وقود الصواريخ .. الخناقة بين مشجعي الوقود السائل و الوقود الصلب.
أهم ميزة في الوقود الصلب إنك تقدر تخزنه .. انت ممكن تفضل مخزنه لسنين و سنين و لما تيجي تشغله بيشتغل زي الفل و عشان كده الناس اللي بتصمم الصواريخ اللي بتشيل رؤوس نووية بيعشقوه .. لا بتقلق إن يا تري تركيبة الوقود بتتغير مع التخزين ولا لا و هل محتاج أحفظه في ظروف معينة ولا لا .. هو يدوبك حاجة شبه الأستيكة بتتحط في مستودع و خلاص علي كده.