رغم كده فيه لاعيبة بتاخد منشطات و مش بتتكشف و ده بيرجع لأسباب كتير فشخ .. منها إن عدد الإختبارات الطبية اللي بتتعمل محدود و مش بيغطي كل أنواع المنشطات اللي ممكن اللاعيبة ياخدوها .. إنت ممكن عشان متتكشفش تتعمد تاخد عينات صغيرة أوي من المنشطات لدرجة إن الإختبارات متكشفهاش.
إحنا إتربينا علي إن السوبرهيروز بيجيبوا حق المظلوم .. هم إتكتبوا كده في الروايات و القصص المصورة اللي كنا بنقراها و إحنا صغيرين .. خد عندك شخصية زي سوبرمان مثلاً .. دي شخصية إتكتبت بعد فترة الكساد اللي ضربت أميركا في الثلاثينات و خلت فيه حالة إحباط عام بين الناس .. في القصص المصورة سوبرمان كان واقف في صف المواطن الغلبان و بيحارب الفساد اللي إستشري في المجتمع .. و مش لوحده.
ميانمار للي ميعرفش طول حياتها كانت عايشة تحت حكم العسكر بشكل ديكتاتوري قمعي اللي هم زيهم زي دول عربية كتير .. مؤخراً بدأ العسكر يرجعوا يقعدوا في الكنبة اللي ورا وسابوا مدنيين هم اللي يسوقوا وده مشي معاه إن إستخدام الإنترنت في ميانمار بدأ يزيد بمعدل سريع أوي شبه معدل أكلك لكيلو الموز وإنت قاعد في البيت مش لاقي حاجة تعملها.
أنا عارف إن ناس كتير بتكره سيرة (جوارديولا) وشايفينه مدرب مبالغ فيه ورأيهم ده ناس كتير إتأكدت منه بعد الموسم الأول له مع السيتي واللي خرج منه زي ما بنقول كده خرج من المولد بلا حمص … صفر بطولات .. بس الموسم التاني له كان خرافي .. إنت كاسب الدوري الإنجليزي بفرق السما عن الأرض بينك وبين التاني اللي كان مانشستر يونايتد ومعدي حاجز ال100 نقطة مستريح.
الروس مبيعرفوش يصنعوا حاجة بتشتغل في صمت .. صوت موتور العربية اللادا نفسه تحس إن السليندرات بتتخانق مع عمود الكرانك والعربية كلها بتترج وهي شغاله .. الكلاشينكوف هي كمان كده .. الكلاشينكوف طريقة شغله عنيفة ولما بتيجي تستخدمه رد فعله أعنف من البنادق الأمريكاني وده سبب أساسي فيه هو إن الكلاشينكوف متصنع من الصلب في حين إن البنادق الأمريكاني متصنعه من ألياف الكربون
التجارة واحدة من أكتر المواضيع المعقدة اللي إنت ممكن تحاول تفهمها .. مجرد ثغرة بسيطة في إتفاق تجارة بين أي حد ممكن يفتح الباب لشركات إنها تسرق وتستغل وتمص دم موظفين .. بس ده مش معناه إنك لما تبقي رئيس تفضل مقتنع بإن السبب الأساسي ورا إنهيار الصناعة الأميريكية هي الصين .. صحيح الصين بتصنع بإفترا بس التهديد الحقيقي للعمالة مش بس في أميركا إنما في العالم كله هو الAutomation.
اللي عمله (كريستوفر نولان Christopher Nolan) اللي في حالة إنك متعرفش هو مين فده اللي أخرج ثلاثية The Dark Knight اللي هم Batman Begins و The Dark Knight و The Dark Knight Rises إنه حط نموذج الإجابة بتاع إزاي تعمل فيلم Superhero نظيف.
بعد معركة حطين (صلاح الدين) مضيعش وقته .. خلال إسبوعين كان مسيطر علي كل موانيء الصليبيين علي البحر المتوسط يمكن بإستثناء ميناء مدينة صور اللبنانية دلوقتي .. شهر سبتمبر (صلاح الدين) وصل القدس وحاصرها وكانت وقتها المدينة تحت قيادة (باليين) اللي بفكرك بس إنه قدر يهرب من حطين .. يوم 2 أكتوبر (صلاح الدين) فتح القدس ودي كانت نهاية مملكة القدس.
في الوقت اللي الأمريكان كان فكرهم إن حاملة الطائرات مش حتبقي ماشية لوحدها إنما حتبقي ضمن مجموعة قتال أو Strike Group معاها مدمرات وفرقاطات وغواصات وليلة كبيرة أوي سعادتك .. السوفييت كانوا بانيين تصميمهم علي إن حاملة الطائرات دي حتمشي لوحدها وبالتالي لازم تدافع عن نفسها .. ودي كانت النقطة اللي إنت محتاج تفهمها كويس.
(حكيم القروي) شايف إن الإسلام في فرنسا لازم يبقي حاجة شبه الحاجة الساقعة بيبسي دايت .. أو خليني أشبهالك إنه بيعتبر نفسه مسلم دايت .. مسلم بس مش أوي .. وده مخلي مسلمي فرنسا مخنوقين منه ومش طايقينه .. هو شايف نفسه إنه علماني فرنسي مؤمن بمباديء العلمانية الفرنسية اللي هم بيسموها لايسيتي Laicite.
اللي حصل ده جاب صدمة نفسية للناس اللي مهتمه أوي بموضوع القنص ده إن أخر رقم متسجل لأطول عملية قنص في التاريخ كان بإسم قناص بريطاني إسمه (كريج هاريسون Craig Harrison) قتل واحد من طالبان في أفغانستان سنة 2009 من مسافة 2475 متر.
للي إنت محتاج تفهمه إن أيا كان مين اللي حيشتري تشيلسي من (إبراموفيتش) فهو حيكون عارف إن النادي لسه مجابش أخره .. بمعني .. صحيح هم أنجح نادي في لندن .. هم النادي الوحيد من لندن اللي معاه 5 بطولات دوري إنجليزي و 5 بطولات FA Cup و الوحيد اللي كسب بطولة Champions League .. مع كل موسم حتلاقيهم من المرشحين إنهم يكسبوا كل بطولة داخلين فيها.
خلال ال10 سنين اللي فاتوا دول حجم الفلوس اللي الصين حطتها في أوروبا أكتر ب45% من الإستثمارات الأميريكية .. الصينيين حطوا فلوسهم في كل حتة .. إستثمارات في مشاريع بنية تحتية Infrastructure في شرق وجنوب أوروبا .. إستثمارات في مشاريع تكنولوجية متقدمة في غرب أوروبا .. الصين بقت في كل حتة في أوروبا لدرجة إن المستشارة الألمانية (أنجيلا ميركل) والرئيس الفرنسي (إيمانويل ماكرون) بقوا شايفين إن اللي بيحصل ده تهديد للأمن القومي الأوروبي.
السر اللي ناس كتير عارفاه إن أحسن طريقة لغسيل الأموال إنك تجيب فلوسك الحرام تستثمرها في العقارات في دبي .. الفكرة إن دبي بتسمح لأي أجنبي معاه فلوس إنه يجي يشتري عقارات زي ما هو عايز بسرية مطلقة.
هو إتولد سنة 1138 بإسم (يوسف) أبوه كان (نجم الدين أيوب) .. عيلته كانوا من الأكراد اللي من أصول أرمنية بس لما هو إتولد كانوا عايشين في مدينة تكريت العراقية.
البندقيتين AK-12 و AK-15 .. دول موديلين جداد لانج تقدر تعمل فيهم اللي إنت عايزه بس لازم يكونوا شغالين علي نفس عياري الطلقات اللي متخزن عن الروس .. البندقيتين من تصنيع شركة Kalashinkov Concern .. الإتنين تصميمهم الداخلي يعتبر نسخة طبق الأصل من تصميم البندقية AK-74M بس بإستثناء إن كل واحدة فيهم شغاله بعيار طلقات مختلف.