إنت لما بتتكلم عن أرامكو فإنت بتتكلم عن شركة شغالة بقالها 80 سنة في مجال التنقيب عن البترول وخلال ال80 سنة دول قدرت إنها تنتج 145 مليار برميل ولو صدقت كلامهم فهم لسه عندهم إحتياطي نفطي حوالي 260 مليار برميل بترول وده رقم كفيل إنه يسد إحتياجات العالم كله من البترول لمدة 7 سنين .. ده غير إنهم بيقولوا إن عندهم كمان إحتياطي نفطي بس لسه مفيش تأكيد بإنه موجود فعلاً أو لا بحوالي 400 مليار برميل بترول.
موضوع الزبالة البلاستيك ده بقي كارثة بيئية بكل المقاييس لدرجة إن مجلة National Geographic في عددها بتاع شهر يونيو 2018 نزلت شوية صور عشان بس توريك حجم الكارثة اللي كلنا بلا إستثناء مشاركين فيها.
(جاستن ترودو) عنده 45 سنة .. لسه صغير نسبياً .. شكله أمور زي ما إنت شايف .. عارف يوظف الSocial Media كويس .. مجرد تبصله تحس إنك مرتاحله .. سياسياً هو رافع يافطة كندا المتسامحة المفتوحة المتقدمة اللي بترحب باللاجئين و بإتفاقيات التجارة الحرة و الأهم إنها بتملك إقتصاد بيحقق أكبر معدل نمو ضمن الدول السبع الإقتصادية الكبري .. دي نفس المجموعة اللي بتضم الصين و روسيا و أميركا و ألمانيا.
زمان منطقة الساحل دي كان بيستخدمها التجار عشان ينقلوا بضاعة من كل شكل و لون .. ذهب و ملح و بهارات و حتي عبيد من جوه أفريقيا لدول شمال أفريقيا .. دلوقتي البضاعة اللي بيتم نقلها إختلفت شوية.
أقل التقديرات خالص عشان السعودية تحسم حرب اليمن فهي محتاجة تبعت ما بين 10,000 ل20,000 مقاتل من جيشها وطبعاً مفيش حد في قيادة القوات المسلحة السعودية عنده الجرأة انه ياخد قرار زي ده.
مهم تكون فاهم إن القهوة هو أكتر منتج بيتباع و بيتاجر به في العالم بعد البترول .. اذا كان البترول انتاجه و تصديره حكر علي شوية دول اللي هم دول الأوبيك OPEC فإنت عندك البن بيتزرع في أكتر من 60 دولة وفيه اكثر من 25 مليون عيلة علي مستوي العالم دخلها قائم علي زراعة و إنتاج البن.
فيه ناس كتير بتتخيل سيناريوهات إن لو حصلت حرب بين مصر و إسرائيل إيه اللي ممكن يحصل؟ .. تخيل معايا إن حرب أكتوبر 1973 قامت دلوقتي بحيث حصلت نفس معركة الدبابات الرهيبة اللي دارت في سيناء تاني يوم الحرب.
أنا ليه بقولك إحنا رايحين في ستين داهية؟ .. لو حصل فعلاً و الإسرائيليين قالوا إن أرض المستوطنات اللي في الضفة الغربية دي بتاعتنا فالعالم كله حيقولهم هو أنتوا إيه اللي بتعملوه ده؟ أنتوا بتعملوا في الفلسطينيين زي بالضبط ما نظام التفرقة العنصرية في جنوب أفريقيا كان بيعمل في السمر.
لما الجواب راح للملك (جيمس الأول James I) في الأول هو مكنش شايف إن ده تهديد حقيقي وإن مفيش حاجة تستدعي القلق .. بس يوم 4 نوفمبر اللي هو قبل الجلسة الإفتتاحية للبرلمان بيوم أمر واحد إسمه (إيرل Earl) أمير منطقة إسمها سافولك Suffolk قرر إنه يعمل تفتيش شامل لقصر ويستمينستر Westminster Palace اللي المفروض إن الجلسة الإفتتاحية للبرلمان حتتعمل فيه بكره.
أول تجربة حقيقية للعوزي Uzi كانت في حرب العدوان الثلاثي علي مصر سنة 1956 وعشان أكون دقيق أكثر أول ناس تستخدمه كانت عناصر من وحدة القوات الخاصة الإسرائيلية اللي هي وحدة 202 اللي كانت مكلفة بإنها تحتل مضيق متلا في شبه جزيرة سيناء.
الأطفال الهولنديين بيتمتعوا بأكثر نسبة حرية ممكن تشوفها في العالم .. الطفل الهولندي له الحرية إنه يروح مدرسته لوحده راكب عجلته .. له الحريه إنه يلعب بعد المدرسة و إنه يزور صحابه براحته من غير ما حد من أبوه و أمه يروحوا معاه .. مفيش حاجة إسمها الدنيا بتشتي و مش خارج و خلينا نقعد في البيت .. مفيش ماتش أو حدث رياضي بيتلغي بسبب سوء الأحوال الجوية.
الحقيقة اللي إنت حتكتشفها كل ما تغوط شوية في موضوع OBOR إن دي خناقة بين الصين واليابان علي مين يفرض نفوذه وسيطرته علي دول أسيا .. تقدر تقول إن دي حرب باردة جديدة بين أكبر قوتين إقتصاديتين في أسيا بس الفرق إن المعركه الأساسية في الحرب دي مش سباق تسلح قد ما هي سباق هندسي وتجاري وخصوصاً في تكنولوجيا هندسة السكك الحديدية السريعة High Speed Rail وعشان تفهم النقطة دي كويس خلينا ناخد مثال علي الأرض هو تايوان.
بس قبل ما تقول لنفسك أيوه صح إحنا جبنا الطيارات دي عشان تشتغل علي متن حاملتي طائرات الميسترال Mistral اللي إحنا إشتريناهم من فرنسا فخليني أقولك إن روسيا عاملة نسخة مخصوص من Ka-52 بتشتغل علي حاملات الطائرات إسمها Ka-52K و لسه فيه مفاوضات شغالة علي هل حنشتري النوع ده كمان ولا حنكتفي بNile Crocodile؟
ده اللي بيقوله (مايكل وولف Michael Wolff) في كتابه هو إن أفراد الطاقم الرئاسي اللي المفروض إنهم شغالين مع (دونالد ترامب Donald Trump) عارفين إنه رجل هلاس وكداب وعمره ما قعد علي طرابيزة مفاوضات قبل كده .. ده رجل أصلاً مبيعرفش يقرأ الBalance Sheet بتاع شركته اللي هو التقرير بتاع الأرباح و الخسائر .. ده رجل إتعود يطلع في التليفيزيون يروج لنفسه علي إنه من عباقرة الBusiness بس الحقيقة إن فيه ناس شغاله معاه هي اللي بتعمل كل حاجة.
خليني أديك مثال .. حتعرف كمان شوية بالتفصيل إن قطر قررت تشتري 24 مقاتلة Typhoon الأوروبية اللي من تصنيع شركة BAE Systems .. الصفقة دي تعتبر أضخم صفقة توقعها الشركة الأوروبية من حوالي 10 سنين .. إنت من حقك تبص لعدد المقاتلات و تقول لنفسك إيه البذخ ده؟ ما طبعاً القطريين معاهم فلوس مش عارفين يودوها فين.
لو جيت حطيت نفسك مكان أي حد في مجلس إدارة مانشستر يونايتد و سألت نفسك طب و إيه العمل؟ .. تفتكر لو قلت إنك لازم تمشي (جوزيه مورينيو) حتجيب مين مكانه؟ الحقيقة إن زي أي إتنين متجوزين لما بيوصلوا لمرحلة اللي أنا بسميها اللبس في الحيطة في جوازهم بيحتاجوا إنهم يتكلموا مع حد سواء دكتور نفسي أو خبير علاقات زوجية .. هنا (جوزيه مورينيو) محتاج حد يساعده .. فيه مين حول (جوزيه مورينيو) بيتكلم معاه و يفضفض معاه بدل ما كل شوية يطلع في مؤتمر صحفي يقعد ينكد علينا عيشتنا؟