اظن السؤال دلوقتي هو .. طب ايه اللي ممكن اليابان تعمله؟ .. اللي ممكن اليابان تعمله انها تدي مساعدات مش ديون بس المشكله ان اليابان داخله الخناقه دي متاخر اوي ومش بس مشكله التاخير هي اللي قارفه اليابانيين في عيشتهم
ده بيحطك قدام حقيقة إن القروض الصيني دي لقت طريقها لأكتر من 112 دولة .. صحيح إن فيه منهم كتير بياخدوا القروض دي بناء علي مبادرة OBOR اللي هي One Belt One Road.
محدش قال نبطل ناخد قروض من الصين بس لو ناوي تعمل كده فإعمل حسابك إنك تتطلع عينهم في المفاوضات عشان ميلووش دراعك .. مفيش حاجة إسمها أدخل البضاعة الصيني من غير جمارك .. متديلهومش فرصة إنهم لما يجي معاد السداد متلاقيش حل غير إنك تبيعلهم البلد .. أوعي .. خد اللي حصل في كينيا كدرس قاسي أوي تتعلمه في التفاوض مع أي حد بيسلفك فلوس خصوصاً الصين.
نيجي بقي للسؤال المهم .. مين اللي أكل الجبنة؟ .. مين السبب ورا كل المصايب دي كلها؟ .. أظن باين من النقط اللي رصتها قدامك إنها الصين .. الفكرة إن الصين بتعمل مشاريع بنية تحتية Infrastructure كتير جداً ومكلفة جداً في أفريقيا وعمالة تزود في الديون المستحقة علي الدول الأفريقية دي.