ليوبارد و تركيا و ألمانيا .. البضاعة لا ترد ولا تستبدل.
لما الألمان صمموا الLeopard 2A4 كان في دماغهم إنهم يصنعوا دبابة سريعة تقدر تقف قدام غزو سوفيتي كاسح لألمانيا الغربية أيام الحرب الباردة .. دي دبابات إتصممت عشان تقف قدام الدبابات الروسي في حرب مفتوحة وعمر ما الألمان تخيلوا إنها حتستخدم في حرب عصابات ضد ناس معهاش غير عبوات ناسفة و صواريخ محمولة علي الكتف و في حرب الإعلام مركز عليها أوي لدرجة إن خبر تدمير دبابة تركية واحدة كفيل إنه يدي لأي حد إنطباع إن وكأن العملية العسكرية كلها فشلت.