هنا حنتكلم عن احدث الاسلحه اللي انتجها البشر .. حنتكلم عن ايه نقاط قوه و ضعف الجيوش العالميه و اسلحتها .. حنتكلم عن مقارنه بين اسلحه .. كل ما يخص السلاح و الجيوش في العالم حنتكلم عنه
سنة 2012 الإسرائيليين و الألمان إتفقوا علي إن إسرائيل حتستلم 3 غواصات كمان و الألمان كانوا عارفين إن الإسرائيليين حيستخدموا الغواصات دي عشان يحطوا عليها صواريخ بتشيل رؤوس نووية بس يمكن اللي خلي المستشارة الألمانية (أنجيلا ميركل Angela Merkel) توافق علي الصفقة هو إنها خدت وعد من رئيس الوزراء الإسرائيلي (بنيامين نتنياهو Benjamin Netanyahu) بإنه حيسعي بجد عشان يمضي إتفاق سلام مع الفلسطينيين.
حصلت خناقة كبيرة أوي بين الطرفين إنت لا تتخيلها لدرجة إن مشروع الدبابة M1 ده كان مهدد إنه يتلغي أصلاً لحد ما في الأخر وصلوا لحل وسط .. الحل كان إن النسخ الأولانية من الدبابة M1 حتنزل بمدفع M68 القديم و بعد كام سنة حيتشال المدفع ده و يتركب بداله مدفع M256 بس لما إن شاء الله تنزل النسخة الجديدة من الدبابة اللي هي M1A1 حتنزل بالمدفع M256 .. إنت ممكن تكون شايف ده حل وسط بس الضباط مكانوش شايفينه كده.
فيه مننا كتير من كتر ما لعبوا Call of Duty و Medal of Honor يقدروا يميزوا البنادق الألية من بعض .. يعني تلاقيه عارف ال AK-47 من الM4A1 Carbine .. بس لما بيجي الكلام عن تمييز بنادق القناصة تلاقيه مش فاهم الألف من كوز الدرة.
بداية إن الإسرائيليين يصدعونا بIron Dome كانت سنة 2011 .. عشان بس تكون فاهم Iron Dome دي عبارة عن حتت كل حتة بتتكون من 3 حاجات اللي هم رادار و كومبيوتر و شوية منصات إطلاق .. كل حتة بتغطي مسافة بنص قطر معين.
لما الصاروخ JASSAM بيطلق من طيارة فهو الأول بيقع زي ما يكون طوبة و بتقع من إيدك .. بعد كده الجناحين بتوعه اللي طولهم 2.5 متر بيتفردوا و المحرك بتاعه اللي هو محرك Turbojet زي بتاع الطيارات العادية بيشتغل.
الروس مبيعرفوش يصنعوا حاجة بتشتغل في صمت .. صوت موتور العربية اللادا نفسه تحس إن السليندرات بتتخانق مع عمود الكرانك والعربية كلها بتترج وهي شغاله .. الكلاشينكوف هي كمان كده .. الكلاشينكوف طريقة شغله عنيفة ولما بتيجي تستخدمه رد فعله أعنف من البنادق الأمريكاني وده سبب أساسي فيه هو إن الكلاشينكوف متصنع من الصلب في حين إن البنادق الأمريكاني متصنعه من ألياف الكربون
في الوقت اللي الأمريكان كان فكرهم إن حاملة الطائرات مش حتبقي ماشية لوحدها إنما حتبقي ضمن مجموعة قتال أو Strike Group معاها مدمرات وفرقاطات وغواصات وليلة كبيرة أوي سعادتك .. السوفييت كانوا بانيين تصميمهم علي إن حاملة الطائرات دي حتمشي لوحدها وبالتالي لازم تدافع عن نفسها .. ودي كانت النقطة اللي إنت محتاج تفهمها كويس.
اللي حصل ده جاب صدمة نفسية للناس اللي مهتمه أوي بموضوع القنص ده إن أخر رقم متسجل لأطول عملية قنص في التاريخ كان بإسم قناص بريطاني إسمه (كريج هاريسون Craig Harrison) قتل واحد من طالبان في أفغانستان سنة 2009 من مسافة 2475 متر.
البندقيتين AK-12 و AK-15 .. دول موديلين جداد لانج تقدر تعمل فيهم اللي إنت عايزه بس لازم يكونوا شغالين علي نفس عياري الطلقات اللي متخزن عن الروس .. البندقيتين من تصنيع شركة Kalashinkov Concern .. الإتنين تصميمهم الداخلي يعتبر نسخة طبق الأصل من تصميم البندقية AK-74M بس بإستثناء إن كل واحدة فيهم شغاله بعيار طلقات مختلف.
الحقيقة إن الB-52 فيها ميزتين ملهمش تالت .. الميزة الأولي إنها بتقدر تشيل كم صواريخ وقنابل كبير .. الميزة الثانية إنها بتقدر تشيل الصواريخ والقنابل دي لمسافات بعيدة بحيث إن الطيارة الواحدة بتقدر تطير 13,200 كيلومتر قبل ما تحتاج إنها تتفول بنزين.
الصين عندها تاني اكبر سلاح جو في العالم بعد اميركا اللي عندها 3400 طياره مقاتله هم كمان متوزعين علي القوات الجويه و البحريه لان اميركا عندها حاملات طائرات .. اللي حنتكلم عنه النهارده هو كوكتيل الطيارات اللي عند الصين
في سبتمبر 2008 إسرائيل قدمت طلب رسمي إنها تستلم طيارة F-35 و الطلب كان إن إسرائيل عايزة 25 طيارة لو عجبتها حتشتري منها 50 طيارة كمان .. يعني هم كانوا ناويين يبقي عندهم 75 طيارة و ده رقم كبير بالمناسبة بس سببه إن الإسرائيليين كانوا مخططين إنهم يطلعوا الأجيال القديمة من طيارات F-16 اللي عندهم بره الخدمة.
من أول يوم إستقلت فيه سنغافورة عن ماليزيا سنة 1965 و هم في راسهم هسهس إنهم عايزين يبنوا قوات مسلحة قوية خصوصاً إن بمجرد ما إستقلت سنغافورة عانت الأمرين من جيرانها ماليزيا و أندونيسيا اللي كانوا شايفينها دولة لسه عيلة صغيرة كل واحد فيهم عايز يتمنظر عليها و يفرض نفسه.
المشكلة بدأت مع ولادة فكرة الF-22 Raptor حوالي سنة 1985 .. الفكرة كانت إنك تعمل طيارة مش بتتلقط بالرادارات السوفيتية و ده معناه إنك تلعب مش بس في تصميمها الخارجي إنما كمان في أنظمة الإتصالات بتاعتها لإن أكتر حاجة بتكشف مكان الطيارة مش الحرارة اللي بتطلع من محركها زي ما ناس كتير متخيلة قد ما اللي ممكن فعلاً يكشف مكان الطيارة هو إعتراض الإتصالات بتاعتها.
النسخة الأصلية من الطيارة دي إتباعت لدول كتير أوي ولسه لحد دلوقتي فيه منها 809 مقاتلة في الخدمة في القوات الجوية ل11 دولة مختلفة .. روسيا عندها 359 طيارة منها و بكده هي أكتر دولة في العالم عندها النوع ده من المقاتلات تيجي وراها الصين اللي عندها 59 مقاتلة في الخدمة.
لما الألمان صمموا الLeopard 2A4 كان في دماغهم إنهم يصنعوا دبابة سريعة تقدر تقف قدام غزو سوفيتي كاسح لألمانيا الغربية أيام الحرب الباردة .. دي دبابات إتصممت عشان تقف قدام الدبابات الروسي في حرب مفتوحة وعمر ما الألمان تخيلوا إنها حتستخدم في حرب عصابات ضد ناس معهاش غير عبوات ناسفة و صواريخ محمولة علي الكتف و في حرب الإعلام مركز عليها أوي لدرجة إن خبر تدمير دبابة تركية واحدة كفيل إنه يدي لأي حد إنطباع إن وكأن العملية العسكرية كلها فشلت.