مبني مقر شركة أتلاسيان .. إرميلي يا ابني الخرسانة دي مش عايزها و هات خشب.
لو أنا جيت قلتلك إني حشيل الأسمنت و الرملة و الزلط و المياة و حجيب مكانهم خشب .. أيوه خشب .. أنا حبنيلك مبني كامل بشوية صلب و خشب.
سناكس ما بين المقالات
دي مقالات صغيره قصيره مش حتاخد منك وقت في قراءتها بس حتتعلم من كل مقاله فيهم معلومه جديده
فورميولا وان و الطب .. الهندسة لما تنقذ أرواح و توفر فلوس.
في مرة رئيس قسم الجراحة كان بيتفرج علي سباق عربيات فورميلا وان Formula 1 و شاف بعنيه إزاي عربية سباق بتخش يشتغل عليها عشرين بني أدم عشان يغيروا الأربع عجلات و أحياناً يغيروا تيل الفرامل و السوست و المساعدين بتوع العربية في أقل من ثانيتين.
منظومة الإتصالات RISC .. إزاي طيارات سلاح الجو المصري بتتكلم مع بعضها؟
المفروض يعني إن الطيارات دي كلها تكون بتعرف تتكلم مع بعض بس طبعاً ده مبيحصلش .. المفروض إن الطيار اللي بيطير بطيارة الإنذار المبكر E-2C Hawkeye يعرف يبعت رسالة لزميله اللي بيطير بطيارة MiG-29M إن روح إلحق زمايلك اللي واحد فيهم بيطير بطيارة F-16 والثاني بيطير بطيارة رافال بس زي ما قلت ده مبيحصلش.
الإبادة الجماعية .. الستات بيعرفوا يعملوها زي الرجاله بالضبط.
أنا فعلاً مش ببالغ لو قلت إن فيه دراسات كتير أثبتت إن لو واحدة ست وقفت قدام قاضي وعيطتله شوية وقالتله إنها كانت مجبرة تعمل الجريمة اللي هي متهمة بإنها عملتها عشان جوزها أو البوي فريند بتاعها أو حتي مديرها الرجل الوحش المفتري هو اللي أجبرها علي كده فالقاضي بيطلعها براءة.
Overspending .. إني لأبغض أهل بيت ينفقون رزق أيام في يوم واحد.
لو حبيت نتكلم بما يرضي الله فالأزمة دي الحقيقة ليها سببين .. السبب الأولاني هو إن مصادر الطاقة المتجددة Renewable Energy بقت متوفرة بأسعار رخيصة بتنافس سعر البترول وفوق ده إنها بتيجي بميزة إنها مش بتلوث البيئة .. السبب الثاني هو فيروس كورونا Covid-19.
اليهود خايفين إن عددهم بيقل جامد .. ياااااه علي الدنيا.
سنة 1970 عدد اليهود اللي كانوا عايشين في أوروبا الغربية وصلوا 1,112,000 .. دلوقتي بقوا فوق المليون بحاجة بسيطة .. يعني في الخمسين سنة دول عدد اليهود اللي عايشين في غرب أوروبا قل بنسبة 8.5% .. السؤال بقي تفتكر ليه؟
السودان وإسرائيل .. أبيع نفسي لأول مشتري أت.
المهم .. نيجي بقي لأهم حتة .. الفلوس .. حالياً السودان مديونة ب72 مليار دولار .. كان فيه كلام إن اسم السودان يتشال من قايمة الدول اللي بترعي الإرهاب عشان لو ده حصل فالإقتصاد السوداني يبدأ يتنفس وبالتالي يبقي عندها فرصة إنها تسدد الديون دي كلها .. جميل .. اللي وقف في الزور هو تكتل عائلات ضحايا الهجمات الإرهابية اللي نفذها تنظيم القاعدة في شرق أفريقيا واليمن.
الصين و حرب الخليج الثانية .. أحيه يا أبو سوسو أحيه.
سنة 1991 فعلياً مستوي تسليح القوات المسلحة العراقية كان أعلي بكتير من القوات المسلحة الصينية .. سلاح الجو العراقي مثلاً كان تحت إيده أحدث مقاتلات سوفيتية في السوق .. العراقيين كان عندهم مقاتلات MiG-23 و MiG-25 و MiG-29 .. خلي بالك إحنا لسة شاريين الMiG-29 دي من كام سنة في حين إن العراقيين إشتروها أول ما نزلت .. ده في الوقت اللي سلاح الجو الصيني مكنش حيلته غير MiG-21 و الأقدم منها كمان MiG-19 اللي إحنا دخلنا بيهم حرب أكتوبر 1973.
فرنسا و أفريقيا .. بنسند ولاد الكلب عشان إحنا ولاد ستين كلب.
أظن السؤال المهم دلوقتي هو ليه؟ .. ليه فرنسا بتقف في ظهر الديكتاتوريين الأفارقة ضد شعوبهم؟ .. ليه قدام الناس بتقولوا علي نفسكوا حماة الديموقراطية و الحرية و المساواة و أنتوا مستخسرين نفس المباديء دي في الشعوب الأفريقية؟
البلاستيك و البترول .. سبوبة ولا خازوق؟
الخازوق اللي شركات البترول دي حتلبسه هو ان لو كلام الناس بتوع مؤسسة الابحاث كاربون تراكر Carbon Tracker طلع صح
التيبيت والصين والدلاي لاما .. شيء لا يصدقه عقل.
بالنسبة للبوذيين بتوع التيبيت ف(دلاي لاما) هو تجسيد لروح (بوذا) .. حلو .. المفروض إن (دلاي لاما) عنده 84 سنة يعني الرجل ده الأيام اللي فاضلاله في الدنيا أكيد أقل من اللي عاشها .. عشان كده السؤال دلوقتي لما الرجل ده يموت إيه اللي حيحصل؟
نيوم .. الفنكوش؟ ولا الحلم اللي يستحق إنه يتبني بالدم؟
نيوم دي ميكس بين كلمة New أو جديد بالإنجليزي وكلمة مستقبل بالعربي .. دي بمنتهي البساطة عبارة عن مشروع حتة أرض صحراء تقريباً ليها نفس مساحة دولة بلجيكا جوه المملكة العربية السعودية علي حدودها مع الأردن.
فرانك لامبارد .. إتعلم من مانويل جوزيه.
علي فكرة أنا مش بقولك إن (لامبارد) تايه مش فاهم راسه من رجليه .. بالعكس .. هو شايف إن (كانتي) بيجري كتير فحرام ألعبه إرتكاز يبقي زي كلب الحراسة قصاد رباعي الدفاع مع إن هو ده أحسن مركز ليه وده المركز اللي جاب بيه الدوري مع ليستر سيتي ومع تشيلسي وجاب كأس العالم مع فرنسا.
زها حديد .. إديني في الكيرفات.
ده فندق اسمه أوباس Opus إتبني في الحتة اللي حول برج خليفة في دبي و(زها حديد) بنفسها هي اللي صممت المبني قبل وفاتها .. تخيل نفسك مكان (زها حديد) للحظة .. انت جالك كلاينت قالك أنا عايز أفتح فندق في دبي .. قعدت تفكر شوية كده قمت قايله وأنا عندي ليك فكرة إنما إيه حتعجبك أوي .. أنا حعمل مبني من علي شكل مكعب زجاج بارتفاع 93 متر وفي نص المبني بالضبط حخرمه خرم زي ما يكون سوبرمان عدي منه في فيلم Man of Steel بارتفاع 8 أدوار .. إيه رأيك في الفكرة؟
تياجو الكانتارا .. بين الزياط و بين المفهوميه.
في راي الناس اللي بتحب (تياجو) جوه المانيا و اللي واحد منهم مثلا يبقي زميله في الفرقه (توماس مولر Thomas Muller) فانت عشان تبقي لاعيب ارتكاز كويس مش لازم تبقي بلطجي
التصميم المعماري لأماكن الشغل .. إزيك يا كلاينت و إزاي أمك.
سنة 2018 اتنشرت رسالة علمية في مجلة Royal Society قالت إن التصميمات المعمارية الحديثة لOpen Office Space اللي بقت معتمدة زي ما قلت علي فكرة كربسلي يا ابني المكاتب جنب بعض عشان نشغل أكبر عدد من الموظفين في مكان قليل في الأخر بتؤدي إلي إن قابليه الموظفين إنهم يتواصلوا مع بعض بتقل بنسبة 70%.