رأي الناس في فيلم Watchmen كان حاجتين: الحاجة الأولانية إنه متصور حلو أوي و دي ميزة في شغل (زاك سنايدر) و اللي لما تتفرج علي أفلامه زي 300 حتلاقي إن المشاهد خصوصاً مشاهد الأكشن متصورة حلو أوي .. ثاني حاجة و دي برده حاجة مميزة في شغل (زاك سنايدر) ان مفيش قصة و مفيش حوار و مفيش حبكة و مفيش صدمة .. طول الفيلم ناس بترغي في كلام ملوش معني بس الأكشن شكله حلو.
محدش كان متوقع إن فيلم 300 يكسر الدنيا كده .. ولا حتي شركة الإنتاج Warner Bros. اللي كان في الأول هي اللي حتنتج الفيلم بس سحبت فلوسها في شهر مارس قبل عرض الفيلم ب9 شهور لإنه كان المفروض يتعرض في ديسمبر 2006 و الشركة سحبت إيدها منه في مارس و ده خلي مخرج الفيلم (زاك سنايدر Zack Snyder) يدور علي أي شركة إنتاج لحد ما لقي شركة Legendary.
فجأة شركة Warner Bros فاقت علي المصيبة اللي (زاك سنايدر) عملها بس الحمد لله ربنا بعتلهم فيلم Wonder Woman .. الأراء الأولية للنقاد السينمائيين اللي شافوا فيلم Wonder Woman بتقول إنه أحسن فيلم يتعمل لDC Cinematic Universe وده خلي فيه إحساس كده إنهم شكلهم حيخلوا دور النساء في السلسلة الي حد ما كبير.