الإستثمارات الصينية في أوروبا .. إنك تبعزق فلوسك بس بتفتيح مخ.
خلال ال10 سنين اللي فاتوا دول حجم الفلوس اللي الصين حطتها في أوروبا أكتر ب45% من الإستثمارات الأميريكية .. الصينيين حطوا فلوسهم في كل حتة .. إستثمارات في مشاريع بنية تحتية Infrastructure في شرق وجنوب أوروبا .. إستثمارات في مشاريع تكنولوجية متقدمة في غرب أوروبا .. الصين بقت في كل حتة في أوروبا لدرجة إن المستشارة الألمانية (أنجيلا ميركل) والرئيس الفرنسي (إيمانويل ماكرون) بقوا شايفين إن اللي بيحصل ده تهديد للأمن القومي الأوروبي.