الهكسوس .. مكانوش محتلين .. كانوا مهاجرين.
سنة 1940 علماء اثار اكتشفوا عاصمة الهكسوس في مصر .. المدينة اسمها افاريس Avaris ودلوقتي انت ممكن تزورها في نفسك في حتة اسمها تل الضبعة يدوبك 7 كيلومتر من مدينة فاقوس في محافظة الشرقية.
السفينة ماري ميرسك .. محاولة لفهم ليه وازاي .. أهم سؤالين في الهندسة.
أي سفينة في الدنيا هي عبارة عن 3 حاجات .. موتور .. رفاص .. شاسيه .. في حالة السفينة ماري ميرسك فإنت كمهندس مطلوب منك إنك تضبط مقاديرك .. التصميم الهندسي خصوصاً للسفن عامل زي عمايل الكيكة .. إنت بيبقي قدامك مقادير وطريقة عمايل .. لو مقاديرك باظت فالكيكة حتترمي في الزبالة .. الكيكة اللي إنت المفروض تعملها هي عبارة عن سفينة بتقدر تمشي في المياة بسرعة ممكن توصل 23 ميل بحري في الساعة اللي هو إنت بتتكلم عن 42.6 كيلومتر في الساعة.
فرانك لامبارد .. الشغل مبيقفش علي حد.
طب لما (ناجلزمان Nagelsmann) إتعرف إنه مينفعش يجي؟ .. جه (توخيل Tuchel) .. الإتنين ألمان و بالتالي عارفين اللاعيبة الألمان اللي تشيلسي إشتراهم .. عايز أقولك إن (توخيل Tuchel) هو اللي خلي (بوليسيك Pulisic) أحرف لاعيب في بروسيا دورتموند و بسبب شغل (توخيل Tuchel) معاه تشيلسي إشتروه .. صادف كمان إن (توخيل Tuchel) إشتغل قبل كده مع (تياجو سيلفا Thiago Silva) في باريس سانجيرمان.
(جال جادوت) حتعمل دور (كليوباترا) .. من قلة ممثلات شمال أفريقيا مثلاً؟
الفيلم حتخرجه واحدة ست اللي هي (باتي جينكينز Patty Jenkins) اللي أخرجيت الجزئين الأولانين من سلسلة Wonder Woman .. الفيلم حتكتبه واحدة ست اللي هي (لايتا كالوجريديس Laeta Kalogridis) .. الممثلة اللي حتعمل الدور إسرائيلية و بما إن إسرائيل دولة شرق أوسطية يبقي إحنا عدانا العيب .. معلش يعني الممثلات اللي إتقال إن الدور إتعرض عليهم كانوا (أنجلينا جولي Angelina Julie) و دي حاجة إلي حد ما مفهومة يعني و كمان (لايدي جاجا Lady Gaga).
الطريق الي الأندلس .. مجد الإمبراطوريات إتبني علي التعيينات الصح .. الجزء العاشر.
الوضع ده خلي دولة الموحدين تمضي إتفاقية سلام مع الممالك المسيحية في الأندلس .. أيوة زي ما قريت .. عشان بس تعرف إن الموحدين كانوا ظالمين المرابطين .. عشان تعرف إن الحكم و السياسة بيخلوك غصب عنك تقدم تنازلات .. عشان متتحمقش أوي كده و تقول انا ححكم بشرع الله وتقعد تكفر أي حد بيختلف معاك في الرأي .. السياسة نجاسة ودي أهم قاعدة.
برشلونة .. نجاتهم مرتبطة بإن (ميسي) يمشي.
عشان بس أحطك في الصورة فال2.65 مليون جنيه إسترليني اللي السيتي طالبهم في (إيريك جارسيا Eric Garcia) دول تقريباً كده مرتب (ليونيل ميسي Lionel Messi) في 10 أيام بس فعلاً الوضع المالي لبرشلونة زي الزفت بناء علي التقرير السنوي لحسابات النادي.
قصر بوتين .. إيه ده كله إيه ده كله؟
الإسم الرسمي للقصر ده هو كايب إيدوكوباس Cape Idokopas بس عشان الإسم زي ما إنت شايف مش سيكسي فالإسم اللي مشهور بيه أكتر هو قصر بوتين أو Putin’s Palace .. وأيوه هو متسمي علي إسم الرئيس الروسي (فلاديمير بوتين Vladimir Putin) .. القصر إتبني علي ساحل البحر الأسود علي مساحة 168 فدان وزي ما إنت شايف القصر كبير .. كبير خالص.
إتفاقيات إبراهيم .. سيبنا المصيبة الكبيرة وبقينا نتكلم هي مامي ولا أمك.
المعلومة اللي جاية دي ممكن تصدمك بس صدق أو لا تصدق إن (دونالد ترامب Donald Trump) و(بنيامين نتنياهو Benjamin Netanyahu) إترشحوا لجايزة نوبل للسلام بسبب دورهم إن الإتفاقية دي تتمضي .. عشان الإتفاقية مقالتش أي حاجة عن وقف الإستيطان في الضفة الغربية في المطلق فعايز أقولك إن في نفس اليوم اللي إتمضت فيه الإتفاقية الحكومة الإسرائيلية مضت علي قرار إنشاء 3,000 بيت جديد في المستوطنات الإسرائيلية في الضفة الغربية.
كومباوند الغابات .. أنتوا عايزين طرازان يجي يعيش عندكوا.
تخيل إنك سمعت عن كومباوند عبارة عن عمارات والعمارات نفسها عبارة عن غابة .. أيوة .. إحنا جبنالك الغابات الإستوائية لحد عندك .. تفتح البلكونة تلاقي الخضرة والعصافير والطيور بتزقزق في جو شاعري جميل.
الطريق الي الأندلس .. مجد الإمبراطوريات إتبني علي التعيينات الصح .. الجزء التاسع.
ده معناه ان حكومة المرابطين في الأندلس بقي ماسكها ناس من المرابطين ميعرفوش حاجة عن الحكم و ميعرفوش حاجة عن الإقتصاد ولا عن جغرافيا والطبيعة الإجتماعية لأهل الأندلس .. ده معناه إن ماسورة هبد وإتكسرت وغرقت الأندلس كلها.
مسلسل The Crown .. لما الدراما تبقي نسخة طبق الأصل من التاريخ.
الحقيقة إن مسلسل The Crown عموماً و خصوصاً الجزء الرابع بتاعه يعتبر درس مهم أوي في الحتة دي .. الألبوم ده عبارة عن شوية صور بين اللي حصل فعلاً في التاريخ و بين إزاي الحدث ده إنت شفته جوه عمل درامي.
الطريق الي الأندلس .. مجد الإمبراطوريات إتبني علي التعيينات الصح .. الجزء الثامن.
سقوط طليطلة خلي ملوك الطوائف يبصوا لنفسهم ويفتحوا عنيهم علي الوضع اللي زي الزفت اللي هم فيه .. اه إحنا ناس عندنا قصور ميحلمش بيها بشر .. عندنا كتب مش موجودة في مكتبة بغداد .. عندنا ناس بتفهم في الطب والفلك والهندسة .. بس معلش يعني معندناش حد يشيل سلاح.
برنامج الطيارات بدون طيار التركي .. شرا الدماغ مش بفلوس.
سنة 2005 كان فيه شاب تركي إسمه (سلجوق بيرقدار Selcuk Bayraktar) بيدرس هندسة كهربية في معهد MIT المحترم جداً في أميركا .. سنة 2007 كان بيحضر الدكتوراة هناك لما فجأة قرر إنه يسيب الدكتوراة و الدكتور راح الدكتور جه و يرجع تاني تركيا عشان يفتح شركة تصنيع طيارات بدون طيار.
حاملة الطائرات جيرالد فورد .. أنا صح أنا صح.
معهد القوات البحرية الأميريكي مثلاً كان متوقع إن عدد الطلعات الجوية اللي تقدر تقلع من علي متن حاملة طائرات من فئة فورد يكون أعلي من فئة نيميتز بحوالي 25-30% و طبعاً بناء علي المشاكل اللي أنا شارحها فوق دي فالكلام ده بلح.
محطة قطار جياشينغ .. الصين حلوة.
سنة 1907 الحكومة الصينية عملت محطة قطر و المحطة دي إتسوت بالأرض في الغزو الياباني للصين سنة 1937 .. جت دلوقتي الحكومة الصينية قالت إنها عايزة تعمل مشروع إعادة إحياء محطة القطر دي و المشروع الحقيقة كبير مش صغير علي مساحة 354 كيلومتر مربع و دي مش غلطة مطبعية.
الطريق الي الأندلس .. مجد الإمبراطوريات إتبني علي التعيينات الصح .. الجزء السابع.
تعالي نتخيل إن (عبدالرحمن الناصر لدين الله) بعد وفاته جينا رجعناه يعيش تاني ووريناه حال الأندلس .. الرجل ده حكم خمسين سنة نقل بلده من خرابة لقوة عظمي .. إلا إن بعد خمسين سنة من وفاته القوة العظمي دي رجعت خرابة تاني .. تفتكر حيحس بأيه؟ .. تفتكر حيقول إيه؟ .. الخلافة الأموية اللي هو بدأها سنة 929 إنتهت سنة 1031 وبقت الحاجة اللي إنت عارفها دلوقتي بإسم ممالك الطوائف.