الهبوط علي المريخ .. حيبقي اصعب من الهبوط في بوتشينكي يعني
انا مش بهزر ولا كنت بحاول اني ابسطلك المعلومه لما شبهتلك الهبوط علي المريخ بانه مساله فيزياء .. زي ما انت في ثانويه عامه او لو ربنا قدرك و دخلت كليه هندسه مع اني منصحكش و كان بيتقالك عشان تعرف تحل في الامتحان لازم تحل الشيتات و تمرن نفسك علي انك تحل مسائل امتحانات كتير فبرده فرق المهندسين اللي بتتولي مهمه الهبوط باي مركبه فضاء علي المريخ بيقضوا ساعات كتير اوي مبيعملوش حاجه في حياتهم غير انهم يحلوا مسائل امتحانات عشان يمرنوا ايدهم و عقلهم لحد يوم الامتحان