و لقوا إن شغلانة يجيب فلوس للنادي دي لازم تبقي مربوطة بصلاحيات بيع و شراء اللاعيبه و عشان كده قرروا إنهم يمشوا (ديفيد جيل David Gill) المحاسب اللي كان ممشي حسابات النادي زي السكينة في الجاتوه و حطوا مكانه (إيد وودوارد).
لو جيت حطيت نفسك مكان أي حد في مجلس إدارة مانشستر يونايتد و سألت نفسك طب و إيه العمل؟ .. تفتكر لو قلت إنك لازم تمشي (جوزيه مورينيو) حتجيب مين مكانه؟ الحقيقة إن زي أي إتنين متجوزين لما بيوصلوا لمرحلة اللي أنا بسميها اللبس في الحيطة في جوازهم بيحتاجوا إنهم يتكلموا مع حد سواء دكتور نفسي أو خبير علاقات زوجية .. هنا (جوزيه مورينيو) محتاج حد يساعده .. فيه مين حول (جوزيه مورينيو) بيتكلم معاه و يفضفض معاه بدل ما كل شوية يطلع في مؤتمر صحفي يقعد ينكد علينا عيشتنا؟