بإختصار شديد اليابان حسبتها عسكرياًصح بس سياسياً غلط ودي مشكلة العسكريين لما يتسابوا هم اللي يرسموا إستراتيجية بلد في حرب خصوصاً لما تكون عالمية .. كان المفروض اليابان تدرس الوضع السياسي في أميركا .. يبقوا فاهمين هو الشارع الأميريكي بيقول إيه .. هل الشارع الأميريكي فارق معاه اليابان أصلاً؟
الإنفاق العسكري الياباني اللي عمال يزيد يوم عن يوم ده بيخليني أبص لمنطقة جنوب شرق أسيا و أحس إني قصاد نفس الوضع في أوروبا في السنين اللي قبل الحرب العالمية الأولي.
إغتيال (ياماموتو) بيحطك قدام سؤال جديد .. هو إغتيال قائد في جيش معادي جريمة حرب ولا عمل مشروع؟ .. حط المقارنة دي قدامك .. دلوقتي الأمريكان جاتلهم معلومة إن قيادي معين في داعش مستخبي في بيت في سوريا .. بتطلع طيارة بدون طيار Drone تضرب صاروخ علي البيت تجيبه الأرض .. هنا انت بعت طيارة عليها علم أميركا فوق دولة قانوناً مش في حالة حرب مع أميركا وضربت بيها واحد مش لابس زي عسكري عليه علم سوريا ومات في الغارة دي مدنيين ملهمش أي ذنب غير إنهم كانوا في الوقت الغلط في المكان الغلط.
جت حرب أكتوبر خدتنا كف علي وشنا عشان تقولنا أصحوا .. طول ما فيه حروب و طول ما فيه علم و طول ما فيه ناس بتفكر ياما حنشوف إبتكارات و مفاجأت .. محدش كان متخيل إن حتحصل معارك دبابات تاني زي اللي حصلت في الحرب العالمية الثانية بس سيناء شافت أضخم معركة دبابات في التاريخ لحد وقت الحرب .. محدش كان متخيل إن حيجي اليوم و نلاقي عسكري ماسك Joystick زي بتاعة الأتاري و PlayStation و بيتحكم في صاروخ بكابل عشان يطيره لحد ما يدمر به دبابة.