إغتيال الأدميرال (ياماموتو) .. جريمة حرب ولا عمل مشروع؟
إغتيال (ياماموتو) بيحطك قدام سؤال جديد .. هو إغتيال قائد في جيش معادي جريمة حرب ولا عمل مشروع؟ .. حط المقارنة دي قدامك .. دلوقتي الأمريكان جاتلهم معلومة إن قيادي معين في داعش مستخبي في بيت في سوريا .. بتطلع طيارة بدون طيار Drone تضرب صاروخ علي البيت تجيبه الأرض .. هنا انت بعت طيارة عليها علم أميركا فوق دولة قانوناً مش في حالة حرب مع أميركا وضربت بيها واحد مش لابس زي عسكري عليه علم سوريا ومات في الغارة دي مدنيين ملهمش أي ذنب غير إنهم كانوا في الوقت الغلط في المكان الغلط.