تاريخنا مليان احداث و معارك و حروب و صراعات منعرفش عنها حاجه او معلوماتنا عنها قليله اوي .. حنحاول نغير ده في المواضيع اللي بنتكلم فيها
ده في الوقت اللي دماغ (كينيدي) كانت بتسرح في نقطة وهي ليه؟ .. ليه (خروشوف) يعمل كده؟ .. كل ده عشان انا نشرت صواريخ في تركيا؟ .. انا كان ممكن أسيبه يعمل اللي هو عايزه في كوبا لولا إني في مكالمتي في التليفون معاه حلفتله بالطلاق إن لو هو بعت أسلحة نووية لكوبا حطربق الدنيا فوق دماغه ودماغ كاسترو.
(سليمان القانوني) من الشخصيات المعقدة حبتين .. أنا مقدرش أحكم عليه بشكل عام .. أنا مقدرش و أنا قاعد في التكييف و بشرب كوباية النسكافية إني أتهم حد زي (سليمان) بإنه كويس أو وحش و أنا عمري ما عشت ولا شفت اللي هو شافه .. أنا اللي أقدر أعمله إني أشرحلك هو إيه اللي خلاه يتصرف بالشكل ده .. هو كان بيفكر إزاي .. ظروف إتخاذ القرار كانت إيه.
سنة 1533 ربنا بعت ل(سليمان) مشكلة تنسيه المصيبة اللي عماله تقرب عليه .. الدولة الصفوية .. حاول تتخيل إن دلوقتي (سليمان) هو اللي ماسك تركيا وإتخانق مع الإيرانيين .. غزو (سليمان) لإيران كان هو هو تجربته مع المجر بس بالعكس .. في المجر كان شتاء وغابات .. في إيران صيف وصحراء وجبال .. الأتراك دخلوا إيران وهم مستنيين أي مواجهة مع الإيرانيين بس مفيش.
الأتراك في طبيعتهم شعب بيخاف من الحسد والتشاؤم عندهم بيجري في دمهم مع كرات الدم الحمرا والبيضا .. (سليم الأول) توفي سنة 1520 ميلادي اللي هي 925 هجري .. (سليمان) إتولد سنة 900 هجري وكان عنده 25 سنة لما مسك الحكم كعاشر سلاطين الدولة العثمانية .. السلطان العاشر اللي إتولد مع أول سنة في القرن العاشر الهجري.
الأوروبيين كانوا مستنيين سبب يفرحوا عشانه بعد ما الحرب العالمية الثانية خلصت .. هي طبيعة البشر كده ما بيصدقوا يلاقوا حاجة يفرحوا عشانها بعد سنين النكد .. الجسر الجوي لإنقاذ برلين إستمر حوالي 15 شهر .. خلال الفترة دي الطيارين قدروا ينقلوا 2.4 مليون طن من الأكل والبنزين لبرلين .. خلال الفترة دي مات 79 بني أدم عشان برلين متموتش من الجوع .. الفترة دي كانت السبب في إنشاء أكبر تحالف عسكري في تاريخ البشر اللي هو حلف شمال الأطلنطي.
اللي انت محتاج تفهمه إن معركة اليرموك مكنتش مجرد معركة المسلمين كسبوها و خلاص .. دي كانت مسألة حياة أو موت .. مصير الإسلام كله إتوقف علي المعركة دي.
في ابريل 633 (ابوبكر) بعت 4 جيوش لشمال الحجاز علي حدود الدوله الاسلاميه مع الدوله البيزنطيه و الجيوش الاربعه كانوا تحت قياده (عمرو بن العاص) و (شرحبيل بن حسنه) و (يزيد بن ابي سفيان) و (ابوعبيده ابن الجراح) رضي الله عنهم جميعا .. الهدف او Objective بتاع الاربع جيوش مكنش انهم يشتبكوا مع الروم نهائي ولا حتي يقربوا ناحيه اي مدينه من مدن الشام اللي عايش فيها سكان كتير
أحسن إستراتيجية ممكن روما تمشي عليها هي إنها تتفادي أي مواجهة مباشرة مع (هانيبال) .. سيبوه ينهب في القري .. سيبوه يحرق في الأراضي الزراعية .. سيبوه يسرق أكلنا .. سيبوه يقتل .. سيبوه يغتصب ستاتنا .. في كل مرة حيستفزنا عشان ندخل في مواجهة معاه حنطنشه .. في كل يوم بيعدي هو بيخسر إمدادات وبيخسر فلوس .. شوية صبر وجيشه حيجوع.
زحف جيش (هانيبال) بين جبال الألب لإيطاليا يعتبر من أكتر تحركات الجيوش اللي عليها خناقة في تاريخ البشر من ساعة ما قلنا يلا نحارب .. المنطق والعقل بيقول مينفعش جيش يزحف بين جبال الألب في عز الشتاء .. كانت معجنة .. تلج .. السقعة .. عساكره ماتت يا بالجوع يا من البرد يا من هجمات القبائل اللي عايشة في المنطقة .. ورغم كل ده (هانيبال) عملها .. حقق المعجزة بس الثمن كان مخيف .. هو بدأ زحفه لإيطاليا وكان تحت إيده 98,000 مقاتل ولما وصل فعلاً كان معاه 26,000 بس.
في الأخر فيه حاجتين لازم تكون عارفهم .. لما (محمد الثاني) طلع قانون بيسمحله إنه يقتل اخواته فيه ناس كتير استغربت طب هي الناس سكتت ليه؟ .. هو ده مش ضد الدين؟ .. الحقيقة إنك محتاج تفهم إن المواطن البسيط مش فارق معاه .. ما يولع الحكم باللي عايز يحكم .. انا مالي انا ان السلطان يقتل اخواته ولا لا انا المهم عندي اني اعيش في بلد فيها أكل و شرب و شغل ..انت شخصياً عايش كده.
كان يا مكان سنة 1514 الشرق الأوسط كان مقسوم بين 3 ممالك .. الدولة الصفوية الشيعية اللي إنت ممكن مجازاً تسميها إيران و بيحكمها الشاه (إسماعيل الأول) .. المماليك اللي إنت أكيد عارف إنهم في مصر و دول كان بيحكمهم (قنصوة الغوري) .. العثمانيين اللي هم الأتراك و وقتها بيحكمهم (سليم الأول) .. أقوي 3 دول مش بس في الشرق الأوسط يمكن في العالم وقتها و الحقيقة إن العلاقة بين الدول الثلاثة كانت غريبة جداً و لازم تتفهم.
يوم 5 إبريل (محمد الثاني) وصل بنفسه للمدينة .. يوم 6 إبريل البيزنطيين لقوا إن الأتراك معاهم مدفع فشيخ كان أكبر مدفع يعمله البشر وقتها وبدأوا يضربوا به أسوار المدينة .. بس هو كان فيه مشكلة .. المدفع كان فشيخ لدرجة إنه بيضرب الدانة وبعد ما يضربها المهندسين اللي عليه بيحتاجوا 3 ساعات كاملة عشان ينظفوه ويعمروه تاني.
القبائل التركية كانت شرسة أوي في القتال وده كان تحدي صعب للقوات البيزنطية .. إذا كان الأتراك بيحاربوا عشان هم معندهمش حتة يروحوها وإن المغول خدوا بلدهم وبقوا مضطرين يحاربوا الروم عشان يعيشوا .. فالعساكر البيزنطيين علي الناحية التانية أهم حاجة عندهم هي المرتبات وهنا المشكلة.
بعد أقل من 10 سنين من نهاية الحرب الأهلية الأميريكية وهزيمة الولايات الكونفيدرالية الأميريكية إذ تلاقي إن الخديوي (إسماعيل) جند شويه ضباط أمريكان عشان يقودوا الجيش المصري ضد الإمبراطورية الأثيوبية في الحرب اللي محدش بيتكلم عنها أو عارف إنها حصلت أساسا.
طالما إنت في إشتباك جوي و معكش مدفع رشاش قصاد طيارة قدرتها علي المناورة أعلي منك بس معاها مدفع رشاش يبقي إنت كده حتتفشخ و ده اللي حصل في حرب فيتنام و ده هو هو اللي حصل في المنصورة و اللي من بعدها إتطلب من شركة ماكدونيل دوجلاس إنها تضيف مدفع رشاش إم-16 فولكان عيار 20 مليمتر عشان يحلوا المصيبة دي.
الملكة اللي حكمت بالميرا أو تدمر في سوريا وقدرت تاخد مصر وكتير من الولايات الرومانية وقدرت إنها تحول مملكتها لدولة عظمي تقف الند بالند لروما بس مقدرتش تحقق حلمها وتبقي ملكة العالم القديم.