تعالوا نبدأ بالاسم .. باريت Barrett دي تبقي إسم الشركة اللي صنعت البندقية .. MRAD دي إختصار Multi Role Adaptive Design يعني التصميم اللي بيقدر يتكيف مع أي ظرف و بيقدر ينفذ كذا وظيفة و ده اللي احنا محتاجين نقف قصاده شوية.
القوات المسلحة الأميريكية زيها زي أي قوات مسلحة في العالم بتتكون من أفرع رئيسية اللي هي القوات الجوية USAF والقوات البحرية US Navy والقوات البرية US Army .. من ضمن الأفرع الرئيسية للقوات المسلحة الأميريكية هي قيادة العمليات الخاصة Special Operations Command وإختصاراً بتتسمي SOCOM .. حاول تتخيل إن الأمريكان خدوا وحدات الصاعقة في الجيش المصري فصلوها عن القوات البرية وبقت قيادة مستقلة بذاتها زي القوات الجوية والبحرية.