الكوره البتاعه المدوره اللي بنلعب بيها في الشارع دي اكيد عارفينها يعني
إقيلم الباسك كله اللي حاول تشبهه مثلاً بمدن القناة اللي هم الإسماعيلية وبورسعيد والسويس بيغطيها 20 كشاف مواهبScout وظيفتهم عينهم تلقط العيال اللي ممكن يتقال عليهم لاعيبة كويسة .. كمان النادي له إتفاقات شراكة مع 150 نادي صغير في الإقليم عشان لو أتليكو بلباو شاف لاعب ناشيء كويس في نادي تاني صغير فبسهولة أوي يقدروا ياخدوه .. لو إختاروك فإنت مش حينفع تخش الأكاديمية إلا وإنت عندك 10 سنين مش قبل كده.
اللي أنا حاسه إن إدارة أياكس بتأفور أوي في إعتمادها علي أبناء النادي .. بص أنا فاهم و مقدر و حعيط من فرط الحنين للماضي لما ألاقي (إدوين فان دير سار Edwin van der Sar) بيقول إن أكاديمية أياكس حتفضل تطلع مواهب بس النادي بيتحاسب علي البطولات اللي بيكسبها مش علي كم اللاعيبة الشباب اللي بيطلعها.
الكاريير بتاعة (أوزيل) كلاعب دولي فعلاً تشرف .. لعب 92 ماتش دولي و جاب 32 جون و لقب كأس عالم و كل ده قبل ما يبقي عنده 30 سنة .. لاعب زي ده المفروض يتشال علي الأكتاف في بلده بس مش ده اللي حصل مع (أوزيل).
أنا عارف إن ناس كتير بتكره سيرة (جوارديولا) وشايفينه مدرب مبالغ فيه ورأيهم ده ناس كتير إتأكدت منه بعد الموسم الأول له مع السيتي واللي خرج منه زي ما بنقول كده خرج من المولد بلا حمص … صفر بطولات .. بس الموسم التاني له كان خرافي .. إنت كاسب الدوري الإنجليزي بفرق السما عن الأرض بينك وبين التاني اللي كان مانشستر يونايتد ومعدي حاجز ال100 نقطة مستريح.
للي إنت محتاج تفهمه إن أيا كان مين اللي حيشتري تشيلسي من (إبراموفيتش) فهو حيكون عارف إن النادي لسه مجابش أخره .. بمعني .. صحيح هم أنجح نادي في لندن .. هم النادي الوحيد من لندن اللي معاه 5 بطولات دوري إنجليزي و 5 بطولات FA Cup و الوحيد اللي كسب بطولة Champions League .. مع كل موسم حتلاقيهم من المرشحين إنهم يكسبوا كل بطولة داخلين فيها.
فيه كمية هبد و هري و فتي إتقالت علي فكرة League of Nations أو Nation’s League زي ما ناس تانية بتسميها لدرجة إني حسيت إن مينفعش محاولش أشرحها عشان الناس تفهمها لإن كده كتير الصراحة.
فيه موضة دلوقتي وسط لاعيبه الكورة إنهم بقوا شايفين نفسهم شويتين تلاتة .. بقي اللاعب من دول وكيل أعماله أهم عنده من مدربه .. السير (أليكس فيرجسون) شاف العيب ده في (بوجبا) زمان أيام ما كان لسه ناشيء في مانشستر يونايتد و مشاه و سابه يروح يوفينتوس زي ما حنشوف ليه بعدين.
الأندية الألمانية بتتميز الحقيقة عن باقي أندية العالم إن صنع القرار فيها بيبقي في إيد الجمعية العمومية اللي هي أساساً بتتشكل من الجماهير و أعضاء النادي اللي بيصرفوا علي النادي من جيوبهم و من فلوس إشتراكاتهم السنوية .. الفكرة دي الألمان مسميينها قاعدة ال50+1.
يمكن أكبر دليل علي إن خلاص نادي مانشستر سيتي أعلن نصره علي الFFP هو إن أخر تقرير مالي للنادي اللي كان عبارة عن 70 صفحة متقالش فيه ولا مرة اسم FFP .. جزء تاني هو إن فلسفة السيتي في شراء اللاعيبه إنهم مستعدين يدفعوا مبلغ كبير عشان يشتروك بس عمرهم ما حيدولك مرتب يبلع ميزانية النادي.
دلوقتي أخر نادي إنجليزي كسب بطوله Champions League كان تشيلسي موسم 2020-2021 لما كسب فرقة مانشستر سيتي الإنجليزية برده في الفاينال .. المرة اللي قبلها كان نادي ليفربول موسم 2018-2019 اللي يا سبحان الله كسب يومها فرقة توتنهام الإنجليزية برده .. المرة اللي قبلها اللي فرقة إنجليزي تكسب البطولة كانت تشيلسي في موسم 2011-2012 أيام ما كان بيدربهم اللي الله يمسيه بالخير (روبيرتو دي ماتيو) اللي أنا معرفش هو في أنهي داهية دلوقتي.
لو جيت حطيت نفسك مكان أي حد في مجلس إدارة مانشستر يونايتد و سألت نفسك طب و إيه العمل؟ .. تفتكر لو قلت إنك لازم تمشي (جوزيه مورينيو) حتجيب مين مكانه؟ الحقيقة إن زي أي إتنين متجوزين لما بيوصلوا لمرحلة اللي أنا بسميها اللبس في الحيطة في جوازهم بيحتاجوا إنهم يتكلموا مع حد سواء دكتور نفسي أو خبير علاقات زوجية .. هنا (جوزيه مورينيو) محتاج حد يساعده .. فيه مين حول (جوزيه مورينيو) بيتكلم معاه و يفضفض معاه بدل ما كل شوية يطلع في مؤتمر صحفي يقعد ينكد علينا عيشتنا؟
صدقني لو قلتلك إن الرجل ده يعتبر من وجهة نظر البرازيليين أهم واحد في المنتخب .. ممكن البرازيل تلعب من غير (نايمار Neymar) وتكسب بس مجرد إن البرازيليين يفكروا في سيناريو إن (تشي تشي Tete) يمشي دي بالنسبة ليهم كابوس .. سبب المكانة الكبيرة أوي للرجل ده في قلوب البرازيليين إن الرجل ده اللي عنده 56 سنة قدر يعيد هيبة منتخب البرازيل.
مجموعة CFG مش هم أول ناس في الدنيا تخترع مفهوم إن كيان يملك أكثر من نادي رياضي .. عندك شركة Red Bull بتاعة مشروبات الطاقة بتملك ناديين اللي هم Red Bull Salzburg النمساوي و RB Leibzig الألماني بس الفرق بين مشروع Red Bull وبين مشروع السيتي هو إن الأول تقدر تسميه محاولة من شركة إنها توسع من أعمالها ويبقي عندها كذا Business يجيب فلوس .. اللي بتعمله مجموعة CFG إنها حولت مانشستر سيتي لبراند زيها زي Google أو Pepsi وخلتها تنتشر في كل حتة في العالم.
بلاش تضحك علي نفسك وتقول ان جماهير برشلونة وقعت في غرام (ايرنستو فالفيردي Ernesto Valverde) .. خلينا نكون صرحاء مع بعض ان اداء برشلونة السنة دي مش هو الاداء اللي انت متعود عليه منهم .. هم شغالين بس مش بنفس اداء زمان .. تقدر تقول ان اداءهم بيؤدي الغرض بس مش بيبهرك .. بفكرك ان بداية الرجل ده مع برشلونة مثالية .. لا (بيب جوارديولا Pep Guardiola) ولا حتي (لويس انريكي Luis Enrique) بداوا كده.
كل حاجة إتغيرت في فالنسيا الموسم ده .. رئيس النادي إتغير ودلوقتي بقي (أنيل مورثي Anil Morthy) وده رجل كان شغال في السلك الدبلوماسي .. المدير العام للنادي هو كمان إتغير وبقي (ماتيو أليماني Mateu Alemany) وده كان ماسك رئيس نادي ريال مايوركا .. كل حاجة إتغيرت في فالنسيا .. مجلس الإدارة إتغير والمجلس الجديد قال إنه مصمم يكمل بناء إستاد الميستايا الجديد اللي أساساً كان مشروع بناءه موقوف من 8 سنين .. كل حاجة إتغيرت في فالنسيا حتي الأكل اللي بيتقدم للاعبين .. زمان مكنش حد بيهتم أوي بالمطبخ اللي بيعمل الأكل للاعبين.
إنت لو جيت سألت أي شاب في مصر بيتابع كرة قدم تعرف إيه عن beIN Sports حيقولك إن دي الشركة اللي بتملك حق البث الحصري لماتشات الدوري الإنجليزي و الإسباني و بطولة دوري أبطال أوروبا و بطولة الدوري الأوروبي .. دي البطولات الأوروبية .. في غيرهم بطولة كأس العالم و تصفيات بطولة كأس العالم و بطولة أمم أوروبا و تصفيات بطولة أمم أوروبا ده غير طبعاً بطولة أمم أفريقيا للمنتخبات و الأندية و بطولة أمم أميركا الجنوبية المعروفة بإسم كوبا اميركا.