طب لما (ناجلزمان Nagelsmann) إتعرف إنه مينفعش يجي؟ .. جه (توخيل Tuchel) .. الإتنين ألمان و بالتالي عارفين اللاعيبة الألمان اللي تشيلسي إشتراهم .. عايز أقولك إن (توخيل Tuchel) هو اللي خلي (بوليسيك Pulisic) أحرف لاعيب في بروسيا دورتموند و بسبب شغل (توخيل Tuchel) معاه تشيلسي إشتروه .. صادف كمان إن (توخيل Tuchel) إشتغل قبل كده مع (تياجو سيلفا Thiago Silva) في باريس سانجيرمان.
الحقيقة اللي إحنا قدامها دلوقتي إن خلاص (ميسي) قاعد و لو علي الأقل لحد أخر الموسم الجاي فده حيخلينا قصاد السؤال المهم .. هو يا تري (رونالد كومان) حاسس بإيه دلوقتي؟ .. السؤال من ناحية تانية .. انت لو مكان (كومان) حيكون أحسنلك إن (ميسي) يمشي ولا يقعد؟
شكلة (جوارديولا) مش إنه مدرب وحش أو مبالغ فيه زي ما ناس كتير بتقول أو إن مجده الشخصي إتبني علي كتاف (ميسي) .. لا خالص .. مشكلة (جوارديولا) إنه هبيد و زي أي هبيد في الدنيا هو مش طول الوقت بيهبد .. الهبيد بتلاقي دايما حاجة بتستفزه إنه يطلع الهبد اللي جواه .. في حالة (جوارديولا) الحاجة دي هي دور الثمانية و انت طالع من Champions League.
تجربة اطلانطا لازم نقف قدامها و ندرسها و نفهمها لإنها فعلاً تجربة بتحصل في العمر مره .. مفيش فرقة في أوروبا بتلعب بالطريقة دي .. مفيش فرقة بتلعب بفلسفة حنهاجم حنهاجم حنهاجم و انتوا مالكوا خلوا الدفاع ينفعكوا .. مفيش فرقة فيكي يا أوروبا لعبت قصاد أطلانطا و خرجت بالكلين شيت.
جرانادا متصدري الدوري الإسباني بعد بداية مذهلة و محدش كان متوقعها ليهم الموسم ده .. دي فرقة بناء علي لوايح الإتحاد الإسباني لكرة القدم مش مسموحلها غير إنها تصرف يدوبك 35.6 مليون يورو علي المرتبات .. دي فرقة كانت بتلعب الموسم اللي فات في دوري المظاليم بس ماسكها مدير فني بيفهم فشخ إسمه (دييجو مارتينيز Diego Martinez).
أنهي الأحسن؟ .. (هاري كاين Harry Kane) يفضل في توتنهام ولا يمشي ويروح مانشستر يونايتد زي ما (ريو فيرديناند Rio Ferdinand) عمل زمان لما ساب ليدز يونايتد مع إنه كان أساسي معاهم؟
ريال مدريد عاشوا فترة إعداد زي الزفت مع (زين الدين زيدان) .. رغم إن (زيدان) مش عايز (جاريث بايل Gareth Bale) إلا انه لحد دلوقتي لسه موجود في النادي .. (إيدن هازارد Eden Hazard) فيه كلام كتير حول لياقته البدنية و دلوقتي سامعين تقارير إن (زيدان) إتخانق مع (لوكا جوفيتش Luka Jovich).
لو انت ناوي تكمل سف علي الفراخ فأحب بس أقولك إن الفراخ عملوا كذا صفقة محترمة جداً .. جابوا جناح صغير في السن اللي هو (ريان سيسجنون Ryan Sessegnon) و جابوا خط النص الأرجنتيني (جيوفاني لو سيلسو Giovani Lo Celso) و قبليهم دفعوا 65 مليون جنيه إسترليني عشان يشتروا حيطة في خط النص إسمه (تانجاي إندومبيلي Tanguy Ndombele) فخلي بالك إن الفراخ السنة دي ناويين يكاكوا كتير.
و لقوا إن شغلانة يجيب فلوس للنادي دي لازم تبقي مربوطة بصلاحيات بيع و شراء اللاعيبه و عشان كده قرروا إنهم يمشوا (ديفيد جيل David Gill) المحاسب اللي كان ممشي حسابات النادي زي السكينة في الجاتوه و حطوا مكانه (إيد وودوارد).
دور المجموعات من Champions League بيلعب فيه كل سنة 32 فرقة .. فيه 19 فرقة من ال32 دول بييجوا من 5 دوريات بس اللي هم الدوري الإنجليزي و الإيطالي و الإسباني و الألماني و الفرنسي .. يا ولاد التييت ده لو أياكس أمستردام كسب الدوري الهولندي بتخلوه يخش تصفيات قبل ما يتأهل لدور المجموعات.
ناس كتير مسمعتش عن (كلوب) غير لما درب بروسيا دورتموند ووصل بيهم نهائي دوري أبطال أوروبا قصاد بايرن ميونيخ وخسره .. الحقيقة إن كتير مننا ميعرفش حاجة عنه غير إنه رجل متخصص يخسر نهائيات وده طبيعي أصل إحنا عايشين في عصر السوشيال ميديا .. عصر يهمك فيه تاخد الزتونة مش إنك تفهم ده حصل ليه؟ وإمتي؟ وإزاي؟ .. اللي انا عايزك تطلع به من المقالة دي مش إن (كلوب) ده رجل تخصص خسارة نهائيات قد ما أنا عايزك تعرف إنه رجل الدنيا داست علي وشه بما فيه الكفاية.
التطور الكبير في كرة القدم خلق جيل جديد من المدربين .. إذا كان (مورينيو) هو النوكيا 3310 فالجيل الجديد هو الAndroid و الiPhone .. خد عندك واحد منهم زي (يورجين كلوب) .. الجيل الجديد قال بدل ما نركن الأوتوبيس و نستني الخصم هو اللي ييجي إحنا اللي حنروحله نضغط عليه و نقرفه في عيشته و حنقطع منه الكورة في نص ملعبه .. الفكرة دي بتتسمي الضغط العالي أو Pressing .. هنا أنا مش جاي أقول مين أحسن من مين أو مين صح و مين غلط .. اللي أنا عايز أوصله ليك إن في الوقت اللي كرة القدم فيه بتطور يوم عن يوم فضل (مورينيو) علي حاله.
التغيير كان في أساسات النادي .. فرق الناشئين مبقاش يتقيم نجاحها علي أساس خدتوا كام بطولة جمهورية لسنكوا قد ما بقي بيتقاس نجاحهم بالإجابة علي سؤال أنتوا طلعتوا كام لاعيب ينفع يلعب في الفرقة الأولي؟ .. انت بتسمع عن فرقة زي الزمالك كده كل موسم يغيروا مدير فني و مطلوب من الفرقة إنها تسحر و بقدرة قادر تفهم المدير الفني الجديد و تطبق فكره و تكسب بطولات.
خليني أحطهالك علي بلاطة .. مفيش بلد بتنول شرف تنظيم بطولة إياكش حتي تبقي تنظيم بطولة لعب الدومينو علي القهاوي أو بطولة رمي البلي لمسافات طويلة و العملية مش بتبقي فيها مجاملات و هدايا و لعب من تحت الطرابيزة .. إرجع بس بذاكرتك لكم الفضايح اللي كلنا سمعناها من واحد زي (تركي ال شيخ) عن كل التجاوزات اللي كانت بتحصل في كرة القدم المصرية و انت حتستوعب انا بقول إيه .. لما الإتحاد الدولي لكرة القدم FIFA عمل لجنة تحقيق تشوف هل فعلاً قطر إرتكبت تجاوزات لقوا نفسهم قدام حقيقة صعبة أوي .. هو مين مش بيتجاوز؟
صحيح يبان إن رقم 650 مليون جنيه إسترليني ده رقم كبير و تحس إنك أول ما تسمعه إن Puma دافعه دم قلبها وإن خلاص كده يا جدعان اسم مانشستر سيتي بقي علامة مسجلة زيه زي Apple بس الحقيقة مش كده .. الحقيقة مش كده خالص .. تقريباً أي نادي من ضمن كبار الدوري الإنجليزي الممتاز (ما عدا مانشستر يونايتد حتفهم ليه كمان شوية) لو قرر إنه بكره الصبح يدور علي شركة جديدة تعمله تي-شيرتاته فغالباً حيتدفعله رقم قريب أوي من ده.
Hظن السؤال دلوقتي هو طب و الحل؟ انا كمشجع أرسنالاوي حفضل كده دمي محروق؟ .. الحقيقة اه للأسف .. زمان كان لما أرسنال يتحط في موقف زي ده بيصرفله حبه فلوس حلوين علي صفقات سوبر بس الصفقات دي تجيبله بطولات فبفلوس البطولات دي يعوض الفلوس اللي هو دفعها.