حياة (كاسياس) عايزين فعلياً النهاردة نقف عند الخوازيق اللي هو خدها فيها .. عايزين نشوف إزاي مش مهم إنك تتخزوق .. مش مهم إنك تقع .. المهم إنك تقوم تاني و تكمل طريقك .. الكاريير بتاعة (كاسياس) لما تيجي تبصلها حتلاقي حاجة غريبة جداً.
ريال مدريد عاشوا فترة إعداد زي الزفت مع (زين الدين زيدان) .. رغم إن (زيدان) مش عايز (جاريث بايل Gareth Bale) إلا انه لحد دلوقتي لسه موجود في النادي .. (إيدن هازارد Eden Hazard) فيه كلام كتير حول لياقته البدنية و دلوقتي سامعين تقارير إن (زيدان) إتخانق مع (لوكا جوفيتش Luka Jovich).
زمان و زمان دي اللي لحد الموسم اللي قبل اللي فات بس كانت إدارة برشلونة معتمدة بشكل أساسي علي إنها تصعد لاعبين ناشئين من أكاديمية النادي اللي بيسموها لا ماسيا La Masia .. ده كان جزء من فلسفة هي إن برشلونة نادي بيلعب بطريقة لعب معينة مش أي حد بيعرف يلعب بيها و مش أي لاعب تقدر تشتريه من بره عشان يقدر يلعب بيها.
اللي عمله (زيدان) إنه نقل من نفس ورقة الإجابة بتاعة منتخب فرنسا اللي حقق بطولة كأس العالم سنة 1998 بإنك تبني فريق قايم علي الدفاع القوي و إن يكون عندك خط وسط علي أعلي مستوي .. لو قدرت تعمل كده فالأهداف حتيجي لوحدها .. فعلاً انت لو بصيت علي أداء ريال مدريد تحت قيادة (زيدان) مش حتلاقيهم بيلعبوا بأسلوب معين .. هم بس دفاعهم قوي و عندهم خط وسط عالمي وده بيخلي المهاجمين تجيب جوان كتير.