تابعونا

تصفح الوسم بروسيا دورتموند

بروسيا دورتموند .. زعيم الغلابة.

متستغربش لو قلتلك إن فيه أندية كتير في أوروبا بتحسد بروسيا دورتموند علي نجاح طريقة إدارة النادي .. في سنين قليلة أوي قيمة الفرقة نطت بسبب إن دي إدارة عارفه كويس إزاي تختار اللاعيبة اللي تلعب بإسم الفانلة الصفرا بس يمكن مبتعرفش تختار مدربينها صح.

بروسيا دورتموند .. مركز شباب وحضانة لحد ما ربنا يفرجها.

تبقي نقطة هل اللي بتعمله إدارة بروسيا دورتموند ده صح ولا غلط؟ .. الحقيقة دي نقطة وجهات النظر .. علي إيدك اليمين الناس اللي بتقول إن ده غلط بدليل إن الفرقة في 8 سنين مجابتش إلا بطولة يتيمة .. قصاد علي إيدك الشمال الناس اللي بتقول لا معلش ثانية واحدة لو اللي بتعمله إدارة بروسيا دورتموند غلط ممكن حد يقولنا ليه أندية زي ليل في فرنسا أو ليستر سيتي أو أرسنال في إنجلترا و حتي ريال مدريد بتحاول تقلدهم؟

(ماتياس دي ليجت) .. يا تري هو حاجة حلوة ولا حاجة وحشة؟

الحقيقة إن الإجابه علي السؤال ده إنك تسأل نفسك هو يعني إيه مدافع كويس؟ .. إمتي تقول علي مدافع إنه جامد تنين؟ .. إنه يكون سريع؟ .. إنه يكون قوي؟ .. إنه يعرف يقرأ الماتش كويس؟ .. إن مدافع يبقي سريع و قوي جسمانيا فدول صفتين من الثلاثة بتخليك تقول يبقي أكيد بتتكلم عن شاب صغير .. الصفة الثالثة إنه يقرأ الماتش كويس بتخليك تقول إنه لازم يبقي عنده الخبرة الكافية يعني لازم يبقي سنه كبير.