برميل البترول هيوصل ل 100 دولار .. دا الترند السائد بين الناس اللي كل اللي بتعمله ف حياتها انها بتتابع اخبارو بتتوقع احداث علي اساس مراقبه مؤشر الاسعار ماشي ازاي بس الحقيقه ان الموضوع مش كدا خالص :
اولا .. البترول في الفتره الاخيره زاد لسبب بسيط جدا وهو العقوبات الامريكيه علي ايران عن طريق منع الدول المستورده و الشركات المستثمره من التعامل مع ايران و اللي بتنتج حوالي 4 مليون برميل/اليوم و في مقابل دا هي مضطر يعوض النقص ف امداد النفط لسببين:
- ان ترامب عنده انتخابات تجديد نصفي لاعضاء الكونجرس في نوفمبر المقبل و طبعا مش من مصلحته في منافسته قصاد الديموقراطيين ارتفاع اسعار النفط نظرا لتاثيره علي مستوي الحياه و الاسعار ف الولايات المتحده بالاضافه لانه عايز يامن مصالح حلفاؤه من الدول المستورده زي الهند
- بالرغم من اعلان امريكا انها اكبر منتج للبترول الا ان زياده السعر مش ف صالحها اوي لان في قانون عندهم بيمنع الشركات المنتجه من تصدير اكتر من 15% من انتاجها و ان امريكا لسه بتستورد حوالي مليون برميل/اليوم
ثانيا .. ترامب اعلن صراحه ان زياده سعر البترول مش عاجبه وهدد السعوديه في تويته يوم 20 سبتمبر ودا نصها:
“We protect the countries of the Middle East, they would not be safe for very long without us, and yet they continue to push for higher and higher oil prices! We will remember. The OPEC monopoly must get prices down now!”
و بكدا و جب علي السعوديه انها تقنع حلفائها ف اوبك بزياده الانتاج عشان السعر ينزل تاني واللي مش هيكون سهل علي السعوديه نظرا لان السعويه تعتبر اكبر المستفيدين من ارتفاع الاسعار لتعويض عجز موازنتها و نفس الكلام بالنسبه لباقي الدول .. بس هما هيعملو كدا غصب عنهم لان ترامب مفهمهم ان بيعمل كل دا عشان يساعدهم ف حربهم البارده مع ايران او بمعني تاني هو خلاص لبسهم ف ايران و هما بقو مضطرين يكملوا معاه
بناءا علي الكلام دا الاسعار فعلا هتزيد لما فوق ال90$ علي المدي القصير ولكنها هترجع تقل تاني بعد م اوبك تزود انتاجها والانتاج يوصل فعليا للسوق لسداد العجز
المصدر:
مقاله بعنوان Rising oil prices haven’t hurt the US economy so far يعني ارتفاع اسعار البترول مضرش الاقتصاد الاميريكي لحد دلوقتي .. نشرت في جريده The New York Times الاميريكيه وده لينك المقاله الاصليه:
