فيلم Batman Begins كان فيلم سوبرهيرو قبل ما Marvel تفكر تعمل فيلم سوبرهيرو .. الفيلم ده كان سابق عصره بسنين و رغم كده محدش بيجيب سيرته .. لكن اللي مخليني فعلاً بحب الفيلم ده جداً هو الطريقة اللي (كريستوفر نولان) بيعمل بيها أفلامه واللي تتلخص في كلمة واحدة .. التصعيد.
زمان الرومانسية و الحب كانوا جزء مهم مش بس من أفلام السوبرهيروز إنما من أي فيلم بس دلوقتي إحنا وصلنا لمرحلة إن مشاهد الحب و الرومانسية بقت بتتشال في المونتاج لإن معادش فيه وقت إتنين بيحبوا بعض.
رأي الناس في فيلم Watchmen كان حاجتين: الحاجة الأولانية إنه متصور حلو أوي و دي ميزة في شغل (زاك سنايدر) و اللي لما تتفرج علي أفلامه زي 300 حتلاقي إن المشاهد خصوصاً مشاهد الأكشن متصورة حلو أوي .. ثاني حاجة و دي برده حاجة مميزة في شغل (زاك سنايدر) ان مفيش قصة و مفيش حوار و مفيش حبكة و مفيش صدمة .. طول الفيلم ناس بترغي في كلام ملوش معني بس الأكشن شكله حلو.
تعالي ناخد الفيلم الجديد من سلسلة X-Men و اللي حيبقي اسمه Dark Phoenix و اللي يعتبر أخر فيلم تنتجه شركة 20th Century Fox للسلسلة .. الفيلم ده الحقيقة يعتبر مثال صارخ للفوضي و العك و اللي بقي طريقة شغل في السلسلة .. في الوقت اللي Marvel بتعمل اللي تقدر عليه عشان تضمن سرية الأحداث في أي فيلم تعمله تلاقي إننا بسم الله الرحمن الرحيم كده عارفين إن شخصية (ميستيك Mystique) اللي بتقدمها (جينيفر لورينس Jennifer Lowrence) حتموت في الفيلم.
إحنا إتربينا علي إن السوبرهيروز بيجيبوا حق المظلوم .. هم إتكتبوا كده في الروايات و القصص المصورة اللي كنا بنقراها و إحنا صغيرين .. خد عندك شخصية زي سوبرمان مثلاً .. دي شخصية إتكتبت بعد فترة الكساد اللي ضربت أميركا في الثلاثينات و خلت فيه حالة إحباط عام بين الناس .. في القصص المصورة سوبرمان كان واقف في صف المواطن الغلبان و بيحارب الفساد اللي إستشري في المجتمع .. و مش لوحده.