فيه كام قاعدة كده مهم تكون فاهمهم لما تيجي تتكلم عن الهجرة .. كل ما مساحة البلد و عدد سكانها بيقل كل ما حتلاقي إن نسبة المهاجرين فيها أعلي .. كنت قلتلك إن نسبة المهاجرين اللي عايشين في أميركا حوالي 15% من إجمالي تعداد السكان .. لو قارنت أميركا ببلد تانية زي سويسرا تكتشف إن نسبة المهاجرين في سويسرا بتعدي 29% .. في بلد تانية زي لوكسمبورج و دي بلد صغيرة لدرجة إن حي شبرا في القاهرة أكبر منها بتلاقي إن نسبة المهاجرين فيها بتوصل 46%.
الموضوع بمنتهي البساطة إن فيه شركة مقاولات و إستشارات هندسية كندية إسمها SNC-Lavalin ودي عشان أشبهالك بحاجه تفهمها حاول تتخيل إنها المقاولين العرب بتاعة كندا .. المهم إن الشركة دي فيه إتهام موجه ليها بإنها خلال الفترة من 2001 لحد 2011 دفعت رشاوي وصلت قيمتها 48 مليون دولار كندي لعيلة الرئيس الليبي الراحل (معمر القذافي) الله يرحمه عشان الشركه يرسي عليها مزدات عقود شغل في ليبيا .. لحد دلوقتي الموضوع سهل.
اللي حصل ده جاب صدمة نفسية للناس اللي مهتمه أوي بموضوع القنص ده إن أخر رقم متسجل لأطول عملية قنص في التاريخ كان بإسم قناص بريطاني إسمه (كريج هاريسون Craig Harrison) قتل واحد من طالبان في أفغانستان سنة 2009 من مسافة 2475 متر.
(جاستن ترودو) عنده 45 سنة .. لسه صغير نسبياً .. شكله أمور زي ما إنت شايف .. عارف يوظف الSocial Media كويس .. مجرد تبصله تحس إنك مرتاحله .. سياسياً هو رافع يافطة كندا المتسامحة المفتوحة المتقدمة اللي بترحب باللاجئين و بإتفاقيات التجارة الحرة و الأهم إنها بتملك إقتصاد بيحقق أكبر معدل نمو ضمن الدول السبع الإقتصادية الكبري .. دي نفس المجموعة اللي بتضم الصين و روسيا و أميركا و ألمانيا.
إسرائيل حتدفع علي المقاتلة الواحدة 110 مليون دولار يعني المفروض إنها حتدفع 5.5 مليار دولار .. لكن .. و خلي بالك أوي من الكلام اللي جاي .. إسرائيل فعلياً مش حتدفع ولا مليم من الفلوس دي كلها.