أوعي تفتكر إن التنقيب عن أي حاجة في أي حتة بره كوكب الأرض دي حاجة سهلة و تتعمل عادي كده .. لا خالص .. ده حوار وتفاصيل و مشاكل يتكتب فيها كتب مش مقالات بس انت محتاج تفهم أصل الحكاية علي الأقل و أصل الحكاية إن فيه خناقة بين فريقين حول الإجابة عن السؤال اللي سألته في الأول خالص .. إزاي نجيب أي مصلحة من القمر أو من أي كوكب تاني زي المريخ مثلاً؟
عشان القوات الجوية تختار الشركتين اللي حترسي عليهم المناقصة بيحطوا شوية معايير .. المعايير دي لو بصيت عليها تلاقي إنها بتدي أفضلية للشركات اللي إشتغلت قبل كده معاهم .. زي ما إنت كده تقول أنا عايز أعين حد في شركة و تحط من ضمن معاييرك إن اللي حييجي يشتغل عندك كان شغال في نفس المجال قبل كده.
بس اللي حنتكلم عنه النهارده هو إزاي (ماسك) ده بني أدم طبيعي خالص زيه زيك .. ده حقيقي .. ده رجل حياته الشخصية عباره عن منطقة كوارث .. شركاته بتخسر كتير زيها زي أي شركات شغالة في مجال الهندسة بيبقي مطلوب منها تخلص تسليمات قبل Deadline معين و مبتلحقش تسلم .. بإختصار إحنا هنا جايين نثبتلك إن (ماسك) ده بني أدم طبيعي خالص مفيهوش حاجة مختلفة.
ده الفرق بين SpaceX و NASA زي الفرق بين شوية مهندسين شغالين في شركة قطاع خاص و مهندسين شغالين في شركة حكومة .. اللي شغالين في القطاع الخاص بيتعلموا إن العطلة وحشة و إن مش لازم نمشي زي ما الكتاب ما بيقول طالما فيه حل سريع و ينفع يشتغل نعمله مهما كان حل غريب و يبان إنه حل أهبل.