اللي حصل في الحرب الكورية الأولي إن لما الصينين لقوا إن الأمريكان وصلوا لحدودهم مع كوريا الشمالية بدأوا عملية عسكرية ضد القوات الأميريكية لنجدة كوريا الشمالية .. ده إحتمال كبير يحصل تاني .. إنت ممكن القوات الأميريكية فجأة تلاقي نفسها معرضة لهجوم كاسح صيني أو روسي لنجدة كوريا الشمالية.
زمان و زمان ده اللي هو في التسعينات و أوائل الألفينات كنت ممكن تلاقي ممثل نجم شباك زي (توم هانكس Tom Hanks) ينزل بفيلم مش مصروف عليه كتير زي فيلم Cast Away مثلاً و يكسر به الدنيا أو ممثل تاني زي (دينزل واشنطن Denzel Washington) لما أبهر الدنيا كلها بأداءه في فيلم Training Day و أساساً الفيلم مش مصروف عليه خالص تقريباً .. دلوقتي عشان ممثل من دول ينزل بفيلم و يكسر الدنيا زي ما بنقول يبقي لازم يبقي فيلم Superheroes من بتوع Marvel ولا DC Comics.
القوات المسلحة الأميريكية زيها زي أي قوات مسلحة في العالم بتتكون من أفرع رئيسية اللي هي القوات الجوية USAF والقوات البحرية US Navy والقوات البرية US Army .. من ضمن الأفرع الرئيسية للقوات المسلحة الأميريكية هي قيادة العمليات الخاصة Special Operations Command وإختصاراً بتتسمي SOCOM .. حاول تتخيل إن الأمريكان خدوا وحدات الصاعقة في الجيش المصري فصلوها عن القوات البرية وبقت قيادة مستقلة بذاتها زي القوات الجوية والبحرية.
درجة الحرارة هي كمية إحصائية Statistical Quantity .. بمعني .. لو حبيت أقيس درجة حرارة شوية مياه موجودين في كوباية .. حضرتك حتجيب ترمومتر زئبقي وتحطه في الكوباية .. درجة الحرارة اللي بتطلعك هي متوسط درجة حرارة جزئيات المياه لإن مينفعش تقولي إنك ناوي تحسب درجة حرارة جزيء معين من جزيئات المياه اللي موجودين في الكوباية .. مينفعش تقولي أنا حقيس درجة حرارة أليكترون معين بيدور حول ذرة .. لو لقيت حد بيقولك كده فهو بيهري وبيفتي.
كل حاجة إتغيرت في فالنسيا الموسم ده .. رئيس النادي إتغير ودلوقتي بقي (أنيل مورثي Anil Morthy) وده رجل كان شغال في السلك الدبلوماسي .. المدير العام للنادي هو كمان إتغير وبقي (ماتيو أليماني Mateu Alemany) وده كان ماسك رئيس نادي ريال مايوركا .. كل حاجة إتغيرت في فالنسيا .. مجلس الإدارة إتغير والمجلس الجديد قال إنه مصمم يكمل بناء إستاد الميستايا الجديد اللي أساساً كان مشروع بناءه موقوف من 8 سنين .. كل حاجة إتغيرت في فالنسيا حتي الأكل اللي بيتقدم للاعبين .. زمان مكنش حد بيهتم أوي بالمطبخ اللي بيعمل الأكل للاعبين.
سنة 1933 وصل (أدولف هتلر) لحكم ألمانيا بوعد إنه حيرجع ألمانيا لمجدها تاني .. اللي كان الجنرال (هانز فون سيكت) بيعمله في السر عمله (أدولف هتلر) قدام الناس كلها .. هو قال للحلفاء في وشهم إتفاقية فرساي دي تبلوها وتشربوا ميتها .. بس مش دي النقطة اللي عايزين نركز عليها .. إذا كان (هانز فون سيكت) كان بيعيد بناء القوات المسلحة عشان ولاءها يبقي للشعب الألماني ف(هتلر) بدأ يبرمجها عشان ولاءها يبقي له هو شخصياً.
لما بنك إسرائيلي من دول يقع في مشكلة مع السلطات الأميريكية مثلاً بيبقي فعلاُ فيلم رعب للبنك الإسرائيلي .. فجأة بيلاقي نفسه بيتعامل مع سلطات حكومية مبتحرمش .. من كام سنة بنك Leumi Private Bank أجبرته وزارة العدل الأميريكية إنه يدفع غرامة 400 مليون دولار عشان البنك ساعد بعض عملاءه الأمريكان إنهم يتهربوا من الضرائب اللي عليهم.
الحقيقة إنك لو من الناس اللي بتحب شخصية (أردوغان) فأنا مش عايزك تتخض بس الحقيقة إن تاريخ تركيا مش بيدعوا أوي للتفاؤل .. يمكن بإستثناء (مصطفي كمال أتاتورك) اللي لما مات حزبه الحزب الشعبي الجمهوري أو CHP كمل لحد دلوقتي بس محصلش إن قائد سياسي تركي قوي مات أو ساب السلطة والحزب بتاعه كمل.
مشكلة الإصلاح المفاجيء والمتسرع إنه بيخلق أعداء والأعداء دول بيبدأوا يتحالفوا مع بعض ضدك .. عشان تبدأ تنتصر عليهم لازم تبقي سمعتك قدام الناس تبقي أنظف من الماس .. الناس لازم تقتنع وتصدق إنك بني أدم نظيف ومش حرامي ومش عايز حاجة غير مصلحة البلد .. هو سجن أو خلينا نقول حط أفراد العائلة المالكة اللي هو شايفهم أعداء ليه تحت الإقامة الجبرية بتهم فساد .. بس إيه اللي حيحصل لو الإعلام بدأ يتسربله قصص عن فساد (محمد بن سلمان) نفسه.
إنت لو جيت سألت أي شاب في مصر بيتابع كرة قدم تعرف إيه عن beIN Sports حيقولك إن دي الشركة اللي بتملك حق البث الحصري لماتشات الدوري الإنجليزي و الإسباني و بطولة دوري أبطال أوروبا و بطولة الدوري الأوروبي .. دي البطولات الأوروبية .. في غيرهم بطولة كأس العالم و تصفيات بطولة كأس العالم و بطولة أمم أوروبا و تصفيات بطولة أمم أوروبا ده غير طبعاً بطولة أمم أفريقيا للمنتخبات و الأندية و بطولة أمم أميركا الجنوبية المعروفة بإسم كوبا اميركا.
عشان أقربهالك أوي .. مقاتلات MiG-29 Fulcrum هي النسخة الروسي من مقاتلات F-16 Fighting Falcon الأميريكية واللي تعتبر العمود الفقري للقوات الجوية المصرية .. مقاتلات Su-27 تعتبرالنسخة الروسية من مقاتلات F-15 Strike Eagle الأميريكية ودي معندناش منها في مصر.
(هارفي واينستين) من الناس اللي بتعرف تستخبي كويس .. أي متحرش كده علي فكرة .. حاول تفتكر أي مرة إنت كنت في مواصلة عامة وحصلت قدامك حادثة تحرش والضحية زعقت ودافعت عن نفسها وحاول تفتكر منظر المجرم اللي إرتكب الجريمة دي .. حتلاقيه في الغالب لابس كويس ومن الناس اللي لو إتعرضت عليك صورها من غير ما تعرفها من المستحيل إنك تتخيل إن ده في يوم من الأيام ممكن يتحرش بإمرأة .. (هارفي واينستين) بينطبق عليه ده جداً بس لإنه رجل معاه فلوس فطريقته في إنه يستخبي بتبقي مختلفة شوية.
الفكرة اللي الإسرائيليين كانوا عايزين يوصلولها إن الكلام ده يوصل لKGB واللي بدورهم يوصلوه للقيادة السياسية السوفيتية واللي أكيد حتوصله ل(جمال عبدالناصر) و(حافظ الأسد) واللي ساعتها ممكن يقولوا إن من مصلحتهم إن التوتر يخف شوية وكان ممكن نكسة يونيو دي متحصلش من أساسه .. المشكلة إن القيادة السياسية السوفيتية خدت تقرير KGB اللي بيحذر من كارثة حتحصل كمان 4 أيام وحطوه في الدرج عشان يتعمدوا إنهم يحطوا مصر وإسرائيل علي سكة الحرب.
. فيه ممثلين يا عيني لما بينجحوا في دور بيفضلوا محبوسين جوه الدور ده و مبيعرفوش يطلعوا منه .. زي مثلاً (توم كروز Tom Cruise) اللي إنت بتستني تشوفه في جزء جديد من سلسلة Mission Impossible و غير كده بتبقي شبه متؤكد إن أي فيلم تاني هو يعمله بره السلسلة دي حيبقي وحش .. مشكلة (بينيدكت كامبرباتش) إنه حصر نفسه مش في سلسلة إنما في شخصية.
فكرة إنك يبقي عندك هدف عايز تدمره والهدف ده بعيد عنك بس بدل ما تبعت سرب مقاتلات في غارة جوية وتخاطر إن ممكن مقاتلة منهم تقع وتقعد تحسب في تكاليف وخطط إنقاذ محتملة وصداع وهم ما يتلم تقوم باعت سفينة أو غواصة تطلق شوية صواريخ Cruise Missiles تدمرك الهدف اللي إنت عايز تدمره وإنت حاطط رجل علي رجل قد تكون مغرية بس علي فكرة قديمة.
السعودية معندهاش مصانع سلاح .. السعودية معندهاش مصانع بنادق ألية AK-47 و معندهاش مصانع مسدسات و قنابل .. اللي بيحصل زي ما فعلاً حصل في الفترة من 2012 لحد 2015 إن المخابرات السعوديه إشترت عشرات الالاف من البنادق الألية و المدافع الرشاشة و قاذفات الصواريخ و أكثر من 350 مليون طلقة ذخيرة من دول شرق أوروبا زي ألبانيا و البوسنة و الهارسك و صربيا و الجبل الأسود .. السلاح ده كله بيتنقل بطيارات عسكرية سعودية لقواعد جوية أردنية و سعودية و إماراتية و بعد كده المخابرات السعودية بتوزع السلاح ده علي العناصر المسلحة الموالية للسعودية سواء في سوريا أو اليمن.