فيه خناقة لرب السما بين الناس اللي بتحب Avatar ضد الناس اللي شايفه Avengers:Endgame إنه أحسن إختراع بعد الكهرباء .. الخناقة ولعت بعد الاخبار اللي قالت Endgame حقق ايرادات في شباك التذاكر العالمي (2.79 مليار دولار) عدت ال 2.78 مليار اللي جابها Avatar .. ايا كان رايك انهي فيلم احلي مهم تفهم نقطه.. لو جيت دخلت في اعتبارك معدل التضخم في سعر تذكره السينما.. و لو دخلت في حسابك تأثير شباك التذاكر العالمي و خصوصا الصين لان Avatar مثلا جاب في الصين 204 مليون دولار بس Endgame جاب في الصين 614 مليون.. زود عليهم فكره ان افلام زمان زي Gone with the wind و Sound of music كانت ممكن تفضل بالشهور معروضه بس دلوقتي المنافسه شرسه اوي.. حط ما ده قدامك حتلاقي نفسك قدام حاجه غريبه اوي.. لا Endgame ولا Avatar ينفع تقول انهم اكتر فيلم جاب فلوس في التاريخ.
عشان نحل المشكله دي لو جيت تحسب معدلات تضخم سعر تذكره السينما في أميركا بس لأنك لو حبيت تحسبها في كل بلد في العالم و بعد كده تجيب المتوسط فاحنا كده بنهري.. يعني لو حبيت تجيب لسته بمين انهي الأفلام اللي جابت اكتر فلوس في التاريخ و خليت كلامك علي أميركا بس تلاقي انك قدام لسته غريبه فعلا:
- فيلم Gone with the wind و اللي جاب 1.823 مليار دولار
- فيلم Star Wars و اللي جاب 1.605 مليار دولار
- فيلم The Sound of music و اللي جاب 1.284 مليار دولار
- فيلم E. T. The extraterrestrial واللي جاب 1.278 مليار دولار
- فيلم Titanic واللي جاب 1.221 مليار دولار
- فيلم The ten commandments و اللي جاب 1.18 مليار دولار
- فيلم Jaws و اللي جاب 1.154 مليار دولار
- فيلم Doctor Zhivago و اللي جاب 1.118 مليار دولار
- فيلم The exorcist و اللي جاب 996.5 مليون دولار
- فيلم Snow white and the seven dwarfs و اللي جاب 982.1 مليون دولار
- فيلم Star wars: the force awakens و اللي جاب 974.1 مليون دولار
- فيلم 101 Dalmatians و اللي جاب 900.3 مليون دولار
- فيلم The empire strikes back و اللي جاب 884.6 مليون دولار
- فيلم Ben Hur و اللي جاب 883.4 مليون دولار
- فيلم Avatar و اللي جاب 876.8 مليون دولار
- فيلم Avengers: Endgame و اللي جاب 854.3 مليون دولار
المصدر:
For The Record: ‘Avengers: Endgame’ And ‘Avatar’ Aren’t The Top-Grossing Movies Ever
http://flip.it/RofB7Z
