طبعاً دعبسة الصحفيين الأجانب موقفتش لحد هنا .. تاني يوم هم عرفوا إن (جاك ما Jack Ma) اُستدعي قدام لجنة تحقيق من الحزب الشيوعي الصيني الحاكم وقالوله بقي إنت تهزقنا كده قدام الناس.

المشكلة إن إدارة ميلان دلوقتي عندها مشكلة غريبة ومش بتحصل كتير وعشان كده أنا عايز أقف قدامها شوية .. المشكلة إن فيه 3 لاعيبة أساسيين في الفرقة علي أخر الموسم ده عقدهم حيخلص .. الثلاثة في أخر 6 شهور في عقدهم .. الثلاثة في معدلات أعمار مختلفة .. الثلاثة بيلعبوا في مراكز مختلفة .. الثلاثة لازم تبص ليهم كل واحد لوحدة تدرس حالته وتحط نفسك مكان إدارة ميلان و تسأل نفسك .. يا تري أجدد عقده ولا أقوله الباب يفوت جمل؟

كون (عبدالرحمن) أمه مسيحية فده علمه من وهو صغير إنك ممكن تلاقي حد مسيحي وشاطر في شغله وتعتمد عليه وتستفيد منه عادي جداً .. (عبدالرحمن) من وهو صغير إتزرع فيه حتة إن الدين مش معيار تبني عليه طريقة تعاملك مع البني أدمين.

الأخبار اللي حتلاقيها علي الإنترنت ممكن توضح شوية وتقول إن الخناقة بين أثيوبيا والسودان هي خناقة ترسيم حدود اللي هي خناقة إتهرست في مليون حرب بين دول العالم وشفناها كتير أوي وبقت حاجة مملة أنا عارف.

مهم تبقي عارف إن الأندلس أو شبه جزيرة إيبيريا أو إسبانيا و البرتغال مكانوش كلهم تحت سيطرة المسلمين أوي يعني .. فيه حتت في أقصي شمال إسبانيا فضلت تحت سيطرة المسيحيين و الطبيعة الجبلية للمنطقة خلت المسلمين مش عارفين يحكموها .. مش بس كده .. الوضع السياسي في الأندلس مكنش فلة شمعة منورة زي ما هو واضح من اللي بنحكية.

قالك ان فيه مشكلة ان احتياطي القنابل دي اللي تحت ايد سلاح الجو الاسرائيلي مش كبير .. مش بس كده .. من بعد حرب اكتوبر 1973 و الامريكان شايلين علي جنب كده لوقت زنقة شوية قنابل ذكية تحت مسمي War Reserve Stockpile Ammunition – Israel واختصارا بيسموه (WRSA-I).

ناس كتير بتبص لمعركة بلاط الشهداء علي إنها النصر الحاسم لأوروبا المسيحية الكاثوليكية علي المسلمين .. الناس دي رأيها إن المسلمين إتصدموا من شجاعة و حسم (تشارلز مارتل) اللي كان فعلاً شخصية جاحدة وهو اللي حفيده (شارلمان) أسس واحدة من أهم الدول في التاريخ اللي هي الإمبراطورية الرومانية المقدسة.

سنة 2007 الروس عرضوا التعديل الثالث أو الUpgrade الثالث لS-300 وكان إسمه S-300PMU-3 وعشان الإسم لقوه كبير أوي فقالك نسميه S-400 وهي دي النقطة .. S-400 في حد ذاته مفيهوش إضافة كبيرة.

سنة 732 كانت السنة الفاصلة .. السنة اللي بيعشقها المؤرخين والمستشرقين .. دي السنة اللي أي حد من المستشرقين فرحان بيها أوي علي إنها السنة اللي واحد إسمه (تشارلز مارتل Charles Martel) أنقذ المسيحية من سيطرة الإسلام بعد معركة تعتبر من أشهر المعارك في تاريخ البشر وهي معركة بلاط الشهداء.

دولة القوط في اسبانيا مهم تفهمها كويس وهي انك تبقي عارف حاجتين .. اول حاجة ان سياسيا دي دولة كانت شبه العالم بتاع Game of Thrones كده .. الملك بيتم انتخابه من الامراء والنبلاء والاغنياء بتوع البلد.

هي القوات البحرية الإسرائيلية محتاجة تحمي حقول الغاز الطبيعي دي من إيه؟ .. الإجابة كانت حاجات كتير الحقيقة .. خد عندك حزب الله مثلاً .. سنة 2006 هم ضربوا سفينة حربية إسرائيلية INS Hanit قصاد سواحل لبنان بصاروخ مضاد للسفن.

كلمة مغرب يعني انت بتتكلم عن مسافة 2000 كيلومتر من اول الاسكندرية لحد قرطاج .. قرطاج دي في تونس ودي كانت عاصمة البيزنطيين في شمال افريقيا .. لو ربنا نفخ في صورتك و وصلت لحد قرطاج فقدامك كمان 1500 كيلومتر لحد جبل طارق اللي مكنش لسه اتسمي جبل طارق بس كان مكانه مدينة طنجة في المغرب.

زحف جيش (هانيبال) بين جبال الألب لإيطاليا يعتبر من أكتر تحركات الجيوش اللي عليها خناقة في تاريخ البشر من ساعة ما قلنا يلا نحارب .. المنطق والعقل بيقول مينفعش جيش يزحف بين جبال الألب في عز الشتاء .. كانت معجنة.

لما تيجي سنة 2100 إن شاء الله تعداد سكان العالم حيوصل 11 مليار نسمة بناء علي توقعات الأمم المتحدة .. حالياً أكبر 3 دول علي مستوي العالم من حيث تعداد السكان هم الصين و وراها الهند و وراها أميركا .. علي سنة 2100 يدينا و يديكوا طولة العمر الترتيب حيكون إختلف شوية بحيث الأولي حتبقي الهند و وراها نيجيريا و بعدهم الصين.