صناديق الثروة السيادية وجولمان ساكس .. تعرف عصابة حماده وتوتو؟
تخيل معايا إن فيه دولة إسمها مزاريطة جابت كل تحويشة العمر بتاعتها وحطتها في شوال .. غالباً الصناديق من النوع ده بتتعمل لما تبقي دولة عندها مصدر طبيعي واحد ربنا أداهولها و إقتصادها كله معتمد عليه زي البترول مثلاً .. فلو المزاريطة دي دولة ربنا كرمها ببترول كتير و هي عايشة علي إستخراج البترول و تصديره فالمنطق بيقول إن حكومة المزاريطة مش عايزه يجي اليوم اللي سعر بيع برميل النفط يتخسف به الأرض و ساعتها البلد كلها تفلس.