بيرلو بقي مدرب يوفينتوس .. وعشان كده إحنا إخترناه.
لو حضرتك عايز مدير فني حافظ النادي و عارف اللاعيبه و بيعرف يعمل من الفسيخ شربات طب ما ترجع (أليجيري) .. إياكش حتي تروح تشتريله بوكيه ورد و تشغله أغنية (تامر حسني) ناسيني ليه بتتعب قلبي وياك.
تصفح الوسم كريستيانو رونالدو
أطلانطا .. حنهاجم وانتوا مالكوا خلوا الدفاع ينفعكوا.
تجربة اطلانطا لازم نقف قدامها و ندرسها و نفهمها لإنها فعلاً تجربة بتحصل في العمر مره .. مفيش فرقة في أوروبا بتلعب بالطريقة دي .. مفيش فرقة بتلعب بفلسفة حنهاجم حنهاجم حنهاجم و انتوا مالكوا خلوا الدفاع ينفعكوا .. مفيش فرقة فيكي يا أوروبا لعبت قصاد أطلانطا و خرجت بالكلين شيت.
نادي إنتر ميامي .. حلم (ديفيد بيكهام) بيتحقق.
في أول ماتش ليهم في الدوري الأميريكي الممتاز نادي إنتر ميامي اللي بيملكه (ديفيد بيكهام David Beckham) حيلعب قصاد فرقة LA Galaxy الفرقة اللي لعب فيها (بيكهام Beckham) في أميركا .. سكة معافرة مشي فيها (بيكهام Beckham) عشان النادي بتاعه يلعب أول ماتش له في الدوري.
(زيدان) و ريال مدريد .. جينا نمشي قالولنا نقعد .. جينا نقعد شدوا الكراسي.
ريال مدريد عاشوا فترة إعداد زي الزفت مع (زين الدين زيدان) .. رغم إن (زيدان) مش عايز (جاريث بايل Gareth Bale) إلا انه لحد دلوقتي لسه موجود في النادي .. (إيدن هازارد Eden Hazard) فيه كلام كتير حول لياقته البدنية و دلوقتي سامعين تقارير إن (زيدان) إتخانق مع (لوكا جوفيتش Luka Jovich).
جوزيه مورينيو .. نوكيا 3310 بتاع الكورة.
التطور الكبير في كرة القدم خلق جيل جديد من المدربين .. إذا كان (مورينيو) هو النوكيا 3310 فالجيل الجديد هو الAndroid و الiPhone .. خد عندك واحد منهم زي (يورجين كلوب) .. الجيل الجديد قال بدل ما نركن الأوتوبيس و نستني الخصم هو اللي ييجي إحنا اللي حنروحله نضغط عليه و نقرفه في عيشته و حنقطع منه الكورة في نص ملعبه .. الفكرة دي بتتسمي الضغط العالي أو Pressing .. هنا أنا مش جاي أقول مين أحسن من مين أو مين صح و مين غلط .. اللي أنا عايز أوصله ليك إن في الوقت اللي كرة القدم فيه بتطور يوم عن يوم فضل (مورينيو) علي حاله.
زين الدين زيدان .. ما بين إنه محظوظ و ما بين إنه عبقري .. الجزء الثاني.
مفيش حد حقق النجاح اللي حققه (زيدان) الموسم ده وهو بيعمل Rotation كتير أوي كده .. (لويس إنريكي) حقق الثلاثية لما بدأ يثبت تشكيلته .. (زيدان) حقق الدوري الإسباني رقم 33 في تاريخ ريال مدريد بفريق مفيش حد فيه ملعبش وده في حد ذاته إنجاز لإن ريال مدريد نفسه مش متعود علي كده.
زين الدين زيدان .. ما بين إنه محظوظ و ما بين إنه عبقري .. الجزء الأول.
اللي عمله (زيدان) إنه نقل من نفس ورقة الإجابة بتاعة منتخب فرنسا اللي حقق بطولة كأس العالم سنة 1998 بإنك تبني فريق قايم علي الدفاع القوي و إن يكون عندك خط وسط علي أعلي مستوي .. لو قدرت تعمل كده فالأهداف حتيجي لوحدها .. فعلاً انت لو بصيت علي أداء ريال مدريد تحت قيادة (زيدان) مش حتلاقيهم بيلعبوا بأسلوب معين .. هم بس دفاعهم قوي و عندهم خط وسط عالمي وده بيخلي المهاجمين تجيب جوان كتير.