سوبرهيروز .. هل إحنا فعلاً محتاجينهم؟
إحنا إتربينا علي إن السوبرهيروز بيجيبوا حق المظلوم .. هم إتكتبوا كده في الروايات و القصص المصورة اللي كنا بنقراها و إحنا صغيرين .. خد عندك شخصية زي سوبرمان مثلاً .. دي شخصية إتكتبت بعد فترة الكساد اللي ضربت أميركا في الثلاثينات و خلت فيه حالة إحباط عام بين الناس .. في القصص المصورة سوبرمان كان واقف في صف المواطن الغلبان و بيحارب الفساد اللي إستشري في المجتمع .. و مش لوحده.