تابعونا

العدوان الثلاثي .. ما تيجوا نفهم هو إيه اللي حصل؟

عسكرياً مفيش حد عاقل ميقدرش يقول إن إسرائيل مكسبتش الحرب .. دول وصلوا لحد 15 كيلومتر من القناة وخدوا شرم الشيخ ودخلوا مقر القيادة العسكرية في العريش .. سواء بقي إنت في صف إنهم كسبوها لإنهم بيفهموا أو كسبوها لإننا إدينالهم سيناء عشان نحمي القناة فمش دي قضيتي .. طب أزيدك من الشعر بيت .. مش حتفرق إذا كانت إسرائيل كسبت الحرب عسكرياً أو لا.

ألبوم صور .. دبي عندها نخلة بس الصين عندها شمس و قمر و وردة.

دبي من أوائل المشاريع اللي هي عملتها كان بالم الجميرا Palm Jumeira ودي مجموعة جزر صناعية علي شكل نخل و الحقيقة إن المشاريع من النوع ده جابتلهم شغل زي الفل .. الصينيين لإنهم شعب بيعشق التقليد و مش قادرين يتخلصوا من مرض الCopy & Paste لما حبوا برده يجذبوا ليهم إستثمارات أجنبية قلدوا دبي بالضبط.

يورجين كلوب .. هل فيه حد زيه؟ الصراحة أشك.

ناس كتير مسمعتش عن (كلوب) غير لما درب بروسيا دورتموند ووصل بيهم نهائي دوري أبطال أوروبا قصاد بايرن ميونيخ وخسره .. الحقيقة إن كتير مننا ميعرفش حاجة عنه غير إنه رجل متخصص يخسر نهائيات وده طبيعي أصل إحنا عايشين في عصر السوشيال ميديا .. عصر يهمك فيه تاخد الزتونة مش إنك تفهم ده حصل ليه؟ وإمتي؟ وإزاي؟ .. اللي انا عايزك تطلع به من المقالة دي مش إن (كلوب) ده رجل تخصص خسارة نهائيات قد ما أنا عايزك تعرف إنه رجل الدنيا داست علي وشه بما فيه الكفاية.

(جيف بيزوس) و (محمد بن سلمان) .. تعرف (الخطيب) و (تركي ال شيخ)

جرنان The National Enquirer ده جزء من شركة نشر كبيرة اسمها AMI مملوكة لبني أدم اسمه (ديفيد بيكر David Pecker) .. لحد يناير 2019 يعني قبل ما الجرنان يفضح (جيف بيزوس Jeff Bezos) كان الرجل ده مديون ب1.3 مليار دولار و شركته بتخسر في السنة 70 مليون دولار .. تسلسل الأحداث بتاع إزاي الرجل ده إتعرف علي (بن سلمان) مسلي جداً.

زيرو .. الطيارة اللي هزمها شوية تفتيح مخ.

أول مرة اليابانيين يطلقوا الطيارة دي زي الكلب السعران في الحرب العالمية الثانية كانت في يوليو 1940 .. في اليوم ده 13 طيارة Zero إشتبكت مع 26 طيارة روسية من طراز I-16 و I-53 و وقعتهم كلهم في معركة مستمرتش أكتر من 3 دقايق .. لما تستوعب اللي حصل ده كمل قراية و لو لسه مستوعبتش خد وقتك مش مستعجلين .. العالم كله صحي علي إعجاز تصميم الطيارة Zero لما خبر تدمير الأسطول الأميريكي في بيرل هاربور سمع في العالم كله.

البترول و OPEC و Fracking .. ولا خناقة ثانوس و الأفينجرز.

خلال السنين دي كلها شركات البترول الأميريكية لإنها مكنتش عارفه تصدر فمكنش وراها لا شغلة ولا مشغلة إلا إنها تلاقي طريقة لتطوير طرق حفر و تتنقيب تخليها تعرف تكسبلها قرشين .. أهم حتة في أميركا بتنتج بترول هي ولاية تكساس أو الصعيد بتاع أميركا .. تكساس دلوقتي بقت بتنتج بترول أكتر من اللي بتنتجه العراق و إيران و ده كله سببه تكنولوجيا Hydraulic Fracturing أو Fracking في بير بترول كبير حبتين اسمه Permian Basin في ولاية تكساس.

النكد الزوجي .. العادات السبعة اللي ممكن تقتل أي جوازة.

العادات السبعة دي كلها زي ما قلتلك مش هي الضربة القاضية إنما العادات اللي تكرارها مع السنين بيقتل الجواز بالبطيء لحد ما بتوصلوا لمرحلة إنكوا تصحوا الصبح مش طايقين بعض .. الجواز عشان يعيش لازم تبدأ تاخد بالك من التفاصيل الصغيرة و تلقطها و تبدأ تشتغل عليها عشان تخلص منها لإنك لو سبتها فهي بتعمل شرخ و الشرخ ده مع الوقت بيكبر لحد ما حيوقع البيت كله.

Top Gun .. ورا فورمة (توم كروز) قصة معافرة تستحق تتحكي.

في الحرب الكوريه فيه حد في القوات البحريه هبد الهبده التمام بان اكبر تهديد بيواجه الاسطول الاميريكي هو ان السوفييت يبعتوا قاذفه بتشيل قنبله نوويه عشان ترميها فوق الاسطول الاميريكي وهو في البحر .. قاذفه دي عباره عن طياره كبيره شويه شايله قنبله نوويه بترميها فوق هدف ما .. في راي (زين الهابدين ابن حموده) اللي هبد الهبده دي فالحل الوحيد عشان الطيارين الامريكان يواجههوا الخطر ده هو انهم ينسوا خالص مباديء الDogfighting

Avengers و X-Men .. إفتكروا إني قلتلكوا بلاش.

تعالي ناخد الفيلم الجديد من سلسلة X-Men و اللي حيبقي اسمه Dark Phoenix و اللي يعتبر أخر فيلم تنتجه شركة 20th Century Fox للسلسلة .. الفيلم ده الحقيقة يعتبر مثال صارخ للفوضي و العك و اللي بقي طريقة شغل في السلسلة .. في الوقت اللي Marvel بتعمل اللي تقدر عليه عشان تضمن سرية الأحداث في أي فيلم تعمله تلاقي إننا بسم الله الرحمن الرحيم كده عارفين إن شخصية (ميستيك Mystique) اللي بتقدمها (جينيفر لورينس Jennifer Lowrence) حتموت في الفيلم.

جوزيه مورينيو .. نوكيا 3310 بتاع الكورة.

التطور الكبير في كرة القدم خلق جيل جديد من المدربين .. إذا كان (مورينيو) هو النوكيا 3310 فالجيل الجديد هو الAndroid و الiPhone .. خد عندك واحد منهم زي (يورجين كلوب) .. الجيل الجديد قال بدل ما نركن الأوتوبيس و نستني الخصم هو اللي ييجي إحنا اللي حنروحله نضغط عليه و نقرفه في عيشته و حنقطع منه الكورة في نص ملعبه .. الفكرة دي بتتسمي الضغط العالي أو Pressing .. هنا أنا مش جاي أقول مين أحسن من مين أو مين صح و مين غلط .. اللي أنا عايز أوصله ليك إن في الوقت اللي كرة القدم فيه بتطور يوم عن يوم فضل (مورينيو) علي حاله.

تقرير (روبيرت مالر) .. لما الغباء و التنفيض ينقذوك من حبل المشنقة.

ده يحطك قدام حقيقة إن الروس كانوا حيموتوا و يتواصلوا مع الحملة الإنتخابية بتاعة (ترامب) و حاولوا كتير أوي يوصلولوه عشان يساعدوه يكسب بس البعيد لا هو ولا اللي حوليه كانوا بيفهموا و ده اللي طلعهم زي الشعرة من العجين من تحت إيد فريق التحقيق.

صورة الثقب الأسود .. إيه اللي أنا شايفه ده؟ إيه اللي بيحصل ده؟

تخيل إن الثقب الأسود ده عبارة عن دوامة زي الدوامة اللي في الساحل الشمالي لما تنزل المياه و يكون الموج عالي حبتين .. فيه مرحلة أثناء لما الدوامة بتشفطك بتتسمي نقطة اللاعودة اللي هي النقطة اللي انت مهما حاولت تقاوم و مهما حاولت تعوم مش حتعرف تهرب من قوة شد الدوامة ليك .. اللحظة دي بتتسمي Event Horizon إن الجسم أو الضوء أو أي حاجة خلقها ربنا بتوصل لمرحلة إنها مش بتقدر تقاوم قوة الجذب بتاعة الثقب الأسود.

حرب أكتوبر .. بعد 46 سنة إيه اللي إتعلمناه من العظمة دي؟

جت حرب أكتوبر خدتنا كف علي وشنا عشان تقولنا أصحوا .. طول ما فيه حروب و طول ما فيه علم و طول ما فيه ناس بتفكر ياما حنشوف إبتكارات و مفاجأت .. محدش كان متخيل إن حتحصل معارك دبابات تاني زي اللي حصلت في الحرب العالمية الثانية بس سيناء شافت أضخم معركة دبابات في التاريخ لحد وقت الحرب .. محدش كان متخيل إن حيجي اليوم و نلاقي عسكري ماسك Joystick زي بتاعة الأتاري و PlayStation و بيتحكم في صاروخ بكابل عشان يطيره لحد ما يدمر به دبابة.

فضيحة شركة SNC الكندية .. ليه يا ربي متبقاش كل فضايحنا كده؟

الموضوع بمنتهي البساطة إن فيه شركة مقاولات و إستشارات هندسية كندية إسمها SNC-Lavalin ودي عشان أشبهالك بحاجه تفهمها حاول تتخيل إنها المقاولين العرب بتاعة كندا .. المهم إن الشركة دي فيه إتهام موجه ليها بإنها خلال الفترة من 2001 لحد 2011 دفعت رشاوي وصلت قيمتها 48 مليون دولار كندي لعيلة الرئيس الليبي الراحل (معمر القذافي) الله يرحمه عشان الشركه يرسي عليها مزدات عقود شغل في ليبيا .. لحد دلوقتي الموضوع سهل.

أياكس أمستردام .. لما (كرويف) قال أياكس مش عاجبني يا رجاله أياكس.

التغيير كان في أساسات النادي .. فرق الناشئين مبقاش يتقيم نجاحها علي أساس خدتوا كام بطولة جمهورية لسنكوا قد ما بقي بيتقاس نجاحهم بالإجابة علي سؤال أنتوا طلعتوا كام لاعيب ينفع يلعب في الفرقة الأولي؟ .. انت بتسمع عن فرقة زي الزمالك كده كل موسم يغيروا مدير فني و مطلوب من الفرقة إنها تسحر و بقدرة قادر تفهم المدير الفني الجديد و تطبق فكره و تكسب بطولات.