اللي حتكلم عنه النهاردة هو الإجابة عن سؤال بسيط .. هو إيه اللي بيحصل في فرنسا بالضبط؟ .. ليه فيه مظاهرات؟ وهل (إيمانويل ماكرون Emmanuel Macron) رئيس فرنسا بني أدم فاشل مش عارف يدير الليلة ولا إحنا اللي فاهمينه غلط؟ .. بلاش تتخيل إن اللي بيحصل في فرنسا ده لو شبهناه بحاجة عشان نفهمه ان فرنسا بني أدم عنده دور برد جامد حبتين.
الحقيقة إن شعبية (إيمانويل ماكرون Emmanuel Macron) بتقع ولا الطيارة المحروقة .. بناء علي أخر استطلاع رأي عمله Website محترم أوي اسمه YouGov في شهر أغسطس 2017 ف36% بس من الفرنسيين راضيين عن أداء الرئيس بتاعهم وده تقريباً نفس الرقم بتاع نسبة الأمريكان اللي مبسوطين من شغل الرئيس الأميريكي (دونالد ترامب Donald Trump).
لحقيقة إن جواز (إيمانويل ماركون) من مراته حطم أرقام قياسية كتير أوي في فرنسا .. يعني مثلاً .. هو حيكون أول رئيس في تاريخ الجمهورية الخامسة الفرنسية اللي يكون سنه أصغر من مراته .. مش كده وبس .. فرق السن بينه و بين مراته حيكون أكبر فرق في السن بين أي رئيس و مراته في تاريخ الجمهورية الخامسة الفرنسية.