ده معناه ان حكومة المرابطين في الأندلس بقي ماسكها ناس من المرابطين ميعرفوش حاجة عن الحكم و ميعرفوش حاجة عن الإقتصاد ولا عن جغرافيا و الطبيعة الإجتماعية لأهل الأندلس .. ده معناه إن ماسورة هبد و إتكسرت و غرقت الأندلس كلها.
كم الغل والحقد اللي جوه (حسن الصباح) خلاه يفضل يمشي علي رجله من سوريا للعراق لحد الحدود الإيرانية الأفغانية دلوقتي يفضل يدعوا الناس إنها تنضم له لحد ما قابل قلعة مبنية من الحجارة كان الناس بيسموها قلعة الموت أو شاه دز .. جنب القلعة هو لقي كهف خده مقر له وفضل قاعد فيه .. منطق (حسن الصباح) اللي إنت محتاج تفهمه إن (نزار) هو الخليفة الشرعي للمسلمين ولإنه خليفه المسلمين فهو معصوم من الخطأ.