دي مقالات صغيره قصيره مش حتاخد منك وقت في قراءتها بس حتتعلم من كل مقاله فيهم معلومه جديده
فكرة إنك تقسم مقر قيادة القوات المسلحة بتاعتك لمباني مستقلة بحيث كل مبني يبقي تبع قيادة معينة دي فكرة كويسة خصوصاً في حالة إن المبني كله إتعرض لهجوم .. التفسير اللي انا شايفه إن كل فرع من أفرع القوات المسلحة حيبقي ليها مبنيين.
إحنا سمعنا بالطيارات Stealth يعني اللي ليها القدرة علي التخفي من الرادارات .. دلوقتي جه الوقت إننا نتكلم عن الرادارات الStealth اللي ليها القدرة إنها تختفي من قصاد عيون الطيارات المقاتلة .. Quantum Radars بعد ما كانت مجرد فكرة بس Paper عملها معهد العلوم والتكنولوجيا النمساوي بتقول إن الفكرة بقت حقيقة.
عشان البترول يفضل ينافس كوقود للعربيات قصاد الكهرباء فلازم سعر بيع برميل البنزين يبقي ما بين 9 ل10 دولار و سعر بيع برميل السولار يبقي ما بين 17 ل 19 دولار و ده بيحطك قدام واقع إن عمر ما قطاع البترول شاف تهديد لمستقبله زي التهديد اللي بتشكله العربيات اللي بالكهرباء.
من الصيف و إحنا بنسمع إشاعات عن صفقات حيعملها ريال مدريد و برشلونة بس في الأخر طلع كل ده فنكوش .. برشلونة قالوا عايزين الإيكس بتاعنا (نايمار) و ريال مدريد قالوا إنهم حيموتوا علي (بول بوجبا) بس كل ده طلع فنكوش مش لسبب غير إن أساساً الناديين مكانوش جد و مكانوش من جواهم عايزين الصفقات دي تخلص.
المنطق بيقول إن (فرانك لامبارد) لازم يدوله علي الأقل موسمين بس مش عارف ليه عندي إقتناع إن ده مش حيحصل .. تشيلسي نادي متعود علي النجاح و علي البطولات و معندوش ثقافة الصبر علي حد.
تخيل ان (كيرين تربيير Kieran Trippier) ممكن يكون اول انجليزي ياخد بطوله الدوري الاسباني من 2007 لما (ديفيد بيكهام David Beckham) خدها مع ريال مدريد .. صحيح ان اتليتكو مدريد مش هو اكتر فريق اسباني مرشح انه يكسب بطوله الدوري السنه دي بعد ما كانت اخر مره ياخدوا البطوله سنه 2014 .. يظل برشلونه هو المرشح الاول بس احتمال كبير تشوف بينهم و بين اتليتكو مدريد منافسه لحد اخر ماتش في السيزون.
من رماد الإمبراطورية الرومانية طلعلتنا إمبراطورية تانية لأوقات كانت فعلاً أقوي بلد في أوروبا و يمكن كانت بداية إن الأوروبيين يفكروا و يقولوا لنفسهم ليه لا نتوحد كلنا مع بعض؟ .. بس مفيش حاجة عاشت من الحلم ده إلا الاسم و بس.
(أليكسيس سانشيز) مضي علي عقد مغري أوي لما راح مانشستر يونايتد في 2018 و العقد ده وقف علي النادي ب560,000 جنيه إسترليني في الإسبوع و دلوقتي هو في مفاوضات إنه يروح إعارة لإنتر ميلان الإيطالي مع كلام إن مانشستر بيعرض إنه يدفع نص مرتبه .. الإحصائيات بتاعته بتوريك إزاي هو صفقة فعلياً زي الزفت و جت بخراب علي جيب النادي.
عيار الطلقات اللي هي بتستخدمه غريب اللي هو 5.8 مليمتر .. الروس كل البنادق الألية الجديدة بتاعتهم دلوقتي بتتصنع بعيار 5.45 مليمتر و الأمريكان طول عمرهم بيستخدموا طلقات عيار 5.56 مليمتر فليه بقي الصينيين عملوا عيار طلقات جديد خاص بيهم دي نقطة عليها جدل و خناق كتير فخليها مش موضوعنا دلوقتي.
عاجبني في تفكير الصينيين إنهم مبيحبوش يحطوا التاتش بتاعتهم عشان ميخربوش الدنيا .. الناس دي في الثمانينات راحت إشترت من أوكرانيا حاملة طائرات خردة مركونة في الترسانة البحرية و محدش بيشغلها .. الصينيين خدوها للترسانة البحرية في داليان Dalian و قعدوا يشتغلوا عليها 10 سنين لحد ما خلوها عروسة تاني و سموها لياو- نينج Liaoning.
لو انت ناوي تكمل سف علي الفراخ فأحب بس أقولك إن الفراخ عملوا كذا صفقة محترمة جداً .. جابوا جناح صغير في السن اللي هو (ريان سيسجنون Ryan Sessegnon) و جابوا خط النص الأرجنتيني (جيوفاني لو سيلسو Giovani Lo Celso) و قبليهم دفعوا 65 مليون جنيه إسترليني عشان يشتروا حيطة في خط النص إسمه (تانجاي إندومبيلي Tanguy Ndombele) فخلي بالك إن الفراخ السنة دي ناويين يكاكوا كتير.
فيه خناقه لرب السما بين الناس اللي بتحب Avatar ضد الناس اللي شايفه Avengers:Endgame انه احسن اختراع بعد الكهرباء.. الخناقه ولعت بعد الاخبار اللي قالت Endgame حقق ايرادات في شباك التذاكر العالمي (2.79 مليار دولار) عدت ال 2.78 مليار اللي جابها Avatar .
الأربع بنات دول هم (رشيدة طالب) أول ست من أصل فلسطيني تخش الكونجرس .. (إلهان عمر) أول ست محجبة تخش الكونجرس .. (أليكساندريا أوكازيو كورتيز Alexandria Ocasio Cortez) بنت منطقتي عشان إسمها إسكندرية و دي تبقي من أصغر أعضاء الكونجرس سناً .. و أخيراً (إيانا بريزلي Ayanna Preseley) بنوتة سمرا برده في الكونجرس.
الطيارة XQ-58A Valkyrie متصممة بحيث إنها تبقي زي كلب الحراسة للطيار المقاتل تحميه لو إتضرب عليه صواريخ و يطلقها علي اللي هو عايزه.
رغم ان مشروع الطيارة CH-53K كلف لحد دلوقتي أكتر من 31 مليار دولار إلا إن المشاكل الفنية في تصميم الطيارة خلتها لحد دلوقتي مش عارفة تاخد ختم إنها تتجرب حتي مش إنها تدخل الخدمة.
صحيح إن (دانييل كريج) هو البطل بس الإسم الكودي بتاعه 007 راح لحد تاني هو الممثلة البريطانية السمرا (لاشانا لينش).