هنا احنا حنتكلم عن البورصه و الفلوس و الاقتصاد العالمي .. شركات كبيره حنتكلم عن نجاحها او القرارات الغلط اللي هم عملوها .. رجال اعمال غيروا طريقه حياتنا .. كل ما يخص المال و الاعمال حنتكلم عنه
إنت محتاج تفهم إن الأزمة دي متولدتش أول إمبارح دي أزمة في الفرن بقالها أكتر من 10 سنين بس خرجت سخنة ملهلبة فإنت متخيل إنها بسبب حاجة حصلت قريب .. إقتصاد تركيا في الخمس سنين اللي فاتوا كانت أرقامه متفرقش كتير عن أرقام إقتصاد دول تقيلة زي الصين و الهند .. خلال الربع الأول من السنة المالية 2018 معدل النمو التركي كان 7.22% و ده رقم خزعبلي أصلاً.
علي مستوي العالم المتوسط بتاع الناس اللي شغالة في القطاع العام مش بيعدي 7% من إجمالي الناس اللي شغالة عموماً في حين إن في الامارات الرقم بيوصل 9% و هوبا في السعودية بينط جامد ل33%.
الكلام اللي علي الورق الرسمي و اللي لو سألت أي حد من الحكومة المصرية حتلاقيه حافظه صم هو إن يوم 19 فبراير 2018 شركة قطاع خاص مصرية إسمها دولفينوس القابضة Dolphinus Holdings مضت عقد مع شركة أميريكية إسمها نوبل إينيرجي Nobel Energy عشان تشتري منهم غاز طبيعي جاي من حقلين Offshore يعني جوه مياه البحر المتوسط تحت سيطرة إسرائيل اللي هم حقلي تامار Tamar و ليفايثان Leviathan.
الدول الغنية زي أوروبا وأميركا تلاقي إن ثراءهم جاي من ثروتهم البشرية .. هناك البني أدم غالي للإنه بيشتغل وبينتج وبيساهم في إقتصاد بلده بشكل كبير بس أوروبا معندهاش لا بترول ولا ثروات معدنية .. العكس في الدول الفقيرة والمتوسطة .. الدول دي ربنا إداها ثروات طبيعية كتير بس البشر بتوعها أحيانا تحس إنهم عبء علي إقتصادها.
في الوقت ده الصين أعلنت عن رؤيتها للمستقبل و اللي سمتها Made in China 2025 و الفكرة بمنتهي البساطة إن الصين حطت عنيها علي 10 صناعات لازم توصل لمرحلة إن مفيش منتج فيهم يبقي أعلي من المنتجات الصينية و لما تبص علي ال10 صناعات دول لازم تتخض لإن منهم مثلاً Robotics و العربيات اللي بتسوق نفسها Self-Driving Cars و العربيات الكهربية Electric Vehicles و الذكاء الصناعي AI و التكنولوجيا العضوية Biotech و مجال الطيران و الفضاء Aerospace.
بس في نفس الوقت ده بيوريك قد إيه (ترامب) رجل فكره محدود لإنه كرجل أعمال و تاجر مبيحبش يتفاوض مع كذا طرف في وقت واحد لإن ساعتها التنازلات حتزيد .. إنما هو بيحب التفاوض يبقي بينه و بين طرف واحد بس عشان يعرف يمص دمه ودي النقطة اللي (روبيرت لايتثيزر) إتعمد يعملها وهو بيكتب صيغة القرار عشان يروح ل(ترامب) يقوله شفت يا ريس عملتلك حاجة علي مقاسك أهي عشان متتعبش.
ده بيحطك قدام حقيقة إن لبنان محدش حينقذها ومحدش في دماغه إنه ينقذها .. انت بتتكلم عن بلد بتحتل المركز 143 من أصل 180 دولة علي مقياس الشفافية الدولية ضد الفساد .. بلد بقالها أكثر من 12 سنة البرلمان مش عارف يوافق علي ميزانية لحد ما ربنا أخيراً كرمهم سنة 2016 و وصلوا لإتفاق.
فكرة الBlockchain هي إنها بتديك أمان و سرعة في التعاملات سواء المالية أو أي حاجة تانية.
قلنا إن في 16 ديسمبر 2017 بدأ الضخ المبدئي للغاز بتاع حقل ظهر و الإنتاج اليومي من الحقل وصل 350 مليون متر مكعب وده خلي علي حسب أرقام وزارة البترول إن الإنتاج اليومي الإجمالي لمصر من الغاز الطبيعي 5.5 مليار متر مكعب.
إنت لما بتتكلم عن أرامكو فإنت بتتكلم عن شركة شغالة بقالها 80 سنة في مجال التنقيب عن البترول وخلال ال80 سنة دول قدرت إنها تنتج 145 مليار برميل ولو صدقت كلامهم فهم لسه عندهم إحتياطي نفطي حوالي 260 مليار برميل بترول وده رقم كفيل إنه يسد إحتياجات العالم كله من البترول لمدة 7 سنين .. ده غير إنهم بيقولوا إن عندهم كمان إحتياطي نفطي بس لسه مفيش تأكيد بإنه موجود فعلاً أو لا بحوالي 400 مليار برميل بترول.
مهم تكون فاهم إن القهوة هو أكتر منتج بيتباع و بيتاجر به في العالم بعد البترول .. اذا كان البترول انتاجه و تصديره حكر علي شوية دول اللي هم دول الأوبيك OPEC فإنت عندك البن بيتزرع في أكتر من 60 دولة وفيه اكثر من 25 مليون عيلة علي مستوي العالم دخلها قائم علي زراعة و إنتاج البن.
الحقيقة اللي إنت حتكتشفها كل ما تغوط شوية في موضوع OBOR إن دي خناقة بين الصين واليابان علي مين يفرض نفوذه وسيطرته علي دول أسيا .. تقدر تقول إن دي حرب باردة جديدة بين أكبر قوتين إقتصاديتين في أسيا بس الفرق إن المعركه الأساسية في الحرب دي مش سباق تسلح قد ما هي سباق هندسي وتجاري وخصوصاً في تكنولوجيا هندسة السكك الحديدية السريعة High Speed Rail وعشان تفهم النقطة دي كويس خلينا ناخد مثال علي الأرض هو تايوان.
لما جت سنة 2014 المسئولين في شركة Microsoft بقي عندهم إقتناع بحاجتين: الأولي إنهم خلاص مبقاش عندهم جديد يقدموه في Windows Phone OS و الثانية إنه جه الوقت إن Microsoft تتوسع في مجال الموبايلات و تنزل Smartphone كامل مش بس OS.
ده بيحط (الوليد بن طلال) و بيحطنا كلنا قدام واقع جديد .. الفلوس مبتشريش صحاب .. كل صحابه أو اللي كان متخيل إنهم صحابه خايفين إنهم إذا طلعوا وقفوا جنبه فبكده هم ممكن يزعلوا الأمير (محمد بن سلمان) ولي العهد السعودي و إبن الملك (سلمان بن عبدالعزيز) و اللي بيقود الحملة الشرسة دي ضد اللي هو بيسميه الفساد اللي إنتشر في كل حتة في المملكة.
لما بنك إسرائيلي من دول يقع في مشكلة مع السلطات الأميريكية مثلاً بيبقي فعلاُ فيلم رعب للبنك الإسرائيلي .. فجأة بيلاقي نفسه بيتعامل مع سلطات حكومية مبتحرمش .. من كام سنة بنك Leumi Private Bank أجبرته وزارة العدل الأميريكية إنه يدفع غرامة 400 مليون دولار عشان البنك ساعد بعض عملاءه الأمريكان إنهم يتهربوا من الضرائب اللي عليهم.
هنا إنت فعلاً متقدرش غير إنك تقول إن الصحفية (رايتشل ماداو) كان عندها حق .. شركة بيرسون-مارستيلر معندهاش مشكلة إنها تدافع عن إبليس شخصياً لو حيديهم فلوس .. و ياعيني بيبرروا ده لنفسهم أو بيريحوا ضميرهم بإنهم يقولوا لنفسهم إنهم زيهم زي المحاميين .. زي ما أي حد من حقه إن يبقي له محامي يدافع عنه قدام القاضي فأي حد كمان سواء كان شركة أو حكومة من حقها إن يبقي فيه حد يدافع عنها قدام قاضي الرأي العام.