بيزنس تي- شيرتات كرة القدم .. عشان تجيب فلوس لازم تصرف فلوس.
صحيح يبان إن رقم 650 مليون جنيه إسترليني ده رقم كبير و تحس إنك أول ما تسمعه إن Puma دافعه دم قلبها وإن خلاص كده يا جدعان اسم مانشستر سيتي بقي علامة مسجلة زيه زي Apple بس الحقيقة مش كده .. الحقيقة مش كده خالص .. تقريباً أي نادي من ضمن كبار الدوري الإنجليزي الممتاز (ما عدا مانشستر يونايتد حتفهم ليه كمان شوية) لو قرر إنه بكره الصبح يدور علي شركة جديدة تعمله تي-شيرتاته فغالباً حيتدفعله رقم قريب أوي من ده.