طب لما (ناجلزمان Nagelsmann) إتعرف إنه مينفعش يجي؟ .. جه (توخيل Tuchel) .. الإتنين ألمان و بالتالي عارفين اللاعيبة الألمان اللي تشيلسي إشتراهم .. عايز أقولك إن (توخيل Tuchel) هو اللي خلي (بوليسيك Pulisic) أحرف لاعيب في بروسيا دورتموند و بسبب شغل (توخيل Tuchel) معاه تشيلسي إشتروه .. صادف كمان إن (توخيل Tuchel) إشتغل قبل كده مع (تياجو سيلفا Thiago Silva) في باريس سانجيرمان.
تبقي نقطة هل اللي بتعمله إدارة بروسيا دورتموند ده صح ولا غلط؟ .. الحقيقة دي نقطة وجهات النظر .. علي إيدك اليمين الناس اللي بتقول إن ده غلط بدليل إن الفرقة في 8 سنين مجابتش إلا بطولة يتيمة .. قصاد علي إيدك الشمال الناس اللي بتقول لا معلش ثانية واحدة لو اللي بتعمله إدارة بروسيا دورتموند غلط ممكن حد يقولنا ليه أندية زي ليل في فرنسا أو ليستر سيتي أو أرسنال في إنجلترا و حتي ريال مدريد بتحاول تقلدهم؟
المنطق بيقول إن (فرانك لامبارد) لازم يدوله علي الأقل موسمين بس مش عارف ليه عندي إقتناع إن ده مش حيحصل .. تشيلسي نادي متعود علي النجاح و علي البطولات و معندوش ثقافة الصبر علي حد.
لو انت ناوي تكمل سف علي الفراخ فأحب بس أقولك إن الفراخ عملوا كذا صفقة محترمة جداً .. جابوا جناح صغير في السن اللي هو (ريان سيسجنون Ryan Sessegnon) و جابوا خط النص الأرجنتيني (جيوفاني لو سيلسو Giovani Lo Celso) و قبليهم دفعوا 65 مليون جنيه إسترليني عشان يشتروا حيطة في خط النص إسمه (تانجاي إندومبيلي Tanguy Ndombele) فخلي بالك إن الفراخ السنة دي ناويين يكاكوا كتير.
التطور الكبير في كرة القدم خلق جيل جديد من المدربين .. إذا كان (مورينيو) هو النوكيا 3310 فالجيل الجديد هو الAndroid و الiPhone .. خد عندك واحد منهم زي (يورجين كلوب) .. الجيل الجديد قال بدل ما نركن الأوتوبيس و نستني الخصم هو اللي ييجي إحنا اللي حنروحله نضغط عليه و نقرفه في عيشته و حنقطع منه الكورة في نص ملعبه .. الفكرة دي بتتسمي الضغط العالي أو Pressing .. هنا أنا مش جاي أقول مين أحسن من مين أو مين صح و مين غلط .. اللي أنا عايز أوصله ليك إن في الوقت اللي كرة القدم فيه بتطور يوم عن يوم فضل (مورينيو) علي حاله.
هل (ساري Sarri) مدرب عبقري؟ الله أعلم بس في نفس الوقت هو ليه مش عارف يخلي (ديفيد لويز David Luiz) يركز في الماتشات؟ ليه مش عارف يخلي (ويليان Willian) يلعب زي ما كان بيلعب تحت ايد (جوزيه مورينيو Jose Mourinho)؟ ليه مش عارف يخلي (نجولو كانتي N’Golo Kante) يلعب في مركزه الطبيعي؟
للي إنت محتاج تفهمه إن أيا كان مين اللي حيشتري تشيلسي من (إبراموفيتش) فهو حيكون عارف إن النادي لسه مجابش أخره .. بمعني .. صحيح هم أنجح نادي في لندن .. هم النادي الوحيد من لندن اللي معاه 5 بطولات دوري إنجليزي و 5 بطولات FA Cup و الوحيد اللي كسب بطولة Champions League .. مع كل موسم حتلاقيهم من المرشحين إنهم يكسبوا كل بطولة داخلين فيها.
دي إدارة مش بهايم زي ما إنت متخيل قد ما هي إدارة كل اللي يهمها الفلوس .. دي إدارة عندها أكاديمية ناشئين محترمة أوي بس مش بتتعامل مع خريجها بنفس طريقة تعامل برشلونة مع أكاديمية لاماسيا La Masia إنها تعتبر مصنع تفريخ للاعبين يلعبوا في الفريق الأول.