متستغربش لو قلتلك إن فيه أندية كتير في أوروبا بتحسد بروسيا دورتموند علي نجاح طريقة إدارة النادي .. في سنين قليلة أوي قيمة الفرقة نطت بسبب إن دي إدارة عارفه كويس إزاي تختار اللاعيبة اللي تلعب بإسم الفانلة الصفرا بس يمكن مبتعرفش تختار مدربينها صح.
الدوري الألماني مليان فرق من اللي إتعودت ترقص علي السلالم .. أخرهم يتأهلوا لبطولة دوري أبطال أوروبا و ممكن يوصلوا لدور الثمانية مثلاً.
الأندية الألمانية بتتميز الحقيقة عن باقي أندية العالم إن صنع القرار فيها بيبقي في إيد الجمعية العمومية اللي هي أساساً بتتشكل من الجماهير و أعضاء النادي اللي بيصرفوا علي النادي من جيوبهم و من فلوس إشتراكاتهم السنوية .. الفكرة دي الألمان مسميينها قاعدة ال50+1.