في نفس السنه (تيم كوك Tim Cook) .. اللي هي 2017 .. كان (تيم كوك) عين إتنين واحد إسمه (جايمي إيرليخت Jamie Erlicht) والتاني إسمه (زاك فان أمبورج Zack Van Amburg) والإتنين منتجين مسلسلات كانوا شغالين في شركة Sony Picture Television وحط تحت إيدهم مليار دولار كميزانية.
المشكلة زي ما هي باينه عندك سلسلة و مش عارفين نحييها .. الحل زي ما قلتلك بسيط .. إعمل جزء جديد بحيث إنك تفترض إن أحداث الجزئين الثالث و الرابع و الخامس ولا كأنهم حصلوا .. عيش كأن الأفلام دي ولا كأنها إتعملت لإن خلينا نكون صرحاء مع بعض الأفلام الثلاثة فعلياً إتنسوا من ذاكرة أغلب الناس اللي بتتفرج علي أفلام أجنبي.
متستغربش لو سمعت معلومة إن ناس كتير بتعتبر روايات ملك الخواتم اللي كتبها الرجل اللي مجاش زيه (جيه أر أر تولكين) هي شغل خيالي علمي .. ده معناه إن الأفلام اللي بتحكي الروايات هي كمان لازم تتصنف علي إنها أفلام خيال علمي زيها زي Avatar اللي تقدر تقول عليه فيلم خيالي علمي لإنه بيحكي عن سفر البشر لكوكب تاني و إزاي إحنا كبشر بنتعامل مع شعب ثاني له ثقافته و لغته و عاداته و تقاليده.
علي الورق إزاي أصلاً سؤال زي ده يتسأل .. إزاي شخصية أسطورية زي (جيمس بوند James Bond) أجيال إتربت عليها عايزها تتعلم حاجة من شخصية ظهرت في مسلسل يدوبك فيه كام مليون واحد شافوه؟