كأس العالم قطر 2022 .. شئت أم أبيت لازم تحترم قطر.
خليني أحطهالك علي بلاطة .. مفيش بلد بتنول شرف تنظيم بطولة إياكش حتي تبقي تنظيم بطولة لعب الدومينو علي القهاوي أو بطولة رمي البلي لمسافات طويلة و العملية مش بتبقي فيها مجاملات و هدايا و لعب من تحت الطرابيزة .. إرجع بس بذاكرتك لكم الفضايح اللي كلنا سمعناها من واحد زي (تركي ال شيخ) عن كل التجاوزات اللي كانت بتحصل في كرة القدم المصرية و انت حتستوعب انا بقول إيه .. لما الإتحاد الدولي لكرة القدم FIFA عمل لجنة تحقيق تشوف هل فعلاً قطر إرتكبت تجاوزات لقوا نفسهم قدام حقيقة صعبة أوي .. هو مين مش بيتجاوز؟
