توم كروز .. نجم الشباك اللي محتاج يفكر كتير قبل ما يختار أدواره.
زمان و زمان ده اللي هو في التسعينات و أوائل الألفينات كنت ممكن تلاقي ممثل نجم شباك زي (توم هانكس Tom Hanks) ينزل بفيلم مش مصروف عليه كتير زي فيلم Cast Away مثلاً و يكسر به الدنيا أو ممثل تاني زي (دينزل واشنطن Denzel Washington) لما أبهر الدنيا كلها بأداءه في فيلم Training Day و أساساً الفيلم مش مصروف عليه خالص تقريباً .. دلوقتي عشان ممثل من دول ينزل بفيلم و يكسر الدنيا زي ما بنقول يبقي لازم يبقي فيلم Superheroes من بتوع Marvel ولا DC Comics.