الكوره البتاعه المدوره اللي بنلعب بيها في الشارع دي اكيد عارفينها يعني
متستغربش لو قلتلك إن فيه أندية كتير في أوروبا بتحسد بروسيا دورتموند علي نجاح طريقة إدارة النادي .. في سنين قليلة أوي قيمة الفرقة نطت بسبب إن دي إدارة عارفه كويس إزاي تختار اللاعيبة اللي تلعب بإسم الفانلة الصفرا بس يمكن مبتعرفش تختار مدربينها صح.
طب لما (ناجلزمان Nagelsmann) إتعرف إنه مينفعش يجي؟ .. جه (توخيل Tuchel) .. الإتنين ألمان و بالتالي عارفين اللاعيبة الألمان اللي تشيلسي إشتراهم .. عايز أقولك إن (توخيل Tuchel) هو اللي خلي (بوليسيك Pulisic) أحرف لاعيب في بروسيا دورتموند و بسبب شغل (توخيل Tuchel) معاه تشيلسي إشتروه .. صادف كمان إن (توخيل Tuchel) إشتغل قبل كده مع (تياجو سيلفا Thiago Silva) في باريس سانجيرمان.
تبقي نقطة هل اللي بتعمله إدارة بروسيا دورتموند ده صح ولا غلط؟ .. الحقيقة دي نقطة وجهات النظر .. علي إيدك اليمين الناس اللي بتقول إن ده غلط بدليل إن الفرقة في 8 سنين مجابتش إلا بطولة يتيمة .. قصاد علي إيدك الشمال الناس اللي بتقول لا معلش ثانية واحدة لو اللي بتعمله إدارة بروسيا دورتموند غلط ممكن حد يقولنا ليه أندية زي ليل في فرنسا أو ليستر سيتي أو أرسنال في إنجلترا و حتي ريال مدريد بتحاول تقلدهم؟
الحقيقة اللي إحنا قدامها دلوقتي إن خلاص (ميسي) قاعد و لو علي الأقل لحد أخر الموسم الجاي فده حيخلينا قصاد السؤال المهم .. هو يا تري (رونالد كومان) حاسس بإيه دلوقتي؟ .. السؤال من ناحية تانية .. انت لو مكان (كومان) حيكون أحسنلك إن (ميسي) يمشي ولا يقعد؟
الحقيقة بما إن موضوع المقالة هو (هانسي فليك) فخلينا نقيم أداء الرجل ده وسط المديرين الفنيين اللي سبقوه و اللي خدوا الثلاثية في أول موسم ليهم .. يعني خليني أسألك يا تري مين أحسن: (هانسي فليك) ولا (لويس إنريكي) ولا (بيب جوارديولا)؟ .. الثلاثة زي ما قلت خدوا الثلاثية في أول موسم تدريبي ليهم .. طب إيه الفرق؟ .. يمكن الفرق إن (هانسي فليك) إدارة بايرن ميونيخ كانت بتعتبره مسكن ألم مؤقت .. هو إستلم الفرقة في نص الموسم .. محدش إداله 100 مليون دولار و قاله بعزق براحتك.
حياة (كاسياس) عايزين فعلياً النهاردة نقف عند الخوازيق اللي هو خدها فيها .. عايزين نشوف إزاي مش مهم إنك تتخزوق .. مش مهم إنك تقع .. المهم إنك تقوم تاني و تكمل طريقك .. الكاريير بتاعة (كاسياس) لما تيجي تبصلها حتلاقي حاجة غريبة جداً.
أنا بس عايز أختم بإني أقف شوية قصاد إزاي إدارة يوفينتوس إتعاملت مع الأزمة لإن خلينا نكون صرحاء مع بعض إن أيا كان رأيك في اللي عمله (موجي) بس إدارة النادي إتعاملت مع الأزمة بشكل ناس كتير متخيلتش إنه حيبقي رائع كده .. مبدأياً تكون عارف إن يوفينتوس ده شركة مساهمة في البورصة و أكبر حصة من الأسهم بتاعته مملوكة لعائلة (أنيللي Agnelli) و دي العيلة اللي بتملك شركة فيات Fiat بتاعة العربيات.
فرقة ليستر سيتي لما خدت الدوري كانت معتمدة بشكل مهم جداً علي نفس المبدأ اللي واحد زي (مانويل جوزيه Manuel Jose) لما مسك الأهلي إشتغل بيه و هو إن تشكيلة الفرقة تقريباً لازم تبقي ثابتة.
في أوروبا بقي الدنيا كانت ماشية زي الفل بالطريقة الجديدة .. في دور ال16 إنترميلان واجه تشيلسي وكسبوهم في الذهاب في ميلان 2-1 وكسبوهم كمان في العودة علي ملعب ستانفورد بريدج 1-0 .. في دور الثمانية طلعوا فرقة سيسكا موسكو الروسية عشان إنترميلان يوصلوا المربع الذهبي لأول مرة من سبع سنين وحزر فزر حيلاعبوا مين؟ .. برشلونة.
لحد هنا إحنا محتاجين نسأل السؤال اللي كان المفروض يتسأل من بدري .. ليه إحنا منعملش زي الألمان؟ ليه ميبقاش عندنا برنامج زي اللي عمله (ديتريش فايس) و ساعتها نرجع تاني يبقي عندنا منتخب قوي زي منتخب الساجدين بتاع أمم أفريقيا 2006 و 2008 و 2010؟ .. الحقيقة إن الإجابة علي السؤال ده هي إن أندية كرة القدم في أي حتة في العالم عندها نفس المشكلة وهي إن كلها ماشية بمبدأ ما يولع المنتخب بجاز.
لو تيجي تسألني ليه تشيلسي موسم 2004-2005 مش محفور في الذاكرة كواحد من الفرق اللي تتسجل في التاريخ فتقديري الشخصي هو طريقة اللعب .. الكوره أجوان .. دي مش مجرد جملة مشهورة في التعليق كان دايماً بيقولها ربنا يديله الصحة كابتن (ميمي الشربيني) .. فعلاً الكوره جوان .. فرقة الإسماعيلي اللي كسبت الدوري المصري إنجازها محفور في التاريخ وفي دماغنا أكتر من أي دوري تاني كسبه الأهلي في تاريخه .. مش لإن الاهلي بياخد الدوري كتير إنما لإن مفيش فرقة في مصر خدت الدوري وفي نفس الوقت لعبت كورة هجومية و كانت بتجيب جوان بالطريقة اللي الإسماعيلي كان بيلعب بيها.
تجربة اطلانطا لازم نقف قدامها و ندرسها و نفهمها لإنها فعلاً تجربة بتحصل في العمر مره .. مفيش فرقة في أوروبا بتلعب بالطريقة دي .. مفيش فرقة بتلعب بفلسفة حنهاجم حنهاجم حنهاجم و انتوا مالكوا خلوا الدفاع ينفعكوا .. مفيش فرقة فيكي يا أوروبا لعبت قصاد أطلانطا و خرجت بالكلين شيت.
الدوري الألماني مليان فرق من اللي إتعودت ترقص علي السلالم .. أخرهم يتأهلوا لبطولة دوري أبطال أوروبا و ممكن يوصلوا لدور الثمانية مثلاً.
الحقيقة إن الإجابه علي السؤال ده إنك تسأل نفسك هو يعني إيه مدافع كويس؟ .. إمتي تقول علي مدافع إنه جامد تنين؟ .. إنه يكون سريع؟ .. إنه يكون قوي؟ .. إنه يعرف يقرأ الماتش كويس؟ .. إن مدافع يبقي سريع و قوي جسمانيا فدول صفتين من الثلاثة بتخليك تقول يبقي أكيد بتتكلم عن شاب صغير .. الصفة الثالثة إنه يقرأ الماتش كويس بتخليك تقول إنه لازم يبقي عنده الخبرة الكافية يعني لازم يبقي سنه كبير.
في أول ماتش ليهم في الدوري الأميريكي الممتاز نادي إنتر ميامي اللي بيملكه (ديفيد بيكهام David Beckham) حيلعب قصاد فرقة LA Galaxy الفرقة اللي لعب فيها (بيكهام Beckham) في أميركا .. سكة معافرة مشي فيها (بيكهام Beckham) عشان النادي بتاعه يلعب أول ماتش له في الدوري.
(أوريليو دي لورينتيس Aurelio De Luarentiis) رئيس نادي نابولي في خناقة لرب السما مع اللاعيبة بتاعته و مع المدير الفني بسبب سوء النتائج بتاعتهم و اللي بسببها هو هدد بإنه حيخصم من اللاعيبة 25% من مرتباتهم .. حالياً الفرقة في المركز السادس بعد ما كسبوا 5 ماتشات بس من 12 ماتش لعبوهم لحد دلوقتي في الدوري.
