تابعونا

كره قدم

الكوره البتاعه المدوره اللي بنلعب بيها في الشارع دي اكيد عارفينها يعني

كره قدم 9 نوفمبر، 2017 4.1 ألف

كأس العالم 2022 .. حيتلعب في قطر واللي مش عاجبه يخبط دماغه في الحيط.

إنت لو جيت سألت أي شاب في مصر بيتابع كرة قدم تعرف إيه عن beIN Sports حيقولك إن دي الشركة اللي بتملك حق البث الحصري لماتشات الدوري الإنجليزي و الإسباني و بطولة دوري أبطال أوروبا و بطولة الدوري الأوروبي .. دي البطولات الأوروبية .. في غيرهم بطولة كأس العالم و تصفيات بطولة كأس العالم و بطولة أمم أوروبا و تصفيات بطولة أمم أوروبا ده غير طبعاً بطولة أمم أفريقيا للمنتخبات و الأندية و بطولة أمم أميركا الجنوبية المعروفة بإسم كوبا اميركا.

كره قدم 5 أكتوبر، 2017 2.9 ألف

أتليتكو مدريد .. لما تقف علي رجلك بالدهلكة و تفتيح المخ.

القشة اللي قسمت ظهر البعير زي ما بيقولوا كانت الأزمة المالية العالمية اللي حصلت سنة 2008 و اللي كان فعلاً سببت مصيبة للإقتصاد الإسباني .. اللي حصل إن الإقتصاد الإسباني فعلياً وصل لمرحلة الكساد و معدل البطالة وصل 25% .. ده خلي الأندية تجبر إنها تبدأ تخفض أسعار بيع التذاكر و بالتالي أرباح الأندية الإسبانية قلت.

كره قدم 6 سبتمبر، 2017 964

تشيلسي .. فن إنك إزاي تخزوق نفسك.

دي إدارة مش بهايم زي ما إنت متخيل قد ما هي إدارة كل اللي يهمها الفلوس .. دي إدارة عندها أكاديمية ناشئين محترمة أوي بس مش بتتعامل مع خريجها بنفس طريقة تعامل برشلونة مع أكاديمية لاماسيا La Masia إنها تعتبر مصنع تفريخ للاعبين يلعبوا في الفريق الأول.

كره قدم 24 أغسطس، 2017 2.5 ألف

ريال مدريد و صفقات الجلاكتيكوس .. كان فيه و خلص.

زمان و زمان دي اللي لحد الموسم اللي قبل اللي فات بس كانت إدارة برشلونة معتمدة بشكل أساسي علي إنها تصعد لاعبين ناشئين من أكاديمية النادي اللي بيسموها لا ماسيا La Masia .. ده كان جزء من فلسفة هي إن برشلونة نادي بيلعب بطريقة لعب معينة مش أي حد بيعرف يلعب بيها و مش أي لاعب تقدر تشتريه من بره عشان يقدر يلعب بيها.

كره قدم 20 يوليو، 2017 9.4 ألف

محمد صلاح .. راح ليفربول ليه بقي؟

ليفربول إشتروا (صلاح) من نادي روما الإيطالي اللي هو أساساً إشتراه من نادي تشيلسي الإنجليزي الصيف اللي فات .. رسمياً (صلاح) قعد في نادي تشيلسي سنتين و نص خلال السنتين و نص دول ملعبش غير 6 ماتشات بس .. ده خلي إدارة تشيلسي تعيره في الأول لنادي فيرونتينا الإيطالي و بعد كده أعاروه لنادي روما و اللي إشتراه رسمياً من تشيلسي .. فترة (صلاح) في الدوري الإيطالي مختلفة خالص عن الفترة اللي قضاها في إنجلترا.

كره قدم 9 يوليو، 2017 1.3 ألف

أرنيستو فالفيردي .. لما تجيب (فاروق جعفر) يدرب الأهلي.

ده يخليك تقول لنفسك ده بني أدم محترم و متعلم و مؤدب .. واضح إنه مدرب كويس بدليل إنه حقق معجزة مع نادي أتليتيكو بلباو إنه لأربع سنين متتالية بيوصل بيهم إنهم يلعبوا في أوروبا مع العلم إن إمكانيات نادي أتليتيكو بلباو محدوده أوي .. بس لما مسك فرقة كبيرة زي أوليمبياكوس اليوناني خد بيهم 3 بطولات دوري و بطولتين كاس.

كره قدم 20 يونيو، 2017 1.7 ألف

زين الدين زيدان .. ما بين إنه محظوظ و ما بين إنه عبقري .. الجزء الثاني.

مفيش حد حقق النجاح اللي حققه (زيدان) الموسم ده وهو بيعمل Rotation كتير أوي كده .. (لويس إنريكي) حقق الثلاثية لما بدأ يثبت تشكيلته .. (زيدان) حقق الدوري الإسباني رقم 33 في تاريخ ريال مدريد بفريق مفيش حد فيه ملعبش وده في حد ذاته إنجاز لإن ريال مدريد نفسه مش متعود علي كده.

كره قدم 18 يونيو، 2017 2.2 ألف

زين الدين زيدان .. ما بين إنه محظوظ و ما بين إنه عبقري .. الجزء الأول.

اللي عمله (زيدان) إنه نقل من نفس ورقة الإجابة بتاعة منتخب فرنسا اللي حقق بطولة كأس العالم سنة 1998 بإنك تبني فريق قايم علي الدفاع القوي و إن يكون عندك خط وسط علي أعلي مستوي .. لو قدرت تعمل كده فالأهداف حتيجي لوحدها .. فعلاً انت لو بصيت علي أداء ريال مدريد تحت قيادة (زيدان) مش حتلاقيهم بيلعبوا بأسلوب معين .. هم بس دفاعهم قوي و عندهم خط وسط عالمي وده بيخلي المهاجمين تجيب جوان كتير.

1 … 3 4 5