فنلندا دي بلد فوق خالص بينها و بين القطب الشمالي فرده كعب .. هي بلد ضمن الدول الإسكندنافية و حتي علمها شبههم .. أبيض بصليب لونه أزرق .. بلد عايش فيها 5.5 مليون بني أدم فهي بلد إلي حد ما صغيرة بس ربنا إبتلاها بحدود علي إمتداد 1333 كيلومتر مع روسيا و صدقني لو قلتلك إن تاريخ العلاقة بين روسيا و بين فلنلندا يوريك إنها علاقة توكسيك.
البندقية دي شركة Heckler & Koch فضلت تشتغل عليها 10 سنين لحد ما في سنة 2000 بدأت تنتجها .. بندقية إتعملت بروقان .. البندقية مش متصنعه من البلاستيك إنما متصنعه من البوليمرات بنسبة 15% متصنعه من Fiberglass فده معناه إنها خفيفة بس في نفس الوقت قوية ومش بتصدي.
الأوروبيين كانوا مستنيين سبب يفرحوا عشانه بعد ما الحرب العالمية الثانية خلصت .. هي طبيعة البشر كده ما بيصدقوا يلاقوا حاجة يفرحوا عشانها بعد سنين النكد .. الجسر الجوي لإنقاذ برلين إستمر حوالي 15 شهر .. خلال الفترة دي الطيارين قدروا ينقلوا 2.4 مليون طن من الأكل والبنزين لبرلين .. خلال الفترة دي مات 79 بني أدم عشان برلين متموتش من الجوع .. الفترة دي كانت السبب في إنشاء أكبر تحالف عسكري في تاريخ البشر اللي هو حلف شمال الأطلنطي.
ألمانيا بتزود صرفها العسكري بالفصال .. سنة 2014 الميزانية العسكرية كانت 38 مليار دولار بس .. سنة 2018 الميزانية العسكرية الألمانية كانت 44 مليار دولار .. السنة اللي وراها اللي هي 2019 الرقم زاد شوية بقي 48.5 مليار دولار و إن شاء الله سنة 2025 حيوصل 67 مليار دولار.
لما الألمان صمموا الLeopard 2A4 كان في دماغهم إنهم يصنعوا دبابة سريعة تقدر تقف قدام غزو سوفيتي كاسح لألمانيا الغربية أيام الحرب الباردة .. دي دبابات إتصممت عشان تقف قدام الدبابات الروسي في حرب مفتوحة وعمر ما الألمان تخيلوا إنها حتستخدم في حرب عصابات ضد ناس معهاش غير عبوات ناسفة و صواريخ محمولة علي الكتف و في حرب الإعلام مركز عليها أوي لدرجة إن خبر تدمير دبابة تركية واحدة كفيل إنه يدي لأي حد إنطباع إن وكأن العملية العسكرية كلها فشلت.
سنة 1933 وصل (أدولف هتلر) لحكم ألمانيا بوعد إنه حيرجع ألمانيا لمجدها تاني .. اللي كان الجنرال (هانز فون سيكت) بيعمله في السر عمله (أدولف هتلر) قدام الناس كلها .. هو قال للحلفاء في وشهم إتفاقية فرساي دي تبلوها وتشربوا ميتها .. بس مش دي النقطة اللي عايزين نركز عليها .. إذا كان (هانز فون سيكت) كان بيعيد بناء القوات المسلحة عشان ولاءها يبقي للشعب الألماني ف(هتلر) بدأ يبرمجها عشان ولاءها يبقي له هو شخصياً.