زيرو .. الطيارة اللي هزمها شوية تفتيح مخ.
أول مرة اليابانيين يطلقوا الطيارة دي زي الكلب السعران في الحرب العالمية الثانية كانت في يوليو 1940 .. في اليوم ده 13 طيارة Zero إشتبكت مع 26 طيارة روسية من طراز I-16 و I-53 و وقعتهم كلهم في معركة مستمرتش أكتر من 3 دقايق .. لما تستوعب اللي حصل ده كمل قراية و لو لسه مستوعبتش خد وقتك مش مستعجلين .. العالم كله صحي علي إعجاز تصميم الطيارة Zero لما خبر تدمير الأسطول الأميريكي في بيرل هاربور سمع في العالم كله.