ويندوز فون .. قصة فشل نتعلم منها كتير.

موضوعنا النهاردة اللي حنتكلم عنه هو القرار اللي طلع من رئيس شركة مايكروسوفت Microsoft اللي هو (ساتيا ناديلا Satya Nadella) شهر أكتوبر2017 بس يمكن ناس كتير مخدتش بالها منه هو إن خلاص نظام تشغيل ويندوز فون Windows Phone Operating System مات .. معني الكلام ده إن خلاص شركة Microsoft مش ناوية تعمل أي حاجة لإنقاذ Windows Phone OS زي مثلاً إنها تنزل حاجة زي Windows 10 بحيث يشتغل علي أجهزة Smartphones .. القرار ده معناه إن سوق أنظمة التشغيل Operating Systems المتاحة عشان تشغلها علي Smartphones في السوق رجعوا تاني النظامين اللي مفيش غيرهم: iOS بتاع شركة Apple و Android OS بتاع شركة Google .. موضوعنا النهاردة هو الإجابة عن سؤال واحد: هو إيه اللي حصل؟ إزاي إن Windows Phone OS اللي ظهر للعالم أواخر سنة 2010 و اللي خلي الناس تنبهر به مات بالشكل المفاجيء ده؟ لإن خلينا نكون صرحا إن ظهور Windows Phone OS كان أكبر نقلة في مجال Smartphones من لحظة ما شركة Apple نزلت أول iPhone و الكلام ده كان سنة 2007 مات بعد ظهوره ب7 سنين بس .. ده اللي إحنا حنتكلم عنه النهاردة .. هو إيه اللي حصل؟

في المقالة دي حنقسم ال7 سنين اللي هم عمر Windows Phone OS ل 6 محطات:

• المحطة الأولي .. أكتوبر 2010 و هي ظهور Windows Phone OS كنظام تشغيل جديد لانج منافس لiOS و Android.
• المحطة الثانية .. نوفمبر 2011 و هي بداية إن شركات تصنيع Smartphones مختلفة تبدأ تنزل موديلات شغالة بWindows Phone.
• المحطة الثالثة .. يوليو  2011 النقلة النوعية في صناعة كاميرات الSmartphones.
• المحطة الرابعة .. أغسطس 2013 و هي قرار رفض YouTube إنها تشتغل علي Windows Phone OS.
• المحطة الخامسة .. إبريل 2014  قرار شركة Microsoft إنها تشتري شركة Nokia.
• المحطة السادسة .. أغسطس 2015 شركة Microsoft بتصحي علي صدمة إن ليها حصة 2.5% بس من السوق.

خلينا نبدأ بأول محطة و هي ميلاد Windows Phone OS و ده كان في أكتوبر 2010:

يوم 11 أكتوبر 2010 طلع الممثل البريطاني (ستيفن فراي Stephen Fry) اللي غير إنه ممثل فهو من أكثر الناس اللي بتفهم في مجال التكنولوجيا علي مستوي العالم في عرض مخصوص إتعمل في العاصمة البريطانية لندن عشان يقدم للعالم Windows Phone Operating System .. مهم تكون عارف إن (ستيفن فراي) كان مجنون بحاجة إسمها iOS فلما يطلع في العرض الرسمي لWindows Phone OS فدي حاجة كبيرة و علامة مهمة إنك بتتكلم عن نظام تشغيل محترم و ناس كتير مستعدة تقف وراه بسمعتها و إسمها خصوصاً إن Windows Phone أول ما طلع كان جديد في كل حاجة .. لو فتحت الHome Screen بتاعة أي iPhone حتلاقي الأيقونات مترتبة في شبكة أو Grid و ده نفس الشكل اللي Google إستخدمته في Android .. جه Windows Phone قام عامل الHome Screen عبارة عن كروت عليها المعلومات المهمة اللي إنت محتاج تكون عارفها .. الCalendar بتطلعلك عليها المواعيد بتاعتك .. كانت أول مرة الNotifications بتاعة الرسايل بتطلعلك عليها بداية الرساله فمش بتبقي محتاج تفتح الرسالة كلها عشان تفهم هي فيها إيه .. شركات كتير قلدت Windows Phone OS زي مثلاً شركة HTC اللي نزلت حاجة إسمها Blink Feed و Google اللي نزلت Google News Card .. ده يوريك إن لما Windows Phone OS نزل كان فعلاً سابق عصره و دي كانت المشكلة .. إنت منزل نظام تشغيل بUser Interface جديد لانج و مش موجود قبل كده فطبيعي إن الناس تستغربه و حتحتاج وقت عشان تتعود عليه .. مشكلة Microsoft إنها خافت من الرأي الأولي للناس و قررت إنها بدل ما تبعد خالص عن iOS و Android و تكمل في سكة إنها تدينا حاجة مختلفة بدأت تقلدهم عشان تبقي زيهم عشان الناس متستغربش التعامل مع Windows Phone OS.

لإن Windows Phone OS لما نزل كان جديد و مختلف فهو كان سريع جداً .. إسأل أي حد جربه حتلاقيه بيقولك إنه عمره ما لقي سرعة الإستجابة بتاعة Windows Phone OS في أي موبايل شغال بAndroid OS أو iOS .. إيه أسرع Keyboard ممكن تجربه؟ بتاع Windows Phone OS .. إيه أحسن User Interface يوريك الNotifications المهمة علي الLock Screen من بره؟ بتاع Windows Phone OS .. الأهم إن Windows Phone OS مكانش Open Source Application زي Android إنما كان Closed OS زي iOS و ده كان معناه إن مش أي حد يقدر يعمل أي تعديل علي Operating System و ينزله للناس و ده حمي Windows Phone OS من أي عك أو محاولات للفتي من الDevelopers.

المحطة الثانية ..شركات Smartphones بدأت تنزل موبايلات شغالة بWindows Phone OS و ده كان في نوفمبر 2011:

شركات كتير أعجبت بWindows Phone OS .. عندك شركة زي Samsung اللي نزلت Samsung Omnia 7 .. عندك شركة زي HTC اللي نزلت HTC 7 Surround و سنة 2012 نزلت Windows Phone 8X و Windows Phone 8S و وراها علي طول شركة Nokia نزلت Lumia 800 .. كلها كانت Smartphones ممتازة و من أحسن الأجهزة اللي نزلت السوق وقتها و دي كانت النقطة .. إنت بتتكلم عن سنة 2011 .. في الوقت اللي شركة زي Nokia اللي كانت لسه بتقول يا هادي في إنتاج الSmartphones تنزل حاجة زي Lumia 800 اللي كان جديد في كل حاجة سواء في شكله أو في OS بتاعه إذا بشركة Apple وقتها كانت منزلة iPhone 4s اللي هو نسخة طبق الأصل من iPhone 4 .. علي الناحية التانية شركة زي Nokia راهنت بمستقبلها كله علي Windows Phone OS .. شركة زي Nokia نست إن الSmartphone مش بس Operating System لإن فيه حاجات تانيه كتير زي الكاميرا و البطارية و الMemory .. لما شركة زي Nokia مطورتش من نفسها بنفس المعدل اللي شركات زي Samsung و Apple عملوا فده خلي مبيعات موبايلاتها تنهار .. ده خلي إن ثقة الناس في Windows Phone OS تقع و تتهز .. تاني .. المشكلة مكنتش في Windows Phone OS إنه وحش أو مشاكله كتير .. المشكلة إن الشركات اللي إستخدمته كانت بتنتج Smartphones إمكانياتها مش بنفس إمكانيات Smartphones تانية صادف إنها شغالة علي Android OS و علي iOS.

المحطة الثالثة .. النطة الكبيرة في كاميرات الموبايلات و ده كان في يوليو 2013:

في المرحلة دي نزل Smartphone عملته شركة Nokia هو Lumia 1020 اللي إتشهر أوي بسبب إن الكاميرا بتاعته كانت مدورة و دي كانت نقلة لوحدها .. موبايل Lumia 1020 يعتبر التطوير بتاع موبايل تاني اللي هو Nokia 808 PureView اللي كان شغال علي Operating System  إسمه Symbian .. المهم إن الإتنين كانت الكاميرا بتاعتهم 41 ميجابيكسل و دي كانت أول مرة تحصل إن ينزل موبايل الكاميرا بتاعته 41 ميجابيكسل .. إنت لو عندك Nokia 808 PureView فإحب أقولك إنك تحت إيدك جوهرة في مجال التصوير لإن الموبايل ده رغم إنه قديم و محدش بيستخدمه دلوقتي إلا إن جودة الصور بتاعته مفيش أي Smartphone من بتوع دلوقتي يقدر يوصلها.

المحطة الرابعة ..  الخناقة بين Microsoft و YouTube و ده كان في أغسطس 2013:

دي المرحلة اللي بدأت فيها مشاكل Windows Phone OS تظهر و هي إن كتير من App Developers رفضوا يشتغلوا عليه .. عندك App زي Instagram مثلاً .. إنت لو معاك Smartphone شغال بiOS أو Android OS فإنت بتقدر تعمل Install لInstagram من الApp Store و تشغله .. المشكلة كانت إن Apps كتير كانت رافضة إنها تشتغل علي Windows Phone OS .. ده حقيقي .. أي App تعمله Microsoft و يكون معموله Install علي Windows Phone OS بيكون سريع و شغال زي الطلقة و أسرع من أي App علي Android بس Microsoft مكنتش هي الوحيدة اللي بتعمل Apps و يمكن أهم App هو YouTube .. فكر فيها كده .. شركة Google عمرها ما كانت حتقبل إن Windows Phone OS يبقي منافس ليها في السوق قدام iOS و هم كانوا عارفين إن أكثر App إحنا بنستخدمه علي Smartphones بتاعتنا هو YouTube  عشان كده هم إستغلوا إن شركة Google هي اللي شارية شركة YouTube إنهم يمنعوا الApp إنه يتعمله install علي أي موبايل شغال بWindows Phone OS ..  فإنت لو رايح تشتري موبايل جديد و لقيت إن موبايل شغال علي Windows Phone OS سريع و نظيف و الناس كلها بتشكر فيه بس مش بيشغل YouTube App فإنت مش حتشتري الموبايل ده .. علي فكرة هي حلها بسيط .. إنك تفتح Chrome Internet Explorer و تخش علي Website نفسه بتاع YouTube و تعيش حياتك بدل ما تفتح App بتاع YouTube بس تقول إيه .. بالنسبة لينا كبني أدمين الكسل كنز لا يفني.

المحطة الخامسة .. قرار Microsoft إنها تشتري Nokia و ده كان في إبريل 2014:

لما جت سنة 2014 المسئولين في شركة Microsoft بقي عندهم إقتناع بحاجتين: الأولي إنهم خلاص مبقاش عندهم جديد يقدموه في Windows Phone OS و الثانية إنه جه الوقت إن Microsoft تتوسع في مجال الموبايلات و تنزل Smartphone كامل مش بس OS .. هم كان عندهم في الأول كذا إختيار .. كان ممكن يحاولوا يشتروا Samsung أو HTC أو Nokia أو علي الأقل يتعاونوا معاهم بس المشكلة كانت إن شركتي Samsung و HTC كانوا إتخانقوا مع شركة Microsoft لإنهم كانوا شايفينها بتفضل شركة Nokia عليهم في أي Update جديد ينزل لWindows Phone OS .. في الأخر شركة Microsoft ملقتش قدامها غير إنها تعصر علي نفسها لمونة و تشتري شركة Nokia الفنلندية .. شركة Microsoft صرفت وقتها فلوس كتير أوي علي الدعاية و الترويج للخطوة دي و إن لازم كل بني أدم في العالم يوصله خبر إن Microsoft إشترت Nokia و إنك خلاص قريب أوي حينزل في السوق موبايل جديد إسمه Microsoft .. وسط كل ده فيه حاجتين إتنسوا و الحاجتين دول هم السبب إن في الأخر Windows Phone OS مات:

• أول حاجة إن Microsoft معالجتش عيب إن كتير من Apps مش بتشتغل علي Windows Phone OS و مش بس YouTube .. الشركة حاولت تعالج العيب ده بإنها تكلم الزبون علي إنه صحيح لو إشتري موبايل Microsoft فيه Apps كتير مش حتشتغل بس إنت حتشتري موبايل بجودة Nokia بتاع زمان .. حتشتري موبايل Smartphone تضربه في الحيطة يردلك تاني .. موبايل مش بيتكسر و مش بيهنج .. الفكره إن شركة زي Samsung الموبايلات اللي هي بتنزلها شغالة علي Android OS قالت لنفسها إن طول ما Microsoft مش بتعالج عيب نقص الApps فالحاجة الوحيدة اللي حتخليني أخد من حصتها من السوق هي إني أشتغل علي Design و علي البطاريات و علي جودة الموبايل .. بإختصار إنت كمستهلك بقي قدامك في السوق إختيارين في حالة إنك مش عايز تشتري iPhone .. الإختيار الأول موبايل Microsoft إمكانياته حلوة بس مش بيشغل Apps كتير و الإختيار التاني موبايل شغال بAndroid OS إمكانياته حلوه برده بس بيشغل الApps اللي مش بتشتغل علي Windows Phone OS .. فطبيعي إنك تميل للموبايلات بتاعة Samsung.
• ثاني حاجة إن شركتي Microsoft و Nokia متفقوش هم حيعملوا إيه .. يعني عندك شركة Microsoft كانت متخيلة إنها لما تشتري Nokia حتبدأ تصنع موبايلات بنفس جودة iPhone اللي هو موبايل إمكانياته وهمية و شكله حلو و غالي .. علي الناحية الثانية Nokia كانت متخيلة إنها تستغل فكرة إن Windows Phone OS مش بيستهلك كتير من البطارية و يعتبر من أكثر الOperating Systems كفاءة في إنها تبدأ تنزل موبايلات رخيصة يقدر أي حد يشتريها .. في الوقت اللي Nokia كانت حاطة عينها علي الزباين اللي في الهند و جنوب شرق أسيا اللي هم زباين كتير أوي بالملايين بس معهمش فلوس فإنت قررت تبيعلهم موبايل حلو و رخيص كانت Microsoft حاطة عينها إنها تنزل موبايل ينافس iPhone في أميركا و أوروبا يعني حاطة عينها علي زباين عددهم مش كتير بس معاهم فلوس و ده لوحده خلق بداية النهاية لWindows phone OS.

المحطة السادسة .. صدمة إنهيار مبيعات موبايلات Microsoft و ده كان في أغسطس 2015:

لمدة 3 سنين من لحظة شراء Microsoft لشركة Nokia لحد سنة 2017 خلاص ثبت إن سوق الSmartphones في العالم بقي صراع ثنائي بين iOS و Android OS لإن الإتنين مع بعض بيتوزع عليهم 96.8% من إجمالي مبيعات السوق في حين إن Windows Phone OS يدوبك له حصة 2.5% .. فيه ناس حتبص لWindows Phone OS و تتحسر و فيه ناس حتقول و إيه اللي خلي Microsoft تتهبل في دماغها و تفكر إنها تنافس Apple و Google بس الحقيقة اللي كلنا لازم نفهمها هي إن Windows Phone OS كان فكرة محترمة جداً بس قتلها التخطيط الغلط لقيادات شركتي Microsoft و Nokia .. أحياناً بننسي إن الأمثال الشعبية رغم إنها بسيطة و مش مكتوبة بلغة عميقة بس فعلاً بتعبر عن الواقع بتاعنا و أكتر مثل شعبي بيعبر عن اللي حصل لWindows Phone OS هو المركب اللي ليها ريسين تغرق.

المصدر:

مقالة بعنوان Windows Phone was a glorious failure نشرت علي Website إسمه The Verge و ده لينك المقالة الأصلية:
https://www.theverge.com/2017/10/10/16452162/windows-phone-history-glorious-failure