حنتكلم عن المسلسلات و الافلام و الممثلين .. ايه احدث الافلام اللي نازله .. ليه الفيلم الفلاني نجح و ليه الفيلم العلاني فشل .. حنتكلم عن سباق الجوايز .. حنتكلم عن حاجات تقنيه جوه صناعه السينما
رأي الناس في فيلم Watchmen كان حاجتين: الحاجة الأولانية إنه متصور حلو أوي و دي ميزة في شغل (زاك سنايدر) و اللي لما تتفرج علي أفلامه زي 300 حتلاقي إن المشاهد خصوصاً مشاهد الأكشن متصورة حلو أوي .. ثاني حاجة و دي برده حاجة مميزة في شغل (زاك سنايدر) ان مفيش قصة و مفيش حوار و مفيش حبكة و مفيش صدمة .. طول الفيلم ناس بترغي في كلام ملوش معني بس الأكشن شكله حلو.
متستغربش لو سمعت معلومة إن ناس كتير بتعتبر روايات ملك الخواتم اللي كتبها الرجل اللي مجاش زيه (جيه أر أر تولكين) هي شغل خيالي علمي .. ده معناه إن الأفلام اللي بتحكي الروايات هي كمان لازم تتصنف علي إنها أفلام خيال علمي زيها زي Avatar اللي تقدر تقول عليه فيلم خيالي علمي لإنه بيحكي عن سفر البشر لكوكب تاني و إزاي إحنا كبشر بنتعامل مع شعب ثاني له ثقافته و لغته و عاداته و تقاليده.
كلامي النهاردة حيبقي حول كذا قصة توريك 3 حاجات مهمة أوي في أي فيلم كويس .. أول حاجة هي Cinematography أو التصوير السينمائي .. ثاني حاجة إسمها Production Design .. ثالث حاجة هي Costume Design أو الناس بتوع الهدوم.
تعالي ناخد الفيلم الجديد من سلسلة X-Men و اللي حيبقي اسمه Dark Phoenix و اللي يعتبر أخر فيلم تنتجه شركة 20th Century Fox للسلسلة .. الفيلم ده الحقيقة يعتبر مثال صارخ للفوضي و العك و اللي بقي طريقة شغل في السلسلة .. في الوقت اللي Marvel بتعمل اللي تقدر عليه عشان تضمن سرية الأحداث في أي فيلم تعمله تلاقي إننا بسم الله الرحمن الرحيم كده عارفين إن شخصية (ميستيك Mystique) اللي بتقدمها (جينيفر لورينس Jennifer Lowrence) حتموت في الفيلم.
كواحد بحب أتفرج علي الأفلام فأنا في رأيي إن هوليوود وكمان مصر محتاجة تدي للستات فرصة إنها تخرج وخليني أختملك بحاجة لطيفة .. عارف فيلم الطريق الي إيلات؟ .. إنت تعرف إن أخرجته واحدة ست اسمها (إنعام محمد علي)؟ .. أنظف فيلم حربي إتعمل في تاريخ السينما المصرية أخرجته واحدة ست .. حتي في أميركا أنا شايف إن (إنعام محمد علي) بتاعة أميركا واحدة اسمها (كاثرين بيجلو).
أظن اللي عايز أسأله هو أنا لو بعمل فيلم تاريخي فهل أنا مجبر إني ألتزم بدق’ الأحداث التاريخية؟ هل أنا كمخرج أو بكتب سيناريو بعمل فيلم سينمائي ولا بعمل فيلم وثائقي؟ .. حاجة تانية و هي إزاي أهتم أنا كمخرج أو مؤلف بالدقة التاريخية لأحداث الفيلم أو المسلسل بتاعي و أساساً التاريخ محدش متفق عليه.
علي الورق إزاي أصلاً سؤال زي ده يتسأل .. إزاي شخصية أسطورية زي (جيمس بوند James Bond) أجيال إتربت عليها عايزها تتعلم حاجة من شخصية ظهرت في مسلسل يدوبك فيه كام مليون واحد شافوه؟
تفتكر ليه الناس حبت شخصية زي (سليم الانصاري) اللي قدمها (امير كرارة) في مسلسل كلبش؟ احنا بنحب الضابط الباشا اللي معندوش مشكلة يقتل شوية حرامية و مجرمين بدم بارد عشان يحمي الابرياء اللي ملهمش ذنب .. بنحب اوي الشخصية اللي بيعمل الغلط باسم الصح.
في المقالة دي أنا جمعت شوية شخصيات زي (جاك رايان Jack Ryan) من اللي أبوس إيديكوا كفاية تعملوا عنها أفلام بقي عشان أنا فعلاً جتتي نحست.
فيلم Twilight زي ما قلتلك أخرجته واحدة ست اللي هي (كاثرين هاردويك Catherine Hardwick) .. فيلم كتبته واحدة ست وأخرجته واحدة ست وقصته كلها بتدور حول مشاعر وحياة وإختيارات بنت وفوق ده كله جاب فلوس وعجب الناس.
سلسلة Mission: Impossible إتعمل منها 6 أفلام أشرف عليهم 5 مخرجين مختلفين .. 5 مخرجين كل واحد برؤيته و بدماغه و بطبيعة شغله .. طب أزيدك من الشعر بيت .. عارف Mission: Impossible 3؟ الفيلم ده في رأيي واحد من أحلي أفلام السلسلة أخرجه (جيه جيه إبرامز JJ Abrams) اللي كان وقتها أول مره يخرج فيلم سينمائي لإن لحد اللحظة دي كانت كل خبرته في التليفيزيون و المسلسلات و (توم كروز) هو اللي جابه و هو اللي إختاره.
إحنا إتربينا علي إن السوبرهيروز بيجيبوا حق المظلوم .. هم إتكتبوا كده في الروايات و القصص المصورة اللي كنا بنقراها و إحنا صغيرين .. خد عندك شخصية زي سوبرمان مثلاً .. دي شخصية إتكتبت بعد فترة الكساد اللي ضربت أميركا في الثلاثينات و خلت فيه حالة إحباط عام بين الناس .. في القصص المصورة سوبرمان كان واقف في صف المواطن الغلبان و بيحارب الفساد اللي إستشري في المجتمع .. و مش لوحده.
اللي عمله (كريستوفر نولان Christopher Nolan) اللي في حالة إنك متعرفش هو مين فده اللي أخرج ثلاثية The Dark Knight اللي هم Batman Begins و The Dark Knight و The Dark Knight Rises إنه حط نموذج الإجابة بتاع إزاي تعمل فيلم Superhero نظيف.
Sony Entertainment عايزه ترسم صورة جديدة ليها وسط الناس و هي إنها شركة بتعمل أفلام جد و أكشن و بتناقش قضايا مهمة بتكلفة قليلة تخليك تروح تتفرج عليها في السينما ده لو انت مهتم بالقضايا دي .. متنساش إن لو انت مواطن أميريكي متاح ليك تتفرج علي فيلم Sicario 2: Day of the Soldado في السينما فانت لازم تكون من جواك مهتم بقضية الهجرة الغير شرعية و دور المخابرات و القوات المسلحة في مواجهة المخدرات.
اللي حنتكلم عنه النهاردة هو سلسلة أفلام دايماً بتقع من دماغ الناس اللي هي سلسلة (جاك رايان Jack Ryan) .. يمكن لإن السلسلة دي عملها كذا ممثل ورا بعض فإنت كمشاهد الشخصية معلقتش معاك بوش ممثل معين.
في رأيي الشخصي الروك أو خلاص بلاش نستخدم الإسم ده وخلينا نناديه بإسمه السينمائي (دواين جونسون Dwayne Johnson) بعتبره ظاهرة في زمن اللي بينجح فيه السلسلة مش الممثل .. خليني أفهمك انا قصدي إيه.