علي فكرة لو إتكلمت مع الإماراتيين نفسهم حتلاقيهم بيحكوا قصة تانية خالص .. من وجهة نظرهم فالإمارات بتواجه خطر واضح و صريح لأمنها القومي متمثل في الجماعات الإرهابية اللي بتاخد تنظيمات زي داعش و القاعدة كمثل أعلي ليها.
أظن لو جيت قلتلك إن الصينيين بنوا طيارتهم J-20 أول طيارة جيل خامس تتصنع هناك بإنهم سرقوا تصميمات الطيارة الأمريكاني F-35 فإنت غالباً حتقولي وإيه الجديد يعني مش فاهم أنا.
الناس لما شافت اللي سربه (سنودين) بقوا عاملين زي الست اللي روحت البيت لقت جوزها مع واحدة تانية .. اللي هو إزاي ده حصل؟ وليه؟ وإمتي؟ وكل الأسئلة اللي إخترعوها في اللغة العربية وبعد كده بتيجي مرحلة الزعيق والشتيمة .. من ضمن الأسئلة الكتير اللي إتسألت هو إزاي بالصلاة علي النبي شاب عنده 29 سنة يسرق المعلومات الحساسة دي كلها من جهاز مخابرات بيقول علي نفسه إنه أقوي جهاز مخابرات في العالم؟ .. ده اللي شغالين في كارفور مبيعرفوش يسرقوا حاجة منه.
دلوقتي الصين كدولة عندها شركتين كبار أوي في مجال الإتصالات اللي هم Huawei ودي شركة قطاع خاص و شركة اسمها ZTE ودي شركة قطاع عام .. مؤسس Huawei اللي هو (رين زينجفي) كان ضابط إتصالات سابق في الجيش الصيني قبل ما يطلع معاش سنة 1987 و يؤسس الشركة ومن ساعتها و الحكومه الصينية بتستثمر مليارات الدولارات عشان تخلي إسم Huawei يسمع في العالم كله.