقالة بعنوان Europe’s Jewish population down 60% since 1970, as low as it was 1,000 years ago نشرت في جريدة The Times of Israel و ده لينك المقالة الأصلية:
https://www.timesofisrael.com/europes-jewish-population-is-as-low-as-it-was-1000-years-ago-and-declining/
