المعلومة اللي جاية دي ممكن تصدمك بس صدق أو لا تصدق إن (دونالد ترامب Donald Trump) و(بنيامين نتنياهو Benjamin Netanyahu) إترشحوا لجايزة نوبل للسلام بسبب دورهم إن الإتفاقية دي تتمضي .. عشان الإتفاقية مقالتش أي حاجة عن وقف الإستيطان في الضفة الغربية في المطلق فعايز أقولك إن في نفس اليوم اللي إتمضت فيه الإتفاقية الحكومة الإسرائيلية مضت علي قرار إنشاء 3,000 بيت جديد في المستوطنات الإسرائيلية في الضفة الغربية.
(نتنياهو) استغل أزمة فيروس كورونا إنه يشل إيد (جانتز) ومع كل يوم بيعدي الإعلام الإسرائيلي بقي بيضغط علي (جانتز) إنه يا يسيب (نتنياهو) يكمل في منصبه أو علي الأقل ياخده معاه في حكومته.
هو طول لسانه علي منافسيه .. نفخ نفسه زيادة عن اللزوم .. وحتي علاقته مع (ترامب) اللي شبه العلاقة بين الكنافة والنوتيلا منفعتوش .. يمكن أنا أقدر أقول إن (نتنياهو) حفر قبره بنفسه.
لو (أفيجادور ليبرمان) عرف بطريقة ما إنه يقعد علي الكرسي الكبير .. كرسي رئيس الوزراء فكده هو فعلياً قلب الطرابيزة علي الكل .. السؤال دلوقتي هو إزاي يقدر يعمل ده.
لما رئيس الوزراء الإسرائيلي (بنيامين نتياهو) طلع قرار برفض الفيزا بتاعة عضوتي الكونجرس الأميريكي (إلهان عمر) و (رشيدة طالب) فده خلي الرئيس الأميريكي (دونالد ترامب) فرحان منه أوي بس القرار ده عمل شرخ جوه السياسة الداخلية الأميريكية.
اللي حتكلم عنه النهاردة هو واحدة من أهم الخناقات اللي (إلهان) داخله فيها بإيديها و سنانها و هي خناقتها مع اللوبي اليهودي في أميركا و عشان تفهم اللوبي اليهودي في أميركا لازم الأول تتعرف علي حاجة إسمها إيباك AIPAC و دي إختصار American Israeli Public Affairs Committee .. هنا بقي أنا عايزك تفهم مين هم AIPAC دول؟
فيه إختراع اسمه إيباك AIPAC وده الاسم بتاع اللوبي الصهيوني في إسرائيل .. الناس دول يهود أمريكان معاهم فلوس كتير بيصرفوها في تمويل حملات إنتخابية لسياسيين أمريكان سواء لو إنت مرشح نفسك للرئاسة أو حتي للبرلمان فإنت بتبقي محتاج كل مليم تقدر تجيبه لإن كل حاجة بقت بفلوس فالناس بتوع AIPAC دول بيدوك اللي إنت عايزه في مقابل إنك إن شاء الله لما تكسب الإنتخابات تبقي واقف في ظهر إسرائيل.
سنة 2012 الإسرائيليين و الألمان إتفقوا علي إن إسرائيل حتستلم 3 غواصات كمان و الألمان كانوا عارفين إن الإسرائيليين حيستخدموا الغواصات دي عشان يحطوا عليها صواريخ بتشيل رؤوس نووية بس يمكن اللي خلي المستشارة الألمانية (أنجيلا ميركل Angela Merkel) توافق علي الصفقة هو إنها خدت وعد من رئيس الوزراء الإسرائيلي (بنيامين نتنياهو Benjamin Netanyahu) بإنه حيسعي بجد عشان يمضي إتفاق سلام مع الفلسطينيين.
الإتفاق النووي الإيراني مكنش بين أميركا و إيران بس لإن فيه 6 كيانات تانية اللي هم بريطانيا و ألمانيا و فرنسا و الإتحاد الأوروبي و روسيا و الصين و كلهم مش ناويين ينسحبوا من الإتفاق ولا يغيروا أي كلمة فيه .. المنطق بتاعهم لو انت مضايق من بنود الIran Deal هات حاجة تانية تحل محلها بس مينفعش تقول انا مش عاجاباني الIran Deal وانت معندكش بديل.
اللي انت محتاج تفهمه إن علي أخر السنة حيحصل حاجة من إتنين: يا إما النيابة العامة في إسرائيل حتبريء ذمة (نتنياهو) أو حيدينوه و حيرفعوا عليه قضية .. في حالة إنهم فعلاً أدانوه ف(نتنياهو) إن حتي لو ده حصل فهو مش حيقدم إستقالته بس ساعتها حيبقي مجبر إنه يدعو لإنتخابات مبكرة و الحقيقة إن الأحزاب الإسرائيلية عامله حسابها.
بالنسبة للسياسيين الإسرائيليين بقي فالموضوع أنيل شوية .. فيه عندك 4 وزراء حاليين في الحكومة الإسرائيلية من ضمنهم (نتنياهو) شخصياً بيتحقق معاهم في قضايا فساد .. هم كانوا خمسة علي فكرة لو حسبت معاهم وزير الدفاع (أفيجادور ليبرمان) بس الرجل ده نفد بجلده لما النيابة الإسرائيليه قالت إن مفيش أدلة كافية لإدانته رغم إن البوليس الإسرائيلي كان بيصوت إن الرجل ده مش بس لازم يتشال من منصبه كوزير دفاع إنما لازم يتحبس.
حضرتك القدس الشرقيه بما فيها المسجد الاقصي اسرائيل احتلتها بعد حرب 5 يونيو 1967 بس الاسرائيليين عملوا اتفاق مع الاردنيين هو ان الاردنيين هم اللي يتولوا مسئوليه تامين المسجد الاقصي .. يعني اي اجراءات امنيه بتعملها اسرائيل تتعلق بالمسجد الاقصي لازم تحصل بالتنسيق مع الاردنيين